Windows 7
| Windows 7 | |||
 | |||
| Utviklar(ar) | Microsoft | ||
|---|---|---|---|
| Utgjeve | 21. juli 2009 | ||
| Nyaste versjon | Service Pack 1 (6.1.7601) (22. februar 2011) | ||
| Plattform | IA-32, x86_64, x86-arkitektur | ||
| Byggjer på | Windows Vista | ||
| Skrivebordsmiljø | Windows API, .NET Framework, Windows Forms, WPF, DirectX, Media Foundation | ||
| Lisens | Microsoft Software Assurance, volumlisensiering, lisensavtale for sluttbrukere | ||
| Føregangar | Windows Vista | ||
| Etterfølgjar | Windows 8 | ||
Windows 7 er ei tidlegare utgåve av operativsystemet Microsoft Windows som kom på marknaden i 2009[1]. Windows 7 erstatta Windows Vista og vart erstatta av Windows 8 i 2012. Frå og med 14. januar 2020 har ikkje Microsoft retta feil i Windows 7[2].
Utviklinga
[endre | endre wikiteksten]Blackcomb skulle eigentleg vere etterkomaren til Windows XP (Whistler). Store funksjonar var planlagde for Blackcomb, men ei mindre utgåve ved kodenamn «Longhorn» vart gjort kjend. Denne skulle koma i 2003 og Blackcomb-utviklinga var utsett.[3] I 2003 hadde Longhorn teke over nokre av funksjonane som var planlagde for Blackcomb. Etter at det kom tre store virus for Windows i 2003, måtte Microsoft leggja om prioriteringa for utvikling og Longhorn vart sett på vent slik at Microsoft fekk tid til å laga nye oppdateringar til Windows XP og Windows Server 2003. Longhorn-utviklinga vart dessuten starta opp att frå botnen i august 2004 og soleis utsett igjen. Fleire funksjonar måtte kuttast ut.[4]
Maskinvarekrav
[endre | endre wikiteksten]Microsoft spesifiserte minstekrava til maskinvare for Windows 7.[5] Krava for 32-bitarsutgåva er ganske uendra, men krava for 64-bitersutgåva er høgare.
| Arkitektur | 32-bitar | 64-bitar |
|---|---|---|
| CPU-snøggleik | 1 GHz | |
| Minne (RAM) | 1 GB | 2 GB |
| Grafikkort | Støtte for DirectX 9 og 128 MB grafikkminne (for Windows Aero) | |
| Ledig plass på platelager | 16 GB | 20 GB |
| Optisk stasjon | DVD-stasjon (berre til installering frå DVD/CD) | |
Ekstra krav til å nytta somme funksjonar:[5]
- BitLocker krev Trusted Platform Module (TPM) 1.2 og ein minnepinne for å nytta BitLocker To Go
- Windows XP Mode krev enda ein GB med minne, enda 15 GB plass på platelageret og ein prosessor som kan i stand til maskinvarevirtualisering med Intel VT eller AMD-V aktivert.
Sjå òg
[endre | endre wikiteksten]Kjeldetilvisingar
[endre | endre wikiteksten]- ↑ B. LeBlanc, Windows 7 Has Been Released to Manufacturing , Microsoft, 22. july 2009.
- ↑ Support for Windows 7 has ended, Microsoft.
- ↑ Lettice, John (2001-10-24). «Gates confirms Windows Longhorn for 2003 (engelsk)». The Register. Henta 2008-03-05.
- ↑ «Microsoft cuts key Longhorn feature (engelsk)». Todd Bishop. Hearst Seattle Media, LLC. August 28, 2004. Henta 2009-03-25.
- 1 2 3 «Windows 7 system requirements». Microsoft.
