Populus

Populus
Populus nigra
Denominacions populars
chopos / choplos, chops
Rechistro fósil	Dende o Cretacio
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Malpighiales
Familia:	Salicaceae
Chenero:	Populus
Descripción
Populus L., 1758

Os chopos (nombre cientifico Populus, L., 1758) son un chenero de plantas dicotiledonias magnoliopsidas en a familia d'as salicacias, composau por especies de port arborio u arbustivo, caducifolias, a mayoría d'ellas naturals de l'Hemisferio Norte.

Descripción

Son árbols de creiximiento rapedo, que viven en puestos con augua (como sotos y riberas), y arriban dica a altarias d'entre 15 y 50 metros, con troncos que gosan fer 2,5 m de diametro en os eixemplars mas viellos.

As fuellas creixen pendulars, oposadas, con un peciolo luengo y con as laderas lisas u, en cualques especies, lobuladas. A forma d'a fuella varía d'entre amanada a formar un cerclo como en P. lasiocarpa dica triangular (P. nigra). Anque a color d'o follamen ye verde, a sobén se torna amariella u royisca d'agüerros, chusto enantes de cayer.

A crosta ye lisa en os árbols chóvens, con frecuents lenticelos, pero gosa tornar-se aspra cuan creixen. A color ye blanca u grisa en muitas especies, escurindo-se con a edat y aspritut, pero en atras destaca por o escura que ye, en comparanza con as primeras que son a mayoría.

As flors son dioicas, rarament monoicas. Naixen como amentos pedunculaus enantes que brosten as fuellas en primavera. Cada flor individual tiene una escata protectora que s'enradiga directament en o raquis de l'amento. As flors masculinas dan muitismo polen, por o que resultan árbols muit alerchenicos, principalment por o elevau numero d'estamens que contienen; d'entre 4 y 50 por cada flor.

Especies

O chenero Populus concabe una gran cantidat d'especies, d'entre as que son mas frecuents en Aragón o lombardo, a tremolera y o chopo albar.

O chenero tradicionalment se subdivide en 6 seccions, en base acaracters morfolochicos de a flor y a fuella. Os estudios cheneticos que s'han feito han confirmau ista división, pero tamién que ha existiu cualque cosa d'hibridación d'entre as diferents seccions en o pasau.

Fuellas de chopo en agüerro.

• Populus sección Populus - Climas circumpolars subarticos fridos y temperaus. Mas ta'l sud, en a montanya.
  • Populus tremula - Tremolera.
  • Populus adenopoda
  • Populus alba
    • Populus × canescens
  • Populus davidiana
  • Populus grandidentata
  • Populus sieboldii
  • Populus tremuloides
• Populus sección Aigeiros - Europa, America d'o Norte y Asia occidental.
  • Populus deltoides
  • Populus fremontii
  • Populus nigra
• Populus hibridos
  • • Populus × canadensis
    • Populus × inopina

Populus alba.

• Populus sección Tacamahaca - America d'o Norte y Asia, en climas temperaus y fridos.
  • Populus angustifolia
  • Populus balsamifera
  • Populus cathayana
  • Populus koreana
  • Populus laurifolia
  • Populus maximowiczii
  • Populus simonii
  • Populus suaveolens
  • Populus szechuanica
  • Populus trichocarpa
  • Populus tristis
  • Populus ussuriensis
  • Populus yunnanensis
• Populus sección Leucoides - Asia oriental y zona atlantica de Nortamerica.
  • Populus heterophylla
  • Populus lasiocarpa
  • Populus wilsonii

Lombardos en a val de Chistau.

• Populus sección Turanga - Suduest d'Asia y dende l'Asia subtropical dica la tropical.
  • Populus euphratica
  • Populus ilicifolia
• Populus sección Abaso - Mexico en zonas tropicals y subtropicals.
  • Populus guzmanantlensis
  • Populus mexicana

Vinclos externos

• Se veigan as imáchens de Commons sobre Populus.

• Datos: Q25356
• Multimedia: Populus / Q25356
• Especies: Populus