Odisseya
Odisseya;antik yunan tiliñde:Ὀδύσσεια, Homerniñ tertip ettigi destandır. İtika Qıralı Odiseusniñ evge qaytmaq ikâyesini aytıp bere. Destan 24 kitapqa bölüne.[1]
İkâyeniñ süjeti
[deñiştir | kodunı deñiştir]İtaka Qıralı Odiseus Troya Harbinde soñ, askerlerinen beraber Kikonesni taladı. Kikones halqı Odiseusnen cenkleşti soñ, Odiseus ile askerleri, bir adağa kelip çıqtılar. Bu adada adamlar nilufar çeçegini aşap, hatırlavlarını coyğan ediler. Adadan qaçqan soñ, olar Kiklopasıñ adasına kelip çıqalar. Kiklopas,qoy sürülerinen ğıdalanğan bir közlü canavardır. Olar aş-suv çoq olğan qobağa kireler. Olar ev saibini beklegende, Kiklopas kele ve kirişni qapatıp qoya. Kiklopas, Aqşam eki, saba eki asker aşay. Odiseus Kiklopası sarhoş ete ve onıñ közini kör ete. Odiseus ve askerleri qaçarlar, lâkin Kiklopas babası Posidona, olar sağ-selâmet evge qaytmasınlar dep dua ete. Odiseus Kiklopas adası soñ, Yel tañrısı Eyolos ile körüşe ve bir torba içindeki yelni qabul ete. Yeli faydalanuv, Itika yaqın kele lâkin Odiseus yuqlağanda, askerleri torbanı açalar ve yel qaçar. Yel olarnı Eyolosağa ketire. Soñ, olar Tileplos adasına çıqalar âkin andaki halq olarğa taş atalar ve askerlerniñ bazılarını öldüreler. Odiseus ve askerleri soñ cadı Kirkiñin vatanına keleler. Kirki askerleri domuzğa çevirile amma Odiseus olarnı qurtara. Olar andan çıqıp, ölüm tañrısı Adisni ziyaret etmege keteler. Anda, Odiseus ruhlarnen laf ete ve küneş tañrısı İliosnıñ sığırlarına toqunmamaq kerekligini bile. Olar, sirina,skilla, ve harivris kibi canavarlanıñ artından keçip, İliosnıñ adasına kelip çıqarlaq. Aç olgan askerler, Odiseus yuqlağanda Bir qaç sığır öldürürler. Tañrılar intiqam alıp, Odiseusnın gemini yıqalar. Tek Odiseus sağ qalır. Deñiz onı peri Kalipsonıñ adasına alıp kete. Odiseus Kalipso ile vaqıt keçirgen soñ Zefs, Kalipsoğa Odiseusnı azat etmege emir ete. Azat Odiseus, kıral Alkinosnın vatanına kelir. Anda, ikâyesini ikâye ete.Soñ, Odiseus soñunda evge qayta. İtikada 108 erkek, o olmağanda Itaka Qıraliçesi Pinelopi ile evlenmege istey. 10 yıl devamında ğayıp olğan soñ, niayet, apay saylamaq içün Penelope yarış teşkil ete. Odiseus yarışnı yeñe ve 108 adamnı öldüre.[1]
