No Estado do Panxab viven uns 30 millóns de persoas, convivindo persoas de diversas relixións. A súa capital é Chandigarh. Coñécese principalmente como a terra dos deuses/gurús.[Cómpre referencia] Abarca unha superficie de 50.362 km². Na xeografía tradicional india cae baixo a zona norte da India. O Estado indio do Panxab componse de 22 distritos.
O nome Panxab está vinculado ao termo en lingua panxabí para "cinco augas". A palabra deriva de "cinco" (en panxabí Panj/Punj) e da palabra para "río/auga" (en panxabí ab). Orixinalmente, o Panxab indio contiña cinco ríos antes da partición.
Doab, ás veces escrito Duoab,Douaab ou Doaab é unha combinación das palabras indoiranísdoab (dous/dúas) e āb (auga), e polo tanto significa (terra dos) dous ríos.[4] O termo "Doab" na India refírese a unha rexión de terra que está situada entre dous ríos confluentes. Os doabs están nomeados en función dos ríos que delimitan cada un deles. Por exemplo:
Bari Doab: entre os ríos Beas e Ravi.
Rechna Doab: entre os ríos Ravi e Chenab.
Jech Doab: entre os ríos Jhelum e Chenab.
Sindh Sagar Doab: entre os ríos Indus e Jhelum.
Bist Doab: tamén coñecido como Doaba, entre os ríos Beas e Sutlej.
Ás veces, en inglés, pode haber un artigo definido antes do nome, é dicir, The Doaba.[5]
Estas rexións son especialmente relevantes para a agricultura debido ao solo fértil e á abundancia de auga, o que as fai idóneas para a agricultura intensiva.
Os actuais Estados nación da India e Paquistán, no seu conxunto, estiveron unha vez baixo o dominio do Imperio Británico. Durante este período, as poboacións indias ansiaban a independencia, aínda que existían profundas divisións entre hindús, sikhs e musulmáns. Debido a estas tensións e en busca dunha solución pacífica para garantir a gobernanza, propúxose a partición do subcontinente indio.
En 1947, como parte dos acordos de independencia da India británica, o Panxab, unha provincia no noroeste, foi dividido en dúas rexións: o Panxab Occidental, que pasou a formar parte do novo Estado de Paquistán, e o Panxab Oriental, que se integraría na acabada de constituír República da India.[6] Esta división foi motivada en gran parte polo movemento activo a favor da independencia, como o movemento Khalistan, que é unha demanda política dalgúns nacionalistas sikhs para crear un estado nacional sikh no Panxab.[7][8]
A partición do Panxab foi unha das máis traumáticas para as comunidades implicadas, con grandes movementos de poboacións e significativos conflitos sociais e relixiosos como consecuencia.[9][10]
.svg?lang=gl)
Azor do Norte, ave simbólica do Panxab Oriental
Blackbuck, animal simbólico do Panxab Oriental
Palisandro indio (Indian Rosewood), árbore símbolo do Panxab Oriental
Lirio "azucena Madonna" (Lilium candidum), flor provincial do Panxab Oriental
