2006

Árþúsund:	3. árþúsundið
Aldir:	20. öldin; 21. öldin ; 22. öldin;
Áratugir:	1981–1990; 1991–2000; 2001–2010; 2011–2020; 2021–2030;
Ár:	2003; 2004; 2005; 2006; 2007; 2008; 2009;

Árið 2006 (MMVI í rómverskum tölum) var í gregoríska tímatalinu almennt ár sem hófst á sunnudegi.

Atburðir

Janúar

1. janúar - Fyrsti pírataflokkur heims var stofnaður í Svíþjóð.
1. janúar - Rússland hætti sölu gass til Úkraínu vegna deilna um verð.
2. janúar - Kolanáma í Vestur-Virginíu féll saman með þeim afleiðinum að 12 kolanámumenn létust.
4. janúar - Ariel Sharon, forsætisráðherra Ísraels var lagður inn á sjúkrahús með alvarlegar heilablæðingar. Ehud Olmert varaforsætisráðherra tók við völdum tímabundið.
5. janúar - Intel Core-örgjörvinn kom fyrst á markað.
12. janúar - 362 pílagrímar létust í troðningi í Mina í Sádí-Arabíu.
15. janúar - Michelle Bachelet var kjörin forseti Chile, fyrst kvenna.
15. janúar - Geimkönnunarfarið Stardust sneri aftur með geimryk frá halastjörnu.
16. janúar - Ellen Johnson-Sirleaf tók við embætti forseta Líberíu.
19. janúar - Geimfarið New Horizons hélt í ferð sína til Plútó.
22. janúar - Aníbal António Cavaco Silva var kjörinn forseti í Portúgal með 50,6% atkvæða.
30. janúar - Snjór féll í Lissabon í fyrsta skipti í 52 ár.
30. janúar - Íslenska stuttmyndin Síðasti bærinn var tilnefnd til Óskarsverðlauna.

Febrúar

3. febrúar - Mótmæli gegn Múhameðsteikningunum mögnuðust upp. Pakistan, Íran og Mógadisjú kölluðu eftir viðskiptabanni á Danmörku.
5. febrúar - Kveikt var í sendiráði Danmerkur í Beirút.
7. febrúar - Egypsk farþegaferja með um 1400 manns innanborðs sökk á Rauðahafi, undan ströndum Sádí-Arabíu.
8. febrúar - Fuglaflensutilfelli voru staðfest í Ítalíu, Grikklandi og Búlgaríu.
10. febrúar - Vetrarólympíuleikarnir 2006 voru settir í Tórínó á Ítalíu.
12. febrúar - Íbúar Tókelá höfnuðu sjálfstæði frá Nýja Sjálandi í þjóðaratkvæðagreiðslu.
17. febrúar - Allt að 1800 manns fórust í aurskriðu á eynni Leyte á Filippseyjum.
20. febrúar - Breski sagnfræðingurinn David Irving var dæmdur í þriggja ára fangelsi í Vínarborg fyrir að afneita Helförinni.
20. febrúar - Danmörk og Noregur náðu samkomulagi um skiptingu landhelgi milli Grænlands og Svalbarða.
22. febrúar - Milljarðasta lagið var selt á Apple iTunes.
22. febrúar - Að minnsta kosti sex menn rændu eina af miðstöðvum Securitas í Tonbridge í Kent. Þeir stálu rúmum 52 milljónum punda.
22. febrúar - Yfir 50 létust þegar kristinn múgur réðist á múslima í Ontisha í Nígeríu.
22. febrúar - Al Askari-moskan í Samarra í Írak var eyðilögð með tveimur sprengjum.
23. febrúar - 56 létust þegar þak yfir grænmetismarkaði í Moskvu hrundi undan snjóþunga.
24. febrúar - Íslenska kvikmyndin Blóðbönd var frumsýnd.
26. febrúar - Vetrarólympíuleikunum í Tórínó lauk.

Mars

1. mars - Sjálfseignastofnunin Amtmannssetrið á Möðruvöllum var sett á fót.
2. mars - Leikjatölvan Nintendo DS Lite kom fyrst út í Japan.
9. mars - Geimfarið Cassini-Huygens uppgötvaði goshveri á tungli Satúrnusar, Enkeladosi.
10. mars - Geimfarið Mars Reconnaissance Orbiter fór á braut um Mars.
11. mars - Íslandsbanki breytti nafni sínu í Glitnir banki hf.
11. mars - Slobodan Milošević, fyrrverandi forseti Júgóslavíu, fannst látinn í fangaklefa sínum hjá stríðsglæpadómstól Sameinuðu þjóðanna í Haag í Hollandi.
15. mars - Bandarísk stjórnvöld tilkynntu ríkisstjórn Íslands um þau áform sín að kalla allar orrustuþotur sínar og björgunarþyrlur heim frá Keflavíkurflugvelli.
16. mars - Allsherjarþing Sameinuðu þjóðanna samþykkti stofnun Mannréttindaráðs Sameinuðu þjóðanna með yfirgnæfandi meirihluta atkvæða.
17. mars - Bresk-bandaríska kvikmyndin V for Vendetta var frumsýnd.
18. mars - Mótmæli gegn umdeildum lögum um ráðningarsamninga í Frakklandi enduðu með átökum 500.000 mótmælenda við lögreglu.
26. mars - Skotar bönnuðu reykingar á öllum opinberum stöðum.
28. mars - Kadima vann sigur í kosningum í Ísrael, en hlaut þó færri atkvæði en útgönguspár gerðu ráð fyrir.
29. mars - Fyrrum forseti Líberíu, Charles Taylor, var handtekinn í Monróvíu sakaður um stríðsglæpi.
30. mars - Mýraeldar komu upp á Hraunhreppi í Mýrasýslu og brunnu í yfir tvo sólarhringa. Þetta voru mestu sinueldar sem um er vitað á Íslandi og brunnu um 67 km² lands.

Apríl

3. apríl - Thaksin Shinawatra sigraði mjög umdeildar þingkosningar í Taílandi þar sem stjórnarandstaðan hvatti fólk til að sniðganga kosningarnar.
4. apríl - Tom Delay, leiðtogi repúblikana á bandaríska þinginu tilkynnti um afsögn sína.
5. apríl - Slökkvistarfi vegna Mýraelda lauk að fullu.
6. apríl - Umdeild þýðing á Júdasarguðspjalli kom út á vegum National Geographic Society.
10. apríl - Einingarbandalagið og Romano Prodi unnu sigur í þingkosningum á Ítalíu.
11. apríl - Ósýnilegi flokkurinn skipulagði mótmæli í Stokkhólmi og Gautaborg.
11. apríl - Geimkönnunarfarið Venus Express fór á braut um Venus.
11. apríl - Sikileyski mafíuforinginn Bernardo Provenzano var handtekinn eftir að hafa verið eftirlýstur í 43 ár.
11. apríl - Forseti Írans, Mahmoud Ahmadinejad, staðfesti að vísindamönnum hefði tekist að framleiða nokkur grömm af auðguðu úrani.
15. apríl - Bosnísk-bandaríski rithöfundurinn Semir Osmanagić hélt því fram að hann hefði uppgötvað 14.000 ára gamla píramída í Bosníu.
20. apríl - RES Orkuskóli (The School for Renewable Energy Science) tók formlega til starfa á Akureyri, sumardaginn fyrsta.
24. apríl - Sprengjutilræðin í Dahab: 23 létust þegar þrjár sprengjur sprungu í ferðamannabænum Dahab á Sínaískaga.

Maí

1. maí - Bólivía undir stjórn Evo Morales þjóðnýtti allar gas- og olíulindir landsins.
3. maí - Flug Armavia númer 967 brotlenti í Svartahafi með þeim afleiðingum að 113 létu lífið.
10. maí - Giorgio Napolitano var kjörinn forseti Ítalíu.
16. maí - Fyrsta MacBook-fartölvan kom á markað.
18. maí - Silvía Nótt söng lagið „Congratulations“ fyrir hönd Íslands í forkeppni Söngvakeppni evrópskra sjónvarpsstöðva.
18. maí - Þing Nepals samþykkti að draga úr völdum konungsins og gera ríkið veraldlegt.
20. maí - Finnland sigraði Söngvakeppni evrópskra sjónvarpsstöðva í fyrsta sinn með laginu „Hard Rock Hallelujah“ í flutningi þungarokkshljómsveitarinnar Lordi.
20. maí - Þriggja gljúfra stíflan í Kína var fullgerð.
21. maí - Svartfellingar samþykktu aðskilnað frá Serbíu í þjóðaratkvæðagreiðslu.
27. maí - Jarðskjálfti af stærðargráðunni 6,3 á Richter varð á eyjunni Jövu í Indónesíu. Yfir 6000 létust, 36 þúsund slösuðust og um 1,5 milljón manns misstu heimili sín.
27. maí - Sveitastjórnarkosningar voru haldnar á Íslandi.
31. maí - Sænska lögreglan réðist inn á skrifstofur The Pirate Bay um alla Svíþjóð og handtók forsvarsmenn vefsins.

Júní

3. júní - Svartfjallaland lýsti yfir sjálfstæði eftir þjóðaratkvæðagreiðslu sem fór fram 21. maí. Tveimur dögum síðar var Serbíu og Svartfjallalandi skipt í tvö lönd.
5. júní - Halldór Ásgrímsson forsætisráðherra Íslands tilkynnti að hann hygðist draga sig úr stjórnmálum eftir slæmt gengi flokksins í sveitarstjórnarkosningum.
7. júní - Abu Musab al-Zarqawi, einn helsti leiðtogi Al-Qaeda í Írak, lét lífið í loftárás Bandaríkjamanna í Baqouba í Írak.
9. júní - Heimsmeistaramótið í knattspyrnu 2006: Opnunarleikurinn var leikinn á Allianz Arena í München.
10. maí - Università Niccolò Cusano var stofnaður í Róm.
15. maí - Tamíltígrar réðust á strætisvagn á Srí Lanka með þeim afleiðingum að 64 létust.
16. júní - Götatunneln í Gautaborg voru vígð.
17. júní - Íslenska karlalandsliðið í handbolta vann sér þátttökurétt á HM í Þýskalandi 2007 með því að sigra Svía í Laugardalshöllinni með samanlagt þriggja marka mun.
17. júní - Samtökin Framtíðarlandið voru stofnuð í Austurbæjarbíói.
19. júní - Málverkið Adele Bloch-Bauer I eftir Gustav Klimt seldist fyrir 135 milljónir dala, sem var þá hæsta verð sem fengist hafði fyrir málverk.
27. júní - Hópslys varð á Eskifirði og þurftu um 30 manns að leita sér læknishjálpar eftir að klórgas losnaði út í andrúmsloftið í sundlauginni á Eskifirði fyrir mannleg mistök.

27. júní - Samkynhneigðir á Íslandi fengu jafna réttarstöðu á við gagnkynhneigða varðandi skráningu í sambúð.
28. júní - Sigurbjörg Sandra Pétursdóttir, 12 ára, bjargaði ófleygum erni úr Kirkjufellslóni við Grundarfjörð. Örninn hafði lent í grút og misst stélfjaðrirnar. Hann var fluttur í Húsdýragarðinn í Reykjavík þar sem hann fékk nafnið Sigurörn og dvaldist þar í um sex mánuði þar til honum var sleppt nálægt þeim stað sem hann fannst.
28. júní - Sumarregnsaðgerðin: Ísraelsher réðist inn á Gasaströndina til að svara fyrir eldflaugaárásir Hamas á ísraelsk landsvæði.
28. júní - Bandaríkjaher flutti síðustu hermenn sína frá Keflavíkurstöðinni og leysti upp Varnarlið Íslands.
29. júní - Konur fengu í fyrsta sinn atkvæðisrétt í kosningum í Kúveit.
29. júní - Hæstiréttur Bandaríkjanna staðfesti að fangelsanir í Gvantanamó brytu gegn Genfarsáttmálanum og bandarískum herlögum.

Júlí

1. júlí - Qinghai-Tíbet-járnbrautin, hæsta járnbraut heims, hóf rekstur í tilraunaskyni.
5. júlí - Hafíssetrið var opnað á Blönduósi.
6. júlí - Fjallaskarðið Nathu La á landamærum Kína og Indlands var opnað að nýju eftir að hafa verið lokað í 44 ár.
9. júlí - Ítalía vann heimsmeistarakeppnina í knattspyrnu og þar með sinn fjórða heimsmeistaratitil.
9. júlí - Roger Federer sigraði Wimbledon-mótið í tennis fjórða árið í röð með sigri á Rafael Nadal.
11. júlí - Hryðjuverk voru framin í neðanjarðarlestum í Mumbai á Indlandi. 209 manns létust og yfir 700 slösuðust í sjö sprengingum á háannatíma dags.
12. júlí - Ísraelskar hersveitir réðust inn í Líbanon í kjölfar þess að Hezbollah tók tvo ísraelska hermenn til fanga.
12. júlí - Evrópuráðið sektaði Microsoft um 280 milljónir evra fyrir að neita að gefa upp tæknilegar upplýsingar um stýrikerfið.
14. júlí - Dómur féll í ítalska úrvalsdeildarhneykslinu: Liðin S. S. Lazio, Juventus og Fiorentina voru felld niður um deild. Dómnum var síðar áfrýjað og refsingar mildaðar.
17. júlí - Sjávarflóð í kjölfar neðansjávarjarðskjálfta við eyjuna Jövu í Indónesíu olli dauða 630 manns.
22. júlí - Knattspyrnuleikvangurinn Emirates Stadium var vígður í London.
30. júlí - Árásin á Qana: 54 almennir borgarar létust í loftárás Ísraelshers á bæinn Qana í suðurhluta Líbanon.

Ágúst

4. ágúst - Blóðbaðið í Muttur: 17 hjálparstarfsmenn voru myrtir í bænum Muttur á Srí Lanka.
9. ágúst - Þrír mexíkóskir sjómenn björguðust eftir að hafa rekið um Kyrrahafið í 10 mánuði. Þeir höfðu lifað af hráum fiski og fuglum.
10. ágúst - Scotland Yard kom í veg fyrir hryðjuverk þar sem ætlunin var að sprengja margar farþegaflugvélar á leið til Bandaríkjanna. 18 voru handteknir.
11. ágúst - Síðustu þrjár F15-þoturnar yfirgáfu Keflavíkurstöðina og þar með var Ísland herþotulaust í fyrsta skiptið síðan 1953.
13. ágúst - Öryggisráð Sameinuðu þjóðanna kom á vopnahléi í deilu skæruliðasamtakanna Hizbollah í Líbanon og Ísraelshers, sem stóð í einn mánuð.
16. ágúst - Stærsta flutningaskipi heims, Emma Maersk, var hleypt af stokkunum í Danmörku.
17. ágúst - Danska fríblaðið 24timer hóf göngu sína.
22. ágúst - Farþegaflugvél Pulkovo Airlines hrapaði í Úkraínu. 171 lét lífið, þar af 45 börn.
23. ágúst - Austurríska stúlkan Natascha Kampusch slapp úr haldi mannræningja eftir átta ára innilokun í kjallara hans. Mannræninginn, Wolfgang Priklopil, framdi sjálfsmorð.
23. ágúst - FC København komst í Meistaradeild Evrópu með óvæntum 3-2-sigri á AFC Ajax Amsterdam.
24. ágúst - Skilgreiningu á plánetu var breytt þannig að Plútó telst ekki lengur vera pláneta heldur dvergpláneta.
24. ágúst - Norðmaðurinn Fritz Moen var hreinsaður af ákæru um tvö morð. Hann hafði setið 18 og hálft ár í fangelsi fyrir morðin.
28. ágúst - Um milljón manns mótmæltu fyrirhugaðri atvinnulöggjöf í Frakklandi.
31. ágúst - Málverkið Ópið eftir Edvard Munch fannst í Osló. Því hafði verið rænt 2 árum fyrr.

September

1. september - Hannes Hlífar Stefánsson, stórmeistari, sigraði Héðin Steingrímsson í einvígi um Íslandsmeistaratitil í skák. Með því setti hann tvö met: Hann varð Íslandsmeistari í áttunda sinn, en enginn hefur áður unnið þann titil svo oft, einnig varð hann Íslandsmeistari í sjötta sinn í röð og er það einnig met.
9. september - Tilkynnt var að eldpiparafbrigðið bhut jolokia (draugapipar eða kóbrapipar) hefði mælst með yfir 1.000.000 stig á Scoville-kvarða og væri því það sterkasta í heimi.
10. september - Michael Schumacher, sjöfaldur heimsmeistari í Formúlu 1, tilkynnti að hann myndi hætta keppni í lok ársins.
12. september - Benedikt 16. páfi hélt ræðu í Regensburg þar sem hann vitnaði í Manúel 2. Paleólógos. Tilvitnunin vakti hörð viðbrögð múslima.
13. september - Stærsta dvergreikistjarna sólkerfisins, 2003 UB₃₁₃, fékk formlega nafnið Eris.
17. september - Bandalagið undir forystu Fredrik Reinfeldt sigraði þingkosningar í Svíþjóð en sósíaldemókratar fengu sína verstu kosningu frá 1914.
19. september - Konunglegi taílenski herinn framdi valdarán í Taílandi og velti stjórn Thaksin Shinawatra úr sessi.
22. september - Íslenska fréttastöðin NFS hætti útsendingum.
26. september - Á bilinu 10-15 þúsund manns gengu mótmælagöngu niður Laugaveg til þess að mótmæla stóriðjustefnu ríkisstjórnarinnar. Þetta voru talin vera fjölmennustu mótmæli á Íslandi frá 24. maí 1973.
28. september - Lokað var fyrir hjáveitugöng Kárahnjúkastíflu og myndun Hálslóns hófst.
28. september - María Fjodorovna keisaraynja var jarðsett að nýju í Dómkirkju Péturs og Páls í Sankti Pétursborg.
29. september - Gol Transportes Aéreos flug 1907 rakst á einkaþotu yfir Amasónfrumskóginum með þeim afleiðingum að 155 fórust.
30. september - Bandaríkjaher yfirgaf formlega herstöðina á Keflavíkurflugvelli og Íslendingar tóku við stjórn hennar.

Október

2. október - Byssumaður tók fimm stúlkur á aldrinum 7-13 ára í gíslingu í West Nickel Mines School í Pennsylvaníu, myrti þær og framdi síðan sjálfsmorð.
6. október - Fyrsta tölublað Nyhedsavisen kom út í Danmörku.
9. október - Norður-Kórea tilkynnti að landið hefði gert sína fyrstu kjarnorkutilraun.
10. október - Google festi kaup á YouTube.
10. október - Landsbankinn kynnti Icesave, nýja þjónustu netinnlánsreikninga fyrir viðskiptavini í Bretlandi.
12. október - Tyrkneski rithöfundurinn Orhan Pamuk hlaut Bókmenntaverðlaun Nóbels.
13. október - Suður-Kóreumaðurinn Ban Ki-moon var kosinn aðalritari Sameinuðu þjóðanna.
14. október - Maria Borelius sagði af sér embætti viðskiptaráðherra Svíþjóðar eftir aðeins 8 daga í embætti vegna hneykslismála.
17. október - Ein kona lést og 235 slösuðust þegar tvær neðanjarðarlestar rákust saman í Róm.
17. október - Íbúafjöldi Bandaríkjanna náði 300 milljónum.
18. október - Microsoft gaf út Windows Internet Explorer 7.
20. október - Íslenska kvikmyndin Mýrin var frumsýnd.
21. október - Hellisheiðarvirkjun var formlega gangsett.
23. október - Geimkönnunarfarið Messenger flaug í fyrsta sinn framhjá Venus.
30. október - Síðasta skipið var afgreitt úr Daníelsslipp í Reykjavíkurhöfn.

Nóvember

1. nóvember - Mikill stormur með snjókomu og slyddu reið yfir í Eystrasalti. Stórabeltisbrúin var lokuð fyrir umferð í marga klukkutíma og sænska flutningaskipið MS Finnbirch fórst.
2. nóvember - Málverkið No. 5, 1948 eftir Jackson Pollock varð dýrasta málverk heims þegar það seldist fyrir 140 milljónir dala í einkasölu.
5. nóvember - Saddam Hussein, fyrrverandi forseti Íraks, og tveir af helstu samstarfsmönnum hans voru dæmdir til dauða fyrir glæpi gegn mannkyni.
5. nóvember - Demókrataflokkurinn náði meirihluta í bæði öldungadeild og fulltrúadeild Bandaríkjaþings. Donald Rumsfeld sagði af sér embætti varnarmálaráðherra í kjölfarið.
7. nóvember - Bandaríska teiknimyndin Happy Feet var frumsýnd.
8. nóvember - Farið var að selja Windows Vista til fyrirtækja.
8. nóvember - Daniel Ortega sigraði forsetakosningar í Níkaragva.
10. nóvember - 19 létust í árás Ísraelshers á Beit Hanun. Herinn kenndi bilun í ratsjárbúnaði um.
16. nóvember - Tívolí í Kaupmannahöfn kynnti áform um niðurrif H.C. Andersen-hallarinnar og byggingu lúxushótels í staðinn. Síðar var höllin friðuð og Tívolí neyddist til að hætta við áformin.
19. nóvember - Leikjatölvan Wii frá Nintendo kom út í Bandaríkjunum.
19. nóvember - Fréttastofur danska sjónvarpsins DR voru fluttar í DR Byen á Amager.
21. nóvember - Skæruliðar í Nepal undirrituðu vopnahléssamning sem batt enda á 10 ára borgarastyrjöld.
21. nóvember - Líbanski ráðherrann Pierre Amine Gemayel var skotinn til bana í bifreið sinni í Beirút.
23. nóvember - 215 létust í röð bílasprengjuárása í Sadrborg í Bagdad.
24. nóvember - Stjórnarherinn á Srí Lanka felldi 30 skæruliða Tamíltígra.

Desember

1. desember - Að minnsta kosti 388 manns létu lífið þegar fellibylurinn Durian gekk yfir Filippseyjar.
1. desember - Dagur rauða nefsins var haldinn í fyrsta sinn á Íslandi til styrktar Barnahjálp Sameinuðu þjóðanna.
5. desember - Herinn framdi valdarán á Fídjieyjum.
9. desember - Christer Fuglesang varð fyrsti norræni geimfarinn þegar hann hélt út í geim um borð í geimskutlunni Discovery.
13. desember - Þrír ítalskir verkamenn slösuðust þegar tvær járnbrautarlestir skullu saman við gerð Kárahnjúkavirkjunar.
16. desember - Fjölmenn mótmæli áttu sér stað á Nørrebro í Kaupmannahöfn eftir að lögregla hugðist ryðja félagsmiðstöðina Ungdomshuset.
17. desember - Fjallað var um hneyksli í tengslum við meðferðarheimilið Byrgið í fréttaskýringaþættinum Kompás á Stöð 2.
19. desember - Rússneska flutningaskipið Wilson Muuga strandaði á Hvalsnesi í Sandgerðisbæ. Allir í áhöfn þess björguðust en einn danskur sjóliði fórst við björgunarstörf.
26. desember - Kvikmyndin Skroppið til himna var frumsýnd.
26. desember - Jarðskjálftinn í Hengchun 2006, sunnan við Taívan, olli 2 dauðsföllum og miklum skemmdum á sæstrengjum.
28. desember - Sveitir Eþíópíuhers og bráðabirgðastjórnarinnar í Sómalíu náðu Mógadisjú úr höndum íslamista.
29. desember - Styrkjamálið: FL Group styrkti Sjálfstæðisflokkinn um 30 milljónir tveimur dögum áður en ný lög um styrki til stjórnmálaflokka gengu í gildi.
29. desember - Íslenska kvikmyndin Köld slóð var frumsýnd.
30. desember - Saddam Hussein, fyrrverandi forseti Íraks var tekinn af lífi með hengingu í Bagdad.
30. desember - 67 ára gömul kona eignaðist tvíbura á sjúkrahúsi í Barselóna.
30. desember - Bílasprengja varð tveimur að bana í bílastæðahúsi á Madrid Barajas-alþjóðaflugvellinum.
31. desember - Útvarpsstöðin Kántríbær hætti útsendingum.
31. desember - Þrír létust í átta sprengjutilræðum í Bangkok.

Ódagsettir atburðir

Juraj-Dobrila-háskólinn í Pula var stofnaður í Króatíu.
AkureyrarAkademían var stofnuð.
Samtök fjármálafyrirtækja voru stofnuð á Íslandi.
Íslenska hljómsveitin Bob var stofnuð.

Fædd

1. mars - Daníel Tristan Guðjohnsen, knattspyrnumaður

Dáin

24. janúar - Chris Penn, bandarískur leikari.
27. janúar - Johannes Rau, þýskur stjórnmálamaður og 8. forseti Þýskalands (f. 1931).
29. janúar - Paik Nam-june, suðurkóreskur listamaður, oft talinn upphafsmaður svokallaðrar myndbandslistar (f. 1932).
30. janúar - Coretta Scott King, ekkja blökkumannaleiðtogans Martins Luthers Kings.
30. janúar - Wendy Wasserstein, bandarískt leikskáld.
4. febrúar - Betty Friedan, bandarískur rithöfundur (f. 1921).
13. febrúar- Peter Frederick Strawson, breskur heimspekingur (f. 1919).
11. mars - Slobodan Milošević, fyrrum forseti Júgóslavíu.
5. apríl - Gene Pitney, bandarískur dægurlagasöngvari.
25. maí - Desmond Dekker, tónlistarmaður frá Jamaíka (f. 1941).
14. júní - Jean Roba, belgískur teiknimyndasagnahöfundur (f. 1930).
1. júlí - Ryūtarō Hashimoto, forsætisráðherra Japans (f. 1937).
7. júlí - Syd Barrett, enskur tónlistarmaður (f. 1946).
30. ágúst - Naguib Mahfouz, egypskur rithöfundur (f. 1911).
4. september - Steve Irwin, ástralskur dýraverndarsinni og sjónvarpsþáttastjórnandi (f. 1962).
6. september - Herbert Bloch, þýskur fornfræðingur (f. 1911).
12. september - Magnús Kjartansson, íslenskur myndlistarmaður (f. 1949).
6. október - Hjalti Gestsson, íslenskur búfjárræktarráðunautur (f. 1916).
7. október - Anna Politkovskaja, úkraínskur blaðamaður (f. 1958).
12. október - Wendell Clausen, bandarískur fornfræðingur (f. 1923).
26. október - Þorsteinn Thorarensen, íslenskur bókaútgefandi (f. 1926).
1. nóvember - William Styron, breskur rithöfundur (f. 1925).
16. nóvember - Milton Friedman, bandarískur hagfræðingur (f. 1912).
17. nóvember - Ferenc Puskás, ungverskur knattspyrnumaður (f. 1927).
20. nóvember - Robert Altman, bandarískur kvikmyndaleikstjóri (f. 1925).
23. nóvember - Alexander Litvinenko, rússneskur leyniþjónustumaður (f. 1962).
28. nóvember - Max Merkel, austurrískur knattspyrnuþjálfari (f. 1918).
10. desember - Augusto Pinochet, einræðisherra í Chile (f. 1915).
21. desember - Saparmyrat Nyýazow, forseti Túrkmenistan (f. 1940).
25. desember - James Brown, bandarískur söngvari (f. 1933).
26. desember - Gerald Ford, 38. forseti Bandaríkjanna (f. 1913).
30. desember - Saddam Hussein, fyrrverandi forseti Íraks (f. 1937).