Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum junio: 50, 100 e 200 yari ante nun …
21 di junio1976. Kenneth Appel e Wolfgang Haken, matematikisti di la Universitato di Illinois, Usa, anuncis ke li solvis la Teoremo di Quar Kolori. La teoremo konstatas ke quar kolori suficas por kolorizar la regioni di irga mapo, tale ke irga du adjacanta regioni ne havas la sama koloro. La konjekturo esis unesmafoye propozata en 1852 da la matematikisto Francis Guthrie, e pose dum la 19ma yarcento esis plura nesucesoza esforci solvar la teoremo. De la 1960-yardeko, la Germana matematikisto Heinrich Heesch exploris metodo por solvar la teoremo kun helpo di komputeri, ed altra matematikisti pose probis sama metodo. To eventuale duktis a la solvuro da Appel e Haken.
10 di junio1926. La arkitekto Antoni Gaudí mortis, evante 73 yari. De 1883 til ilua morto il esis direktanto di la projeto konstruktar kirko en Barcelona, La Sagrada Familia. Questionata pri la longa periodo di konstruktado, Gaudi dicis: "Mea kliento ne esas hastoza". Samtempe il laboris pri plura altra projeti, e tale divenis bone konocata en Hispania. Ye ilua morto, la kirko esis ne plu kam quarime kompleta. Dum la interna milito di Hispania, laborado pauzis; parti di la strukturo, modeli da Gaudí di la kirko, e la laboreyo di Gaudi esis destruktata, e skisuri por kompletigo perisis pro incendio. Depos 1940, plura arkitekti durigis la konstruktado. Ye 31 di oktobro 2025, parto di la centrala turmo esis instalata, e La Sagrada Familia divenis la maxim alta kirko en la mondo, 162,9 metri di alteso. Ye 20 februaro 2026, ol atingis la finala alteso, 172,5 metri.
5 di junio1826. En London, la kompozisto Carl Maria von Weber mortis, evante 39 yari. Il recevabis komisiono kompozar opero por Londona teatro, ed il voyajabis, kontre la konsilo di mediko, ad Anglia por kompletigar la kompozado e asistar preplei di sua opero Oberon. Il asistis sociala eventi, e direktis la unesma pleo di la opero, qua esis granda suceso. Omno to detrimentis ilua saneso; il mortis dum la nokto ante la intencita dio di komenco di retroveno a Germania.
La rolo di Benjamin Franklin persuadis Britania pulsar Francia ek Kanada e kinadek yari pose persuadis Francia helpar pulsar Britania ek Usa esas extrema pruvo di paktal arto.
Franklin esis un ek la fondinti di Usa e kunkompilinti dil Usana konstituco de 1776.
Prato esas regiono di la Tero ube la dominacanta plantaro konsistas ek herbi, nam la pluvo ordinare ne esas suficanta por sustenar plu alta plant-formi.
Esas tri speci: savano, o tropikala herblando, havas grosa herbi, e trovesas en Afrika e Sud-Amerika.
