Comboios de Portugal (abreviado como CP) é unha empresa pública portuguesa de transporte ferroviario e a principal operadora ferroviaria do país. Foi creada o 11 de maio de 1860 por José de Salamanca y Mayol co nome de Companhia Real dos Caminhos de Ferro Portugueses, cambiado durante a Primeira República Portuguesa a Companhia dos Caminhos de Ferro Portugueses e máis tarde a Caminhos de Ferro Portugueses. A empresa Comboios de Portugal, E.P.E. foi creada polo Decreto-Lei n.º 137-A/2009.
Na actualidade, a CP transporta preto de 178 millóns de pasaxeiros (107 millóns en 2013[1]) e 9,3 millóns de toneladas de mercadorías por ano.
Atópase dividida en diferentes sub-empresas que representan unidades de negocio diferentes, cada unha cunha parte específica dos servizos prestados pola empresa:
A CP na actualidade dedícase apenas ao transporte e actividades conexas. A xestión da rede ferroviaria nacional, que lle pertenceu ata 1997, está hoxe entregada a outra empresa pública, a REFER.
Está liderada por Manuel Queiró, presidente do Conselho de Administração da CP dende o 21 de febreiro de 2013.
En xuño de 2011, a empresa presetaba un beneficio de 195 millóns de euros e unha débeda de 3.3 millóns de euros.[2]
O Presidente do Consello de Administración é o responsábel máximo da empresa, lidedrando un equipo xeralmente constituído por cinco membros, contando co propio presidente. Os membros do consello de administración son nomeados directamente polo ministro responsábel e exercen xeralmente un mandato trianual.
Sendo un cargo de confianza política, os nomeados son xeralmente membros ou independentes próximo dos dous partidos que se alteran o Goberno de Portugal, o PS e o PSD.
O actual Presidente do Consello de Administración é Manuel Queiró, que sucedeu a José Benoliel o 21 de febreiro de 2013.
_(17366984831).jpg)
.jpg)
