toki ilo Luwa
| Lua | |
|---|---|
 | |
| mama | jan Lopetu Jelusalinki (toki Potuke: Roberto Ierusalimschy) jan Watema Seli (toki Potuke: Waldemar Celes) jan Luwi Enkiki Pikuletu (toki Potuke: Luiz Henrique Figueiredo) |
| kama lon | tenpo sike nanpa 1993 |
| toki ilo ni la ona li pali | toki ilo Si |
toki ilo Luwa (toki Potuke: Lua [ˈlu(w)ɐ], "mun") li wawa ala tawa ilo li toki ilo pi kepeken pona.[1] jan li ken kepeken pona e ona lon toki ilo ante.
tenpo pini
[o ante | o ante e toki ilo]jan Lopetu Jelusalinki en jan ante li pali e ona lon kulupu Teka (toki Potuke: Tecgraf) lon tomo sona "PUC-Rio" lon ma Pasiju.
tenpo pini la, lawa pi ma Pasiju li wile e ni: jan li kepeken ala ijo pi ilo sona tan ma ante, li pali e ijo ona. ni la, kulupu Teka o pali e ijo ilo ale.[2]
open la, ona li pali e toki ilo "Simple Object Language (SOL)" e toki ilo "Data-Entry Language (DEL)" tawa kulupu Petopa (toki Potuke: Petrobras).[3] ni la jan li ken pana e sona tawa ilo. taso kulupu Petopa li wile lawa e ilo kepeken toki ni. ni la kulupu Teka li pali e toki ilo Luwa.
ken
[o ante | o ante e toki ilo]nasin nimi
[o ante | o ante e toki ilo]ilo "toki, ma ale o!" li ken kepeken nasin tu:[4]
print("Hello, World!")
print "Hello, World!"
kepeken
[o ante | o ante e toki ilo]musi Opo en musi Kewimo (toki Inli: Garry's Mod) en musi ante mute la toki ilo Luwa li lawa lili e musi. lipu Wikipesija en lipu Wiki ante la toki Luwa li suli.
tan sona
[o ante | o ante e toki ilo]- ↑ jan Roberto Ierusalimschy en jan Luiz Henrique de Figueiredo en jan Waldemar Celes Filho. lipu "Lua—An Extensible Extension Language".
- ↑ jan Roberto Ierusalimschy en jan Luiz Henrique Figueiredo en jan Waldemar Celes Filho (2007). "2–1–2–26". lipu "The evolution of Lua".
- ↑ lipu "The evolution of an extension language: a history of Lua". 2008-12-18.
- ↑ "1". lipu "Programming in Lua".
