پاڵەوانێتیی جیھانیی سنووکەر، ٢٠٢١

پاڵەوانێتیی جیھانیی سنووکەر، ٢٠٢١
بەشێکە لە	پاڵەوانێتیی جیھانیی سنووکەر، 2020–21 snooker season
سپۆنسەر	بێتفرێد
وەرزش	سنووکەر
وڵات	شانشینی یەکگرتوو
جێ	شێفیڵد، شانۆی کرووسیبڵ
لە پێش	پاڵەوانێتیی جیھانیی سنووکەر، ٢٠٢٠
لە دوای	پاڵەوانێتیی جیھانیی سنووکەری ٢٠٢٢
ژمارەی چاپ	94
کاتی ڕوودان	٣ی ئایاری ٢٠٢١
ڕێکەوتی دەستپێکردن	١٧ی نیسانی ٢٠٢١
ڕێکەوتی کۆتاییھاتن	٣ی ئایاری ٢٠٢١
ڕێکخەر	کۆمەڵەی جیھانیی پیشەگەری بلیارد و سنووکەر، World Snooker Tour
براوە	Mark Selby
Tournament type	ladder tournament
لە ویکیدراوە دەستکاریی زانیارییەکان بکە

پاڵەوانێتیی جیھانیی سنووکەری ٢٠٢١ (بە فەرمی پاڵەوانێتیی جیھانیی سنووکەری بێتفرێدی ٢٠٢١) پاڵەوانێتییەکی پیشەگەری سنووکەر بوو کە لە ١٧ی نیسان تا ٣ی ئایاری ٢٠٢١ لە شانۆی کرووسیبڵ لە شێفیڵد، ئینگلتەرا بەڕێوەچوو. ٤٥ەمین ساڵی یەک لە دوای یەک بوو کە پاڵەوانێتیی جیھانیی سنووکەر لە شانۆی کرووسیبڵ بەڕێوە بچێت و ١٥ەمین و کۆتا ڕووداوی ڕیزبەندیی وەرزی سنووکەری ٢٠٢٠–٢١ بوو. لەلایەن وۆرڵد سنووکەر توورەوە ڕێکخرابوو. چالاکییەکە لەلایەن کۆمپانیای گرەوی وەرزشیی بێتفرێدەوە سپۆنسەر کرا و لەلایەن بی بی سی، یوورۆسپۆرت و ماچڕووم سپۆرتەوە پەخشکرا. کۆی سندوقی خەڵاتەکەی ٢٬٣٩٥٬٠٠٠ پاوەند بوو کە لەو بڕە براوەکە ٥٠٠٬٠٠٠ پاوەندی وەرگرت.

پاڵاوتن بۆ پاڵەوانێتییەکە لە نێوان ٥ و ١٤ی نیسانی ٢٠٢١ لە پەیمانگای وەرزشی ئینگلیزی لە شێفیڵد بەڕێوەچوو. ١٢٨ بەشداربوو لە قۆناغەکانی پاڵاوتندا ھەبوون، کە لە تێکەڵەیەک لە یاریزانانی پیشەگەر و ئاماتۆری بانگھێشتکراو پێکھاتبوون. قۆناغی سەرەکیی پاڵەوانێتییەکە ٣٢ یاریزانی لەخۆ گرتبوو: ١٦ باشترین یاریزانەکانی ڕیزبەندیی جیھانیی سنووکەر و ١٦ یاریزانی زیادە لە قۆناغەکانی پاڵاوتنەوە. ڕۆنی ئۆسلیڤان پاڵەوانی بەرگریکار بوو، کە شەشەم نازناوی جیھانیی خۆی لە چالاکیی ساڵی پێشوودا بەدەستھێنابوو، کە تێیدا لە یاریی کۆتاییدا بە ئەنجامی ١٨–٨ لە کایرێن ویڵسۆنی بردبووەوە. ئۆسلیڤان لە قۆناغی دووەمدا بە ئەنجامی ١٢–١٣ بە ئەنتۆنی مەکگیڵ دۆڕا. مارک سێلبی لە یاریی کۆتاییدا بە ئەنجامی ١٨–١٥ لە شۆن مێرفی بردەوە بۆ ئەوەی چوارەم نازناوی جیھانی و ٢٠ەمین نازناوی ڕیزبەندیی کاروانی وەرزشیی خۆی بەدەستبھێنێت. ژمارەیەکی پێوانەیی کە ١٠٨ سەدەی برەیک بوو لە کرووسیبڵ تۆمارکران، لەگەڵ ١٠٦ی زیادە لە قۆناغەکانی پاڵاوتندا. بەرزترین برەیکی پاڵەوانێتییەکە ١٤٤ بوو لەلایەن مێرفی لە قۆناغی دووەمدا.