Treho
Ny treho dia fiitarana na fitomboana hita matetika amin' ny fihary tirôida. Ity fitomboana ity dia mety ho ara-dalàna sy mandalo amin' ny toe-javatra manokana toy ny fahavanto-jaza na ny fitondrana vohoka. Ny treho maharitra dia tena fahita manerana izao tontolo izao (efa ho ny 15,8 % amin' ny mponina eran-tany tamin' ny taona 2004 no voan' ny treho azo tsapain-tanana), mifandray amin' ny tsy fahampian' ny iôda ao amin' ny olona efa ho 2,2 lavitrisa.
