Islam
| Islam |
|---|
| instantia de: major religious group[*] |
| subclasse de: religion abrahamic[*] |
 |
|
| precedite per: شهادان[*] , succedite per: Five Pillars of Islam[*] |
| data de creation: 631 |
| Commons: Islam |
Le islam (ab arabe islam (الإسلام) "rendition") es un religion monotheista, fundate super le inseniamentos del propheta Mahomet que esseva scripte in le Koran in le prime decennios del seculo 7.
Le parola Islam es le verbo infinitive que significa "ceder, capitular, render", o le total capitulation del persona al Deo (الله, Allāh). Le parola Musulman es le participle del verbo con le infinitive Islam.[1] Un adherent ab Islam es cognoscite como Musulman, que significa "un persona que cede [a Deo]".[2][3] In le mundo es 1 milliardo a 2 milliardos de musulmanes.[4]
Articulos de fide
[modificar | modificar fonte]Le credo islamic (aqidah) require le credentia in sex articulos: Deo, angelos, revelation, prophetas, le Die del Resurrection, e le predestination divin.[5]
Deo
[modificar | modificar fonte]Le concepto central del islam es tawḥīd (arabe: توحيد), le unitate de Deo. Illo es usualmente considerate como un monotheismo precise, sed es tamben panentheistic in le inseniamentos mystic islamic. Deo es vidite como incomparabile e sin multiplicitate de personas como in le Trinitate christian, e associar multiplicitate a Deo o attribuer le attributos de Deo a alteres es considerate como idolatria, appellate shirk. Assi, le musulmanes non es iconodulos e non attribue formas a Deo. Deo es in loco de illo describite e mentionate per plure nomines o attributos, le plus commun essente Ar-Rahmān (الرحمان) que significa "Le Integramente Misericordiose", e Ar-Rahīm (الرحيم) que significa "Le Specialmente Misericordiose", le quales es invocate al initio de le major parte del capitulos del Koran.[6]
Le islam insenia que le creation de omne cosa in le universo esseva portate al existentia per le commando de Deo como exprimite per le parolas, "Sia, e illo es," e que le scopo del existentia es adorar a Deo.[7] Ille es vidite como un deo personal e il non ha intermediarios, tal como le clero, pro contactar a Deo. Le conscientia e le perception de Deo es appellate Taqwa. Allāh es un termino sin plural o genere ascribite a illo e es tamben usate per musulmanes e christianos e judeos de lingua arabe in referentia a Deo, dum que ʾilāh (إله) es un termino usate pro un deitate o un deo in general.[8]
Referentias
[modificar | modificar fonte]- ↑ USC-MSA Compendium of Muslim Texts. Archivo del original create le 14 de septembre 2008. Recuperate le 6 de junio 2009.
- ↑ Patrono:Cite encyclopedia
- ↑ Lane's lexicon (PDF). Recuperate le 3 de julio 2007.
- ↑ Major Religions of the World — Ranked by Number of Adherents (HTML). Archivo del original create le 29 de januario 2010. Recuperate le 3 de julio 2007.
- ↑ (2011) Sourcebook of the World's Religions: An Interfaith Guide to Religion and Spirituality. New World Library, 68–9. ISBN: 9781577313328.
- ↑ (24 de maio 2008) Islam : the key concepts. London: Routledge. ISBN: 978-0-415-39638-7. OCLC 123136939.
- ↑ Leeming, David. 2005. The Oxford Companion to World Mythology. Oxford: Oxford University Press. ISBN: 978-0-195-15669-0. p. 209.
- ↑ God. PBS.
Ligamines externe
[modificar | modificar fonte]- Unit on Islam (Archivate 2008-02-25 al Wayback Machine) de NITLE Cultura e Civilization Arabic
- Islam, articulo in Enyclopaedia Britannica Online
