1500

Ár

Áratugir

1481–1490 – 1491–1500 – 1501–1510

Aldir

14. öldin – 15. öldin – 16. öldin

Árið 1500 (MD í rómverskum tölum)

Á Íslandi

24 manna dómur nefndur á Alþingi til að skera úr um erfðadeilu sem nefnd var Möðruvallamál.
Benedikt Hersten hirðstjóri lét dæma um verslun og fiskveiðar Englendinga á Íslandi.
Hallsteinn Þorsteinsson og Sesselja Þorsteinsdóttir á Víðivöllum gáfu jörðina Skriðu í Fljótsdal til klausturhalds.

5. febrúar - Ítalíustríðin - Hertoginn Ludovico Sforza endurheimti Mílanó eftir að hafa verið hrakinn þaðan mánuði áður.
17. febrúar - Orrustan við Hemmingstedt - Danska hernum mistókst að leggja undir sig bændalýðveldið Þéttmerski.
22. apríl - Portúgalinn Pedro Álvares Cabral gekk á land í Brasilíu og hófst þar með könnun landsins.
8. maí - Fyrstu leiðbeiningar á eimun áfengis voru gefnar út: Liber de arte distillandi de simplicibus af Hieronymus Brunschwig.
29. maí - Pedro Cabral og föruneyti hans lentu í stormi við Góðrarvonarhöfða og misstu 13 skip. Meðal þeirra sem létust var Bartolomeu Dias.
9. ágúst - Önnur orrustan við Lepanto - Tyrkir sigruðu Feneyinga og lögðu Modon, Lepanto og Koron undir sig.
10. ágúst - Diogo Dias sá Madagaskar fyrstur Evrópubúa.
15. september - Kristófer Kólumbus var handtekinn ásamt bræðrum sínum tveimur af nýja landsstjóra Nýja heimsins Francisco de Bobadilla fyrir að taka Spánverja af lífi. Bræðurnir voru sendir til Spánar og var sleppt í desember að beiðni Ferdínands og Ísabellu konungshjóna.
Svisslendingurinn Jacob Nufer framkvæmdi fyrsta keisaraskurð sögunnar er eiginkona hans gat ekki fætt barn þeirra. Hann bjargaði þar með lífi hennar og barnsins.
Úlfar dóu út á Bretlandseyjum.