Aanaar škoovlâ šiljoost lii movtáskâm fiiđgâs vaartâ ovdil, ko tijme čuojâd vuosmuu škovlâpeeivi aalgân.
Toimâtteijen uápis párnááh spellih jyelgipáálu, suiloh já käččih jyehi sajan, ko uáinih uápis skipárijd.
Täst peesah luuhâđ, magarijd aašijd Aanaar škovlâliih porgii kesiluámu ääigi.
Škovlâpálgá torvostem
Liikenneturva ráhtám tutkâmuš mield koskâmiärálávt kyehti vyeliškovlâahasâš pärni jaamij jotoluv tiet iivij 2023–2025 kooskâst ihásávt. Vyeliškovlâahasij lammâšumeh lijjii koskâmiärálávt 125.
Mannerheimin Lastensuojeluliitto ađai MLL Aanaar kieldâ páihálâšservi já Aanaar kirhosijdâ sijdâservi uásálisteh Suomâ vijđosii kampanjan, mast rijjâtátuliih puátih iđedist vakšuđ škovlâlij škovlâmääđhi torvolâšvuođâ.
Aanaarliih Jori Sujala já Kari Perätalo uásálistâv kyevti iiđeed ääigi vakšuđ jotoluv Aanaar sijdâst.
Sujala mield ohtâ škoovlâ aldasijn leijee syejiluoddâ lii uáli jo varâlâš. Syejiluoddâ mana kuulmâ kiäinu rasta siämmáá ääigi. Lasseen tot lii jotkum pyeráluoddâ.
Vakšum juátkoo ain oholoopâ maŋa aainâs-uv oovtâ iiđeed ääigi.
MLL Aanaar kieldâ páihálâšseervi värisaavâjođetteijee Kirsi Hautala muštâl, et kampanjan lii stuorrâ tárbu.
Rijjâtátuliih tuáivutteh puohháid rávhálâšvuođâ jotoluvvâst já torvolâš škovlâmääđhi škovlâlijd.
