Defesa
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una defesa[1] ye un prau arbolau derivau d'a trasformación d'a selva mediterrania y destinau a criar y paixentar bestiar compachinando a explotación de productos forestals como lenya, cazata, hierbas medicinals u fongos.
Bi n'ha que son propiedat comunal, pero tamién s'aplica o termin a fincas privadas. En aragonés as defesas destinadas a lo bestiar de labor como bueis u burros son os boyalars.
As defesas son tipicas d'o paisache de l'ueste d'a Peninsula Iberica a lo sud de Salamanca y son tipicas de zonas con suelos pobres pa l'agricultura.
Etimolochía
[editar | modificar o codigo]Defesa provién d'o latín Defensa seguntes a fonetica aragonesa. En Casp se mantién a palabra ifesa con o significato de mont con abundancia de maticals y pins diferenciau d'o significato orichinal en aragonés medieval.
En o castellano d'a Ribera Alta d'Ebro, Ribera Baixa d'Ebro y seguntes Rafael Andolz Canela tamién en Exeya d'os Caballers "defesa" se diz Acampo, parola con mayor densidat d'emplego en o municipio de Zaragoza que Juan A. Frago Gracia lo considera un derivato postverbal de acampar. Manimenos un acampo en ansotano ye especificament a zona d'estancia hibernal d'o bestiar en tierra plana[2].
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) Miguel Ánchel Barcos, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, p 164.ISBN 978-84-8094-058-0.
