Amersfoort
| Amersfoort | |||
| by | |||
 | |||
|
|||
| Land |  Nederland | ||
|---|---|---|---|
| Provins | Utrecht | ||
| Areal | 63,86 km² | ||
| Folketal | 157 462 (1. januar 2021)[1] | ||
 Amersfoort 52°09′N 5°23′E / 52.15°N 5.38°E | |||
 Kart som viser Amersfoort.
| |||
| Wikimedia Commons: Amersfoort | |||
Amersfoort er ein kommune og by i Nederland i provinsen Utrecht. Med om lag 160 000 innbyggjarar er han den nest største kommunen i provinsen.
Historie
[endre | endre wikiteksten]Det er funne busetnader rundt Amersfoort som går tilbake til rundt 1000 f.Kr., men namnet Amersfoort (kall opp etter ein vadestad over elva Amer, som i dag heiter Eem) dukka først opp på 1000-talet. Han fekk byrettar i 1259 av biskopen av Utrecht Hendrik van Vianden. Det vart bygd bymurar rundt år 1300, men byen voks raskt og alt i 1380 måtte bymurane utvidast, og desse stod ferdig rundt 1450. Porten Koppelpoort er ein del av denne muren.
Onze-Lieve-Vrouwentoren (Vår Frue sitt tårn) er eit av dei høgaste kyrkjetårna i Nederland med ei høgd på 98 meter. Bygginga av tårnet og kyrkja byrja i 1444. Kyrkja vart øydelagd i ein eksplosjon i 1787, men tårnet overlevde.
Den indre byen av Amersfoort har vorte godt bevart sidan mellomalderen, og bortsett frå Onze-Lieve-Vrouwetoren er dei største attraksjonane kyrkja Sint-Joris, Koppelpoort og Muurhuizen (Murhusa), som vart bygd langs den eldste bymuren.
I mellomalderen var Amersfoort eit viktig senter for tekstilindustri og det var mange bryggeri i byen. På 1700-talet blømde byen på grunn av dyrking av tobakk.
Under den andre verdskrigen låg det ein konsentrasjonsleir nær byen Amersfoort.
Kjelder
[endre | endre wikiteksten]- ↑ «Kerncijfers wijken en buurten 2021». Centraal Bureau voor de Statistiek. 6. august 2021.
- Denne artikkelen bygger på «Amersfoort» frå Wikipedia på engelsk, den 17. februar 2008.
