Puscifer
| Puscifer | |||||||||||
|---|---|---|---|---|---|---|---|---|---|---|---|
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| Wikidata C:Commons | |||||||||||
Puscifer é un proxecto paralelo de Maynard James Keenan, membro das bandas Tool e A Perfect Circle. Inicialmente, Keenan era o único membro permanente e consideraba o proxecto o seu "subconsciente creativo". Máis tarde, os colaboradores frecuentes Mat Mitchell e Carina Round convertéronse en membros permanentes.
Traxectoria
[editar | editar a fonte]O nome orixinal do proxecto foi Umlaut, "unha banda de hardcore improvisacional de primeira categoría",[1] e o nome de "Puscifer" apareceu por primeira vez como unha banda ficticia no primeiro episodio da serie Mr. Show, na que estaban Keenan e Adam Jones como membros. Jones non está asociado de ningún xeito con Puscifer, aínda que algunhas das súas ilustracións apareceron na roupa do proxecto (a camiseta "Your Mom's a Bitch").
Puscifer é "tanto unha tenda de roupa como unha banda", coas pezas de roupa producidas en cantidades limitadas. Keenan colaborou nunha chaqueta de coiro con deseñador Paul Frank.[1] O 16 de setembro do 2008, Keenan actualizou o blog de puscifer.com, revelando que a primeira tenda Puscifer abriría o 1 de outubro en Jerome, Arizona. Finalmente abriu o día 3 de outubro, ocupando un pequeno espazo enriba dun salón de tatuaxes. Ademais, a mercadoría está dispoñible na tenda online da banda.
"V" Is for Vagina
[editar | editar a fonte]O 10 de abril do 2007, Keenan posteou na páxina oficial que lanzaría un disco a mediados de outubro.[2] Unha nova actualización o 25 de xuño dicía que Joe Barresi mesturara a primeira canción, que tería un vídeo musical, ademais dunha versión alternativa de "Cuntry Boner", e que podería ser editada como sinxelo en CD con cancións extra. Keenan e Alan Moulder realizarían unha nova mestura en agosto.[3]
Keenan anunciou cara finail de xullo que o álbum recibiría o título de "V" Is for Vagina e, poucos días despois, anunciou que o primeiro sinxelo sería "Queen B." que tería un vídeo lanzado a finais de setembro. O 1 de outubro "Queen B." apareceu como podcast en puscifer.com. A isto seguiulle o podcast de "Trekka" o día 7. O álbum foi publicado o 30 do mesmo mes e estreouse no número 25 da lista Billboard 200, ademais de acadar o primeiro posto da Billboard Indie.
O 17 de outubro do 2008 apareceu un vídeo musical oficial para a canción "Momma Sed" na canle de YouTube da banda. Un novo álbum de remesturas feito completamente por Lustmord apareceu na tenda oficial en liña, o seu título é "D" is for Dubby - The Lustmord Dub Mixes.
"V" is for Vagina vendeu ao redor das 112.000 copias.
"V" Is for Viagra. The Remixes
[editar | editar a fonte]Un álbum de remesturas titulado "V" Is for Viagra foi lanzado o 29 de abril do 2008. Contén 10 remesturas de temas do disco "V" Is for Vagina, ademais de dúas remesturas de cancións do sinxelo "Cuntry Boner", que non aparecen no álbum. No álbum hai remesturas de Dave "Rave" Ogilvie (Skinny Puppy), Lustmord, Renholder, Paul Barker (Ministry) e Telefon Tel Aviv entre outros.
Dous dos temas do álbum, "Indigo Children (JLE Dub Mix)" e "Momma Sed (Tandimonium Mix)", aparecen na banda sonora oficial do videoxogo Need for Speed: Undercover. "V" Is for Viagra vendeu unhas 23.000 copias.
"C" Is for (Please Insert Sophomoric Genitalia Reference HERE)
[editar | editar a fonte]"C" Is for (Please Insert Sophomoric Genitalia Reference HERE) foi anunciado a través da páxina de Puscifer e de toolarmy.com o 17 de outubro do 2009 e foi editado o 10 de novembro dese ano. O EP contén seis temas; catro deles inéditos ata ese momento, e dous gravacións ao vivo de cancións de "V" is For Vagina, gravadas na xira do 2009 no Club Nokia.
"C" Is for (Please Insert Sophomoric Genitalia Reference HERE) vendeu 10.000 copias.
Conditions of My Parole
[editar | editar a fonte]"Man Overboard", o primeiro sinxelo do novo álbum de Puscifer, estivo dispoñible a través de iTunes e outros servizos en liña o día 19 de xullo do 2011.
Conditions of My Parole, como foi titulado o traballo, foi gravado na primavera do 2011 baixo a produción de Maynard James Keenan, Mitchell e Josh Eustis. No disco contribuíron ademais dos tres produtores Carina Round, Juliette Commagere, Matt McJunkins, Jeff Freidl, Gil Sharone e Rani Sharone, Jonny Polonsky, Tim Alexander, Devo Keenan, Alessandro Cortini, Sarah Jones e Jon Theodore.[4] O disco lanzouse o 18 de outubro de 2011. O álbum estreouse no número 27 das listas da Billboard tras vender 12.111 copias na súa primeira semana.
Donkey Punch the Night
[editar | editar a fonte]Donkey Punch the Night anunciouse o día 19 de novembro de 2012 elanzouse o 19 de febreiro do ano seguinte. O EP, formado por sete cancións, apareceu inicialmente en formato dixital e en CD e o día 12 de marzo editouse tamén en vinilo. No traballo inclúese unha versión do tema de Queen "Bohemian Rhapsody", ademais dunha versión de "Balls to the Wall" de Accept.[5][6][7]
Money Shot
[editar | editar a fonte]Money Shot anunciouse o 19 de xullo de 2015 coincidindo coa publicación do sei primeiro sinxelo, "Grand Canyon".[8] O álbum lanzouse o 30 de outubro dese mesmo ano.[9] Un álbum de remesturas titulado Money Shot Your Re-Load aparecería en novembro de 2016.
Existential Reckoning
[editar | editar a fonte]O 8 de maio de 2020 lanzáronse o sinxelo principal e o vídeo "Apocalyptical", xunto co anuncio dun álbum que aparecería no outono de 2020. O cuarto álbum de estudio, Existential Reckoning, anunciouse o 17 de setembro de 2020.[10][11] A data de lanzamento do álbum fixouse posteriormente para o 30 de outubro de 2020 a través de Alchemy Recordings/Puscifer Entertainment/BMG.[12]
O álbum foi producido por Mat Mitchell e Puscifer, e gravado e mesturado por Mat Mitchell nos Puscifer Studios en North Hollywood. Keenan aparece no álbum como "Dick Merkin".[12] Este é o primeiro álbum no que Mat Mitchell (guitarra, baixo, teclados, programación) e Carina Round (voz, teclados) aparecen acreditados como membros permanentes. Greg Edwards (baixo, guitarra, teclados), Gunnar Olsen (batería), Sarah Jones (batería) e Esmé Bianco (voz) tamén contribuíron ao álbum.
En outubro de 2025 a banda anunciou o seu quinto álbum de estudio, titulado Normal Isn’t. Co anuncio deste novo disco, cuxo lanzamento está previsto para o 6 de febreiro de 2026, Puscifer tamén presentou o sinxelo principal, "Self Evident", e revelou as datas para unha xira por América do Norte entre os meses de marzo e maio de 2026. O cómico e músico Dave Hill será o encargado de abrir a noite para Puscifer.[13] Dez días despois do anuncio do disco, Puscifer publicou o seu segundo sinxelo, “Pendulum”. A canción ten un video musical e a súa "versión do director" presenta a un novo personaxe do "Pusciverso", o gótico Bellendia Black, interpretado por Keenan.[14][15]
Discografía
[editar | editar a fonte]Álbums de estudio
[editar | editar a fonte]| Álbum | Ano | Selo |
|---|---|---|
| "V" Is for Vagina | 2007 | Sony BMG, Puscifer Entertainment |
| Conditions of My Parole | 2011 | Puscifer Entertainment |
| Money Shot | 2015 | Puscifer Entertainment |
| Existential Reckoning | 2020 | Puscifer Entertainment |
| Normal Isn't | 2026 | Puscifer Entertainment, BMG, Alchemy Recordings |
Álbums de remesturas
[editar | editar a fonte]EPs
[editar | editar a fonte]| Álbum | Ano | Selo | Notas |
|---|---|---|---|
| Don't Shoot the Messenger | 2007 | BMG | |
| "C" Is for (Please Insert Sophomoric Genitalia Reference Here) | 2009 | Puscifer Entertainment | |
| Donkey Punch the Night | 2013 | Puscifer Entertainment | |
| Sessanta E.P.P.P. | 2024 | Puscifer Entertainment | compartido con Primus e A Perfect Circle |
Notas
[editar | editar a fonte]- 1 2 "Interviews > Maynard Keenan". SuicideGirls. Consultado o 2026-06-13.
- ↑ "Spring Sprung". Puscifer.com. 2007-07-24. Archived from the original on 24 de xullo de 2007. Consultado o 2020-04-19.
- ↑ "Muzak soon". Puscifer.com. 2007-09-28. Archived from the original on 28 de setembro de 2007. Consultado o 2020-04-19.
- ↑ "PUSCIFER: 'Conditions Of My Parole' Artwork Unveiled | Rock Report | www.kissrocks.com". web.archive.org. 2011-08-28. Archived from the original on 28 de agosto de 2011. Consultado o 2020-04-19.
- ↑ "Puscifer announces new EP: Donkey Punch The Night". Consequence of Sound (en inglés). 2012-11-19. Consultado o 2020-06-02.
- ↑ "Puscifer Cover Queen on 'Donkey Punch the Night' EP". exclaim.ca (en inglés). Consultado o 2020-06-02.
- ↑ Hartmann, Graham. "Maynard James Keenan's Puscifer to Release 'Donkey Punch the Night' EP in Early 2013". Loudwire (en inglés). Consultado o 2020-06-02.
- ↑ pusciferdotcom (2015-07-29). "Puscifer - "Grand Canyon" (Official Music Video)". Consultado o 2025-10-11.
- ↑ Geist, Brandon (2015-07-28). "Watch Puscifer's Epic New Video 'Grand Canyon'". Rolling Stone (en inglés). Consultado o 2025-10-11.
- ↑ Özdiyar, Yunus Emre (2020-09-20). "Puscifer Reveals New Album Release Date with "The Underwhelming" Single". Chaospin (en inglés). Consultado o 2025-10-29.
- ↑ "Maynard James Keenan's Puscifer: See Insane Video for First New Song in 5 Years "Apocalyptical"". Revolver (en inglés). Consultado o 2025-10-29.
- 1 2 "Reports out of Jerome, Ariz. confirm the impending arrival of Existential Reckoning...". Facebook. Consultado o 29 de outubro de 2025.
- ↑ Kaufman, Spencer (2025-10-21). "Puscifer Announce New Album & 2026 Tour, Unveil Single "Self Evident"". Consequence (en inglés). Consultado o 2025-12-28.
- ↑ "Puscifer - "Pendulum - The Director's Cut" (Official Music Video)". 2025-10-31. Consultado o 2025-12-28.
- ↑ Kaufman, Spencer (2025-10-31). "Maynard James Keenan Goes Full Goth on New Puscifer Single "Pendulum"". Consequence (en inglés). Consultado o 2025-12-28.
Véxase tamén
[editar | editar a fonte]Ligazóns externas
[editar | editar a fonte]- Páxina oficial (en inglés)
