Luanda é a menor provincia de Angola, con 2.257km² de área. A súa poboación aproximada é de 5.000.000 habitantes. A súa capital é Luanda, a maior cidade e capital de Angola. Luanda é tamén a provincia de Angola máis industrializada e co maior crecemento económico, que se debeu ao feito de practicamente non ter sufrido directamente os efectos da guerra civil.
Bairro Operário, Barra do Cuanza, Benfica e Mussulo, Cacuaco, Camama, Cassequel, Cazenga, Corimba, Da Ilha, Futungo de Belas, Golfe, Havemos de Voltar, Hoji Ya Henda, Kinanga, Margal, Neves Bendinha, Ngola Kiluange, Prenda, Ramiro, Rangel, Rocha Pinto, Sambizanga, Tala Hady, Terra Nova, Vila Estoril, Cuca, Ilha do Cabo, Patrice Lumuba, Maculusso, Kilamba Kiaxi, Palanca, Malanga, Samba, Funda, Quicolo, Viana, Calumbo.[Cómpre referencia]
A provincia é semiárida de clima tropical quente e seco. A temperatura media anual da provincia sitúase entre os 25°C e os 26°C, cun máximo de 27°C, coincidindo co período das chuvias. Xullo e agosto son os meses máis frescos, especialmente no litoral, onde a temperatura descende un pouco abaixo dos 25°C. O clima da rexión está influenciado pola proximidade do mar — Corrente de Benguela — e, a pesar de non ser demasiado quente, é húmido.
