Dessin

Ech dessin est une teknique où in trache su eune surfache planne des traits pou érprésinter el réalité, ou bin cjère des fidjures décoratifes, djéométriques ou abstraites.

Technique

In foait ch'dessin su du papié, del toéle, ou eune aute matière : ches preumiés dessins is ont té foait su des paroés din ches cavérnes.

Pou foaire ch'dessin, in o =

ches douogts, ech mérlon ( craie in frinsé), ches capernotieus (fusain in frinsé), ches craïons, ches becs, ches pincieus, ches éstilografes (à billon, à pleume, tubuloères), ches feutes, etc.

Ech matériel pou ech dessin =

ech craïon mine,

ech capernotieu,

ech pastèle,

el noère pierre ,

el sandjine,

ech blanc mérlon

el bec (pleume) pi l'incre éd Chine ,

ches pastèles à base d'heule,

ches craïons à base ed chire

el pinture à l'ieu...

El représentation

Ches princhipales métodes din ch'dessin sont : ech tracé d'lines, echl hachurage (paralèle, croésé, courbe ou aléatoère), ch'grifonnache, ch'pointillé pi ech dégradé.

Diférinches intre ch'dessin pi l'pinture

Ch' dessin i put être foait aveuc un pinchieu. Il n'y o poin ed séparachion nète inte ech dessin pi el pinture. Din ch'dessin, ech tracé reste aparint et pi in n'muche poin tertous ch'suport. Din l'pinture, tertous echl'éspache est couvert ed couleur.