Jose Gardoki
| Jose Gardoki | |||
|---|---|---|---|
1813ko irailaren 4a - 1816ko abenduaren 10a - Mariano Fernández de Folgueras → | |||
| Bizitza | |||
| Jaiotzako izen-deiturak | José Ramón de Gardoqui y Jaraveitia | ||
| Jaiotza | Bilbo, 1755eko apirilaren 19a | ||
| Herrialdea |  Bizkaia, Euskal Herria | ||
| Heriotza | Manila, 1816ko abenduaren 9a (61 urte) | ||
| Hezkuntza | |||
| Hizkuntzak | gaztelania | ||
| Jarduerak | |||
| Jarduerak | politikaria eta itsas ofiziala | ||
| Jasotako sariak | |||
.svg){kind=small}
Jose Gardoki Jarabeitia Bizkaiko itsasgizona (Bilbo, 1755 – Manila, Filipinak, 1816). Oso gazte zela hasi zen itsas armadan eta teniente kargua eskuratu zuen Mantxako kanalean ontzi ingelesen aurka aritu ondoren (1779). 1782. urtean berriro ere ingelesen aurka Gibraltarko itsasartean borrokatu ondoren, Magallaes itsasartera jo zuen bertako kostaldeko planoak zehazteko asmoz. Berriro Europara itzulirik, Bresten egon zen 1802. urtean Ingalaterrarekin bakea izenpetu zen arte. 1803an Cadizko itsas departamentuko gobernari nagusi izendatu zuten. 1805. urtean, Trafalgarko itsas guduan parte hartu zuen, Santa Ana ontziko buru zela, eta zauri larriak izan zituen. Napoleonen aurkako gerran borrokatu ondoren, Habanako Armategiko buruzagi izan zen 1810-1813 bitartean eta Filipinetako Itsas komandante eta kapitain nagusi izendatu zuten ondoren.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
