Ronald McDonald
| Ronald McDonald | |
|---|---|
_(cropped).jpg) | |
| maskoto fikcia homo  | |
| Kreita de | Terry Teene |
| Verko | The Wacky Adventures of Ronald McDonald |
| Rolita de | Jack Doepke |
| Informoj | |
| Originala nomo | Ronald McDonald |
| Sekso | vira |
| Okupo | klaŭno |
Ronald McDonald estas reklama figuro kaj la oficiala maskoto de la rapidmanĝeja kompanio McDonald's, en la formo de klaŭno. Li ankaŭ estas la patrono de McDonald's Children's Aid.[1] Inter usonaj infanoj, la reklama figuro estas dua nur post Patro Kristnasko laŭ rekono, kaj la usona revuo Advertising Age priskribis Ronald McDonald kiel la duan plej sukcesan reklaman simbolon de la 20-a jarcento post la Marlboro-ulo Ronald McDonald nun estas konata tutmonde, kvankam en landoj ekster Usono kaj Eŭropo, li ne ĉiam estas perceptita pozitive. Eĉ en Usono mem, la klaŭno spertis malkreskon de populareco kelkfoje.
Li estas rolulo en la fikcia universo de McDonald's, McDonaldland. Laŭ la oficiala vivrakonto pri li li vivas tie kune kun siaj amikoj Urbestro McCheese, la Hamburglar, Grimace, Birdie, la Matenbirdo, kaj la Fry Children.
Kiel maskoto, li estas uzata en televida reklamado, en la restoracioj de la ĉeno, ĉe diversaj eventoj kaj en bonfaraj kampanjoj. Ekde aŭgusto 2003, Ronald McDonald estas oficiale proklamita " Ĉefa Feliĉoficiro " de la Korporacio McDonald's.
Multaj homoj laboras plentempe aperante kiel Ronald, vizitante infanojn en hospitaloj, kaj partoprenante regulajn eventojn.[2] Ĉe la kulmino de la kariero de la rolulo, eble estis ĝis 300 plentempaj Ronald McDonald-membroj en la restoracioj de McDonald. Ekzistas ankaŭ Domoj de Ronald McDonald, kie gepatroj povas tranokti kun siaj malsanaj infanoj en proksimaj prizorgaj instalaĵoj por kronikaj malsanoj.
Referencoj
[redakti | redakti fonton]- ↑ Bellomo, Mark, "A Brief History of McDonaldland and the Toys (and Lawsuit) It Spawned", 2016-10-04.
- ↑ "It's the worst time in history to be a clown. They just want you to love them again.", 30 March 2018.
