Liguria Bakery
ZE |
Sta pagina a l'é scrita in zeneise, segondo a grafia unitäia |
Liguria Bakery o l'é un forno do quartê de North Beach à San Francisco, in Califòrnia, ch'o vende solo che fugassa[1][2][3][4]. O forno o s'attreuva a-o numero 1700 de Stockton Street, in sciô canto de Filbert Street, davanti a-o parco de Washington Square[1][2][4].
Stöia
[modìfica | modìfica wikitèsto]O forno o l'é stæto fondou do 1911 da-o Ambrogio Soracco[2], con l'aggiutto di seu doî fræ Giovanni e Giuseppe, inte un pòsto donde primma gh'ea unna gexa. O Soracco o l'ea emigrou à San Francisco do 1907 da Ciavai. Dòppo avei travaggiou inte un atro forno de San Francisco, o l'à fæto vegnî i seu fræ e insemme an inandiou o seu forno[5]. A-a mòrte do Ambrogio Soracco do 1938, i seu fræ an venduo e seu quöte do forno. A moggê do Ambrogio, a Mary, co-i seu neuvi sòçi, a l'à portou avanti l'attivitæ con di fornæ piggiæ à travaggiâ pe eutt'anni, fin à quande seu figgio George Soracco o l'é stæto grande abasta pe fâ o fornâ lê ascì; do 2000 a famiggia Soracco a l'aiva accattou torna e atre doe quöte[5]. O forno o l'é ancon ancheu manezzou da-a tersa generaçion da famiggia Soracco[2], e o l'é tra e dite ciù vege de North Beach[5].
Da prinçipio o forno o fava tutte e qualitæ de pan; do 1950, pe caxon da fòrte concorrensa di forni ciù gròsci pe-e atre qualitæ de pan, o l'à comensou à speçializzâse inta fugassa. Da-o 1984 o produxe solo che a fugassa, ch'o vende a-e buteghe e a-i restoranti da zöna e, inta seu butega, a-e casañe ascì[5].
Nòtte
[modìfica | modìfica wikitèsto]- 1 2 (EN) Josh Quittner, San Francisco: Finding the Perfect Souvenir – Liguria Bakery, in Time, Time Magazine.
- 1 2 3 4 (EN) Carl Nolte, Liguria Bakery in North Beach makes focaccia, in sce San Francisco Chronicle, 12 de zugno do 2011. URL consultòu o 25 lùggio 2026.
- ↑ (EN) Jonathan Kauffman, SFoodie's 50 Favorites: Liguria Bakery's Pizza Focaccia, in sce SF Weekly, 9 de mazzo do 2012. URL consultòu o 25 lùggio 2026 (archiviòu da l'url òriginâle o 1º novénbre 2013).
- 1 2 (EN) Denise Clifton, Dining on history in San Francisco: A handful of almost century-old restaurants in San Francisco are a culinary testament to the city's rich past, in sce Seattle Times, 25 de frevâ do 2012. URL consultòu o 25 lùggio 2026.
- 1 2 3 4 (EN, IT) Gianrico Claudio Pierucci, Focaccia at its best (PDF), in The Heart of North Beach: La Storia della Colonia Italiana e San Francisco e La Nacita del San Francisco Italian Athletic Club, SFIAC Press, 2008, pp. 28–29 (archiviòu da l'url òriginâle o 31 òtôbre 2013).
