Wicklow
| Wicklow Cill Mhantáin | ||
 | ||
| Symboal | ||
 | ||
| Bestjoer | ||
| Lân |  Ierlân | |
| Provinsje | Leinster | |
| Greefskip | Wicklow | |
| Sifers | ||
| Ynwennertal | 12.957 (2022)[1] | |
| Oerflak | 6,7 km² | |
| Befolkingsticht. | 1.942 ynw./km² | |
| Hichte | 10 m | |
| Oar | ||
| Netnûmer | +353 (0)404 | |
| Koördinaten | 52.9779 N 6.033 W | |
| Offisjele webside | ||
| www.wicklow.ie | ||
| Kaart | ||
  | ||
Wicklow (Iersk: Cill Mhantáin) is de haadstêd fan it Ierske greefskip Wicklow. It plak leit oan 'e eastkust fan Ierlân en hat sa'n 13.000 ynwenners.
Sûnt de jierren 1990 hat de bloeiende Ierske ekonomy ek yn Wicklow foar grutte feroaringen soarge. Yn it súdeasten binne in soad nije wenwiken oanlein. De bouaktiviteiten fine no mear plak nei it noardwesten yn 'e rjochting fan it oanbuorjende Rathnew. Dublin leit net fier ôf en Wicklow is in populêr wenplak woarn foar minsken dy't wurkje yn 'e haadstêd.
Skiednis
[bewurkje seksje | boarne bewurkje]Neffens de oerlevering wie de hillige Mantán ien fan 'e folgelingen fan Sint-Patrik en stifte er yn dizze omkriten in tsjerke. In bekende tradysje seit dat Mantán in hillige wie dy't in tosk kwytrekke of syn tosken ferlear. Dêrom wurdt de namme 'Cill Mhantáin' soms ferklearre as “tsjerke fan 'e toskleaze man”.
Argeologysk ûndersyk hat útwiisd dat der al om 900 f.Kr. bewenners wiene yn 'e omkriten fan Wicklow. Neffens de Grykske kartograaf Ptolemaeus waard it gebiet om 130 n.Kr. hinne bewenne troch de Keltyske stamme de Cauci. De namme 'Wicklow' stammet lykwols út de tiid fan 'e Wytsingen, dy't yn 'e 9e iuw in basis stiften by de natuerlike haven fan it plak.
Nei de Normandyske ynvaazje waard de stêd oerdroegen oan Maurice FitzGerald, dy't it 'Black Castle' bouwe liet, dêr't hjoed-de-dei ruïneresten fan bewarre bleaun binne. Yn 1641 waard it kastiel koart ynnommen troch lokale clans, mar nei de komst fan Ingelske troepen ûnder lieding fan Sir Charles Coote waard de stêd swier troffen. In bluodderige wraakaksje fan Coote soe neffens de lokale oerlevering plakfûn hawwe yn wat no 'Melancholy Lane' hjit.
It âldste bouwurk yn 'e stêd is de ruïne fan it Fransiskanerkleaster (stifte yn 1252). Oare histoaryske gebouwen binne it stedhûs (1690) en de finzenis (1702), dy't no as besikerssintrum tsjinnet. Ek hat de stêd monuminten dy't wichtige persoanen betinke, lykas Billy Byrne, in lieder fan 'e reboelje fan 1798, en kaptein Robert Halpin, kommandant fan it skip dat de telegrafyske seekabel oanlei.
Berne yn Wicklow
[bewurkje seksje | boarne bewurkje]- John Kirwan (8 febrewaris 1878), fuotballer
| Boarnen, noaten en/as referinsjes: | ||
|
