NetPositive

NetPositive
NetPositive 2.2 на BeOS R5
Тып	Браўзер
Распрацоўшчык	Be Inc.
Аперацыйная сістэма	BeOS, Zeta, Haiku
Апошняя версія	2.2
Тэставая версія	3d3

NetPositive, таксама вядомы як Net+ — убудаваны браўзер BeOS. Распрацоўшчык — Be Inc. Часткова падтрымлівае HTML 3.2, у версіі 3 была дададзена частковая падтрымка JavaScript. Java і CSS не падтрымліваюцца. Развіўся на аснове самага першага, найпрасцейшага HTML-браўзера для BeOS пад назвай Orb, які быў створаны распрацоўшчыкамі для зручнага чытання дакументацыі ў HTML-фармаце.

Паведамленні пра памылкі браўзерам выдаваліся ў выглядзе хайку (хоку) — нерыфмаваных японскіх трохрадкоўяў. У гонар гэтай асаблівасці была названая адкрытая BeOS-сумяшчальная АС Haiku.

У адпаведнасці са стандартамі, NetPositive адлюстроўвае фон HTML-старонак па змаўчанні шэрым колерам. Іконка браўзера адлюстроўвае сёрфера на фоне планеты Зямля.

Пасля закрыцця Be Inc. у сетцы з’явіўся праект NetOptimist. Дадзены праект прадугледжвае стварэнне аналага Net+ з падтрымкай сучасных тэхналогій, пры гэтым не нагруважанага велізарнай колькасцю функцый. Фінальная версія так і не выйшла, а апошняя навіна была ў 2002 годзе.

Альтэрнатывай гэтаму браўзеру на платформе BeOS сталі перанесеныя на яе браўзеры Arora, NetSurf, Opera і Firefox (афіцыйна не падтрымліваецца на BeOS), а таксама WebPositive, натыўны браўзер на тэхналогіі WebKit.

Спасылкі

• Паведамленні пра памылкі ў стылі NetPositive
• Старонка, прысвечаная Orb