Benavente, Zamora

Para outras páxinas con títulos homónimos véxase: Benavente.

Benavente, Zamora
Nome oficial     Benavente (es)    Xentilicio benaventano (es)   benaventano (it)
Instancia de concello de España  Parte de Q107554263 Mancomunidade «ETAP Benavente y Los Valles»
Implicados  Xefe do goberno Cargo: alcalde de Benavente Saturnino Mañanes García
Localización  Situado en  provincia de Zamora, Castela e León, España  Continente Europa  Capital Benavente  Comparte fronteira con Arcos de la Polvorosa Fuentes de Ropel Castrogonzalo Villabrázaro San Cristóbal de Entreviñas Manganeses de la Polvorosa Santa Cristina de la Polvorosa Villanueva de Azoague Santa Colomba de las Monjas  Contén núcleo de poboación Benavente  OpenStreetMap  Coordenadas 42°00′18″N 5°40′32″O
Cifras e dimensións  Poboación 16.844 (2001) rexistro civil 17.127 (2002) rexistro civil 17.764 (2004) rexistro civil 18.199 (2005) rexistro civil 18.675 (2006) rexistro civil 18.744 (2007) rexistro civil 19.093 (2008) rexistro civil 19.119 (2009) rexistro civil 19.100 (2010) rexistro civil 19.187 (2011) rexistro civil 19.259 (2012) rexistro civil 19.137 (2013) rexistro civil 18.879 (2014) rexistro civil 18.550 (2015) rexistro civil 18.315 (2016) rexistro civil 18.237 (2017) rexistro civil 18.095 (2018) rexistro civil 17.935 (2019) rexistro civil 17.787 (2020) rexistro civil 17.523 (2021) rexistro civil 17.376 (2022) rexistro civil 17.261 (2023) rexistro civil 17.246 (2024) rexistro civil 17.309 (2025) rexistro civil  Poboación feminina    9.252 (2019)  Poboación masculina    8.683 (2019)  Superficie    45,12 km²  Altitude    741 m
Códigos e identificadores Código postal 49600 Código INE 49021 OpenStreetMap 343460 VIAF 151331559 Freebase /m/08gnfg
Fontes e ligazóns  Páxina WEB benavente.es  Descrito pola fonte Dicionario Enciclopédico Brockhaus e Efron  Tema: Q24344935
Wikidata C:Commons

Benavente é unha cidade, dotada de municipio de 45 km², situada na provincia de Zamora, na comunidade autónoma de Castela e León. En 2007 tiña 18.744 habitantes, cunha densidade de 416,5 hab./km². Dista 65 km de Zamora, a capital provincial, e 112 km de Valladolid.

Xeografía

A Torre do Caracol.

Benavente está en plena meseta norte e na parte setentrional da provincia, a 744 msnm, nos confíns da comarca da Terra de Campos. Está localizada nunha pequena prominencia dunhas decenas de metros sobre as terras circundantes, dominando a confluencia dos ríos Esla e Órbigo. A súa situación é estratéxica en canto para oeste os camiños conducen cara a comarca da Seabre, e desde aí para Galicia e os Tras-os-Montes portugueses. En dirección norte-sur, aséntase no Vía da Prata, que une Cádiz e Xixón, con ramais cara a León e novamente Galicia. Cara ao leste, as rutas conducen a Palencia e Valladolid. Isto fixo de Benavente un nó de comunicacións, e a teor dese papel medrou nas últimas décadas.

Clima

O clima benaventino é o típico mesetario: mediterráneo continentalizado, con invernos duros, fríos e secos.

Historia

O territorio estaba poboado pola tribo dos brixecenses, con orixe en Brigaecium. Tras a chegada dos romanos e até a época visigoda dependeu de Astorga. Durante o reino suevo coñeceuse como Ventosa.

No século XII aparece documentado como Malgrat, nunha doazón real de 1115 que fai a raíña Orraca escriturada in Castro quod dicitur Malgrado, e nun diploma de 1158 que menciona a intención do rei Fernando II de poboar o alcázar de Maldrag. Efectivamente, en 1164 e 1167 Fernando II concedeu os Foros de Benavente, unha carta de poboamento. En 1230 asinouse na vila a Concordia de Benavente, acordo entre Tareixa de Portugal e Berenguela de Castela (as dúas exmulleres de Afonso VIII de León e Galicia) mediante o cal Tareixa renunciaba aos dereitos que as súas fillas Sancha e Aldonza tiñan ao trono do Reino de León, en virtude do testamento do seu pai, en favor do seu medio irmán Fernando, fillo de Afonso e da súa segunda esposa.

En 1387 Benavente sufriu el cerco das tropas inglesas e portuguesas de Xoán de Gante. En 1398 Henrique III de Castela concedeulle o condado de Benavente (elevado a ducado en 1473 por Henrique IV) a Juan Alonso Pimentel.

Patrimonio

• Igrexa de Santa María del Azoque, iniciada no século XII, de estilo románico, mais con reformas posteriores. A portada é neoclásica.
• Igrexa de San Juan del Mercado, románica, con influencias compostelás.
• Igrexa de Santo André, de fins do XII, con elementos mudéxares, formou parte dun recinto templario.
• Hospital da Piedade, iniciado na terceira década do século XVI, en estilo renacentista.
• Convento do Espírito Santo, do século XIII.
• Convento de Santa Clara, tamén do XIII.
• Castelo dos duques de Benavente, con torreón do século XVI, convertido en Parador Nacional.

Festas

• Festas da Veguilla, en honra á Virxe da Vega, oito días despois do Domingo de Resurrección.
• Touro enmaromado, o día anterior a Corpus Christi.
• Entroido.
• Semana Santa, celebrada con especial relevo.

Véxase tamén

Ligazóns externas

• Concello de Benavente (en castelán)