Conflent

El Conflent Ipar Kataluniako eskualdea da. Hiriburua eta udalerririk populatuena Prada da.

Conflent eta Ipar Kataluniako beste eskualdeak Kataluniatik banandu ziren XVII. mendean Segadorsen Guduaren ostean sinatu zen Pirinioetako Hitzarmenaren ondorioz, 1659an. Han, Frantziak eta Espainiak Katalunia elkarren artean banatzea adostu zuten.

Geografia

Iparraldean Fenolhedés eskualdea (Okzitania) du, ekialdean Rosselló, mendebaldean Capcir eta Cerdanya eta hegoaldean Vallespir zein Ripollès.

Bi elementu gailentzen dira eskualdean: Tet ibaia, Conflent osoaren ardatza eta Canigó mendia, Rosselló eta Vallespirrekiko mugan eta Katalan Herri guztietan ezaguna.

Udalerriak

Hona hemen eskualdeko 51 udalerriak eta bere biztanleria^[1].

Udalerria	Biztanleria
Aiguatèbia i Talau	46
Arboçols	95
Campome	106
Canavelles	58
Castell de Vernet	130
Catllà	639
Cauders de Conflent	6
Censà	7
Clarà i Villerac	161
Codalet	359
Conat	45
Cornellà de Conflent	465
Escaró	84
Espirà de Conflent	125
Estoer	134
Eus	375
Fillols	141
Finestret	135
Fontpedrosa	123
Fullà	329
Glorianes	23
Jóc	146
Jújols	43
Marqueixanes	397
els Masos	562
Mentet	17
Molig	207
Mosset	293
Noedes	62
Nyer	108
Oleta i Èvol	345
Orbanyà	28
Orellà	15
Pi de Conflent	107
Prada de Conflent	5.800
Ralleu	16
Rià i Cirac	1.126
Rigardà	219
Rodès	509
Saorra	347
Sautó	107
Serdinyà	233
Soanyes	27
Tarerac	38
Taurinyà	307
Toès i Entrevalls	41
Vallestàvia	58
Vallmanya	18
Vernet	1.440
Vilafranca de Conflent	225
Vinçà	1.666

Hauek dira eskualdeko udalerriak iturri tradizionalen arabera, adibidez Gran Enciclopèdia Catalanaren arabera^[2]. Badira beste batzuk proposamen zenbaiten arabera Conflenten sar litezkeenak:

Nomenclàtor toponímic de la Catalunya del Nord izendegiak la Cabanassa, Montlluís, Planès, Sant Pere dels Forcats (tradizioz Cerdanyan) eta la Llaguna (Capcirren) Conflenten sartzen ditu; la Perxa mendateak markatzen duen muga naturalari men egiten diote erreferentziazko lanetakoa den zerrenda horren egileek (IECk eta Perpinyàko Unibertsitateak).
Sant Marçal eta la Bastida, gehienetan Rossellón sartuak, batzuen arabera Conflenten edo Vallespirren koka liteke; aipatu bi eskualdeen mugan dago. Geografikoki Rossellóri atxikitzea da logikoena, ohiko eskualdeei dagokienez. Aldiz, arestian aipatu Nomenclàtor toponímic lanak beste eskualde baten sorrera, Aspres, proposatzen du eta bertan kokatuko lirateke bi udalerriak, besteak beste^[3].

Eskualde naturalak

Conflent azpieskualde edo eskualde natural batzuetan bana daiteke; haien arteko mugak ez daude beti guz<tiz argi. Hauek dira:

Alt Conflent^[4]: la Quillana eta la Perxa mendateetaraino, hau da, Cerdanya eta Capcirrekiko mugetaraino.
Conflent Mitjà: Vilafranca de Conflenten inguruan.
Baix Conflent: Prada eta Vinçàren azpieskualdea.
Garrotxes^[5]: ipar-ekialdeko muturrean, oso biztanle gutxi dituzten herri batzuek osatua, Cauders, Censà, Ralleu, Aiguatèbia i Talau, Orellà eta Oleta i Èvol udalerriko zati bat.
Altiplà de Sorniàko zati bat (Arboçols, Tarerac); zatirik handiena Fenolhedés eskualde okzitaniarrean dago^[6].

Erreferentziak

↑ INSEEren datuak, 1999.
↑ Municipis per comarques, Catalunya Nord, Pompeu Fabra Unibertsitateak egina litzateke beste erreferentzia bat.
↑ Nomenclàtor toponímic de la Catalunya del Nord; Aspres proposatutako eskualdea 27. orrialdetik aurrera.
↑ GGCC, Conflent.
↑ GGCC:Garrotxes
↑ GGCC:Fenolleda

Ikus, gainera

Kanpo estekak

(Katalanez) Conflent Gran Enciclopèdia Catalanan.
(Katalanez) Conflent Vegueries.com webgunean.
(Katalanez) Conflent Subterrani^{[Betiko hautsitako esteka]} espeleologia taldearen webgunea.

Datuak: Q15477
Multimedia: Conflent / Q15477

Ipar Kataluniako eskualdeak
Alta Cerdanya \| Capcir \| Conflent \| Rosselló \| Vallespir

[1] INSEEren datuak, 1999.

[2] Municipis per comarques, Catalunya Nord, Pompeu Fabra Unibertsitateak egina litzateke beste erreferentzia bat.

[3] Nomenclàtor toponímic de la Catalunya del Nord; Aspres proposatutako eskualdea 27. orrialdetik aurrera.

[4] GGCC, Conflent.

[5] GGCC:Garrotxes

[6] GGCC:Fenolleda

[1]

[2]

[3]

[4]

[5]

[6]