پاڵەوانێتیی جیھانیی سنووکەر، ٢٠١٩

پاڵەوانێتیی جیھانیی سنووکەر، ٢٠١٩
بەشێکە لە	پاڵەوانێتیی جیھانیی سنووکەر، 2018–19 snooker season
سپۆنسەر	بێتفرێد
وەرزش	سنووکەر
وڵات	شانشینی یەکگرتوو
جێ	شانۆی کرووسیبڵ، شێفیڵد
لە پێش	پاڵەوانێتیی حیھانیی سنووکەر، ٢٠١٨
لە دوای	پاڵەوانێتیی جیھانیی سنووکەر، ٢٠٢٠
ژمارەی چاپ	76
ڕێکەوتی دەستپێکردن	٢٠ی نیسانی ٢٠١٩
ڕێکەوتی کۆتاییھاتن	٦ی ئایاری ٢٠١٩
ڕێکخەر	کۆمەڵەی جیھانیی پیشەگەری بلیارد و سنووکەر
براوە	Judd Trump
لە ویکیدراوە دەستکاریی زانیارییەکان بکە

پاڵەوانێتیی جیھانیی سنووکەری ٢٠١٩ (بە فەرمی پاڵەوانێتیی جیھانیی سنووکەری بێتفرێدی ٢٠١٩) پاڵەوانێتییەکی پیشەگەری سنووکەر بوو کە لە ٢٠ی نیسان تا ٦ی ئایاری ٢٠١٩ لە شانۆی کرووسیبڵ لە شێفیڵد، ئینگلتەرا بەڕێوەچوو. ٤٣یەمین ساڵی یەک لە دوای یەک بوو کە پاڵەوانێتیی جیھانیی سنووکەر لە کرووسیبڵ بەڕێوە بچێت، و ٢٠ەمین و کۆتا ڕووداوی ڕیزبەندیی وەرزی سنووکەری ٢٠١٨–١٩ بوو. پاڵاوتن بۆ پاڵەوانێتییەکە لە ١٠ تا ١٧ی نیسانی ٢٠١٩ لە پەیمانگای وەرزشی ئینگلیزی لە شێفیڵد بەڕێوەچوو. کۆمپانیای گرەوی وەرزشیی بێتفرێد سپۆنسەری چالاکییەکە بوو.

براوەی نازناوەکە جەد ترەمپ بوو، کە لە یاریی کۆتاییدا بە ئەنجامی ١٨–٩ لە جۆن ھیگینزی بردەوە بۆ ئەوەی یەکەمین نازناوی پاڵەوانێتیی جیھانی بەدەستبھێنێت. بەوەش، ترەمپ بوو بە ١١یەمین یاریزان کە ھەر سێ نازناوی تاجی سێیانە بە لایەنی کەمەوە جارێک بباتەوە. پاڵەوانی بەرگریکار مارک ویلیامز لە قۆناغی دووەمی پاڵەوانێتییەکەدا بە ئەنجامی ٩–١٣ بە دەیڤید گیلبێرت دۆڕا. بۆ یەکەمجار لە مێژووی پاڵەوانێتیی جیھانیی سنووکەردا، یاریزانێکی ئاماتۆر لە قۆناغی سەرەکیی چالاکییەکەدا دەرکەوت—جەیمس کاھیڵی یەکەمین دەرکەوتوو لە قۆناغی یەکەمدا لە ڕۆنی ئۆسلیڤانی یەکەمی جیھانی بردەوە، پێش ئەوەی لە فەریمێکی یەکلاکەرەوەی قۆناغی دووەمدا بە جیاوازییەکی کەم بە ستیفن مەگوایەر بدۆڕێت.

پاڵەوانێتییەکە ١٠٠ سەدەی برەیکی تێدا بوو؛ لەو کاتەدا، ئەمە بەرزترین ژمارە بوو کە لە چالاکییەکی فەرمیی سنووکەردا تۆمارکرابێت (لە پاڵەوانێتیی جیھانیی ٢٠٢١دا تێپەڕێنرا). تەنھا یاریی کۆتایی ١١ سەدەی تێدا بوو، کە زۆرترینە تا ئێستا لە یاریی کۆتاییی ڕووداوێکی ڕیزبەندیدا تۆمارکرابێت. ھیگینز بەرزترین برەیکی تۆمارکرد کە ١٤٣ بوو، لە سەرکەوتنەکەیدا لە نیوەی کۆتایی بەرامبەر گیلبێرت. شۆن مێرفی لە قۆناغی یەکەمدا بە ئەنجامی ١٠–٠ لە لوۆ ھۆنگھاوی بردەوە، کە یەکەمین بردنەوەی پاک (وەیت واش) بوو لە پاڵەوانێتیی جیھانی لە ساڵی ١٩٩٢ەوە.