Poskolonialismo
| Supkategoria di | normative science  |
|---|---|
| Parti di | Post-structuralism |
| Significant person | Frantz Fanon, Edward Said, Gayatri Chakravorty Spivak, Homi K. Bhabha, Dipesh Chakrabarty |
| Foundational text | Orientalism, The Wretched of the Earth |
| Influencia pa | Michel Foucault |
Poskolonialismo òf teoria poskolonial ta un movementu denter di humanidat, literatura i siensia polítiko ku ta trata e konsekuensianan kultural i humanitario di kolonialismo i imperialismo. Esaki ta kritiká konseptonan kolonial manera e términonan wèst/ost i ta argumentá pa nan remplaso pa un sistema di diferensia i diversidat kultural. Den e sentido aki, poskolonialismo ta estrechamente relashoná ku posstrukturalismo i filosofia posmoderno.
E konsepto no nesesariamente ta konta pa tur poder kolonial di siglo diesnuebe i binti. Esaki generalmente no ta konta pa Rusia, Turkia, Hapon, China i Haiti. E ta enfoká prinsipalmente riba e pasado kolonialista i e ‘dekolonisashon kultural’ di paisnan di Oropa Oksidental.
Den literatura, poskolonialismo ta wòrdu ekspresá dor di ‘skirbi bèk’ na e gobernantenan kolonial (usando un término di Salman Rushdie): skirbiendo un literatura i historia propio, hopi biaha den e idioma di e kolonisadó.
E disiplina a kuminsá surgi den añanan 1960, ora ku eruditonan di paisnan antes kolonisá a kuminsá publiká riba e efektonan persistente di kolonialismo, desaroyando un analisis di teoria krítiko di historia, kultura, literatura i e diskurso di poder imperial (komunmente oropeo). Pensadónan poskolonial importante ta inkluí Frantz Fanon (Antias Franses), Edward Said (Palestina), Homi Bhabha i Gayatri Spivak (India) i Ngũgĩ wa Thiong’o (Kenia). Anton de Kom (Sürnam) por wòrdu mira komo un eskritor poskolonial "avant la lettre".
