Reims

Premioj
	• Militkruco 1939-1945 vd

Ĝemelurboj
	Nagoja Urbo (2018–); Kutná Hora (2008–); kantono Arlington (2004–); Aachen (1967–); Salcburgo (1964–); Canterbury (1962–); Brazavilo (1961–); Florenco (1954–) vd

Reims
komunumo
fotokunmetaĵo fotokunmetaĵo
komunumo en Francio ; urbego vd
Flago	Blazono
Administrado
Regiono	Grand Est (Granda Oriento)
Departemento	Marne
Arondismento	Reims
Kantono	Kantonoj Reims-1, -2, -3, -4, -5, -6, -7, -8 kaj -9
Ĝemelurboj
	Nagoja Urbo (2018–); Kutná Hora (2008–); kantono Arlington (2004–); Aachen (1967–); Salcburgo (1964–); Canterbury (1962–); Brazavilo (1961–); Florenco (1954–) vd
INSEE kodo	51454 [+]
Poŝtkodo	51100
En TTT	Oficiala retejo [+]
Urbestro	Arnaud Robinet
Demografio
Loĝantaro	177 674 (2023) [+]
Loĝdenso	3 788 loĝ./km²
Geografio
Geografia situo	49° 16′ N, 4° 2′ O (mapo)49.2652777777784.0286111111111Koordinatoj: 49° 16′ N, 4° 2′ O (mapo) [+]
Alto	93 m [+]
Areo	46,9 km² (4 690 ha) [+]
	Reims (Marne)
	Situo de Reims
	Reims (Francio)
	Situo de Reims
Alia projekto
	Vikimedia Komunejo Reims [+]
Premioj
	• Militkruco 1939-1945 vd
	v • d • r

Por samtitola artikolo vidu la paĝon Reims (stacidomo).

Reims [ʁɛ̃s] estas urbo en nordorienta Francio. Laŭ la stato de 2023 en la komunumo vivis 177 674 loĝantoj sur areo de 46,9 kvadrataj kilometroj, kio rezultigas loĝdenson de 3 788 loĝantoj/km² - en 2010 ĝi havis 179 992 loĝantojn.^[1] Pro tio ĝi estas la plej loĝata komunumo en la departemento Marne kaj la regiono Grand Est, kvankam ĝi nur estas subprefektejo.

Reims dum romia tempo estis Durocortorum, sed antaŭe estis ĉefurbo de la galla popolo Rèmes. Ĝi estis la ĉefurbo de la historia provinco de Ĉampanjo, kaj ankaŭ la precipa centro de Ĉampano-keloj. Tie estis kronitaj la reĝoj de Francio, post kiam Klodvigo la 1-a igis sin kristano kaj igis sin kroni per Sankta Remiĝo ĉirkaŭ la jaro 500 (laŭ iuj en 498/499, laŭ aliaj en 507).

Reims posedas tri lokojn apartenantajn al la monda heredaĵo de Unesko: katedralon, la bazilikon Sankta Remio kaj la palacon de Tau^[2].

Geografio

Reims situas en nordorienta Francio, 130 km de Parizo, 157 km de Metz, 168 km de Lille kaj 282 km de Strasburgo.

Ĉirkaŭ **Reims**
Saint-Thierry	Courcy, Bétheny	Witry-lès-Reims
Saint-Brice-Courcelles, Tinqueux		Cernay-lès-Reims
Bezannes, Villers-aux-Nœuds	Champfleury, Trois-Puits, Cormontreuil	Taissy, Saint-Léonard, Puisieulx

Monumentoj

Katedralo Nia Sinjorino

Ĉefa vidindaĵo de Reims estas ĝia katedralo, unu el la plej belaj gotikaj konstruaĵoj. En ĝi la reĝoj de Francio kutime estis kronitaj.

Ĝi estas parto de la Monda Kulturheredaĵo de UNESKO^[2] kaj tutmonde fama pro siaj eleganteco kaj harmonieco. Rimarkindaj estas ankaŭ ĝia statuaro kaj ĝiaj vitraloj, precipe la granda rozo.

Baziliko Sankta Remio

Post la katedralo, kiun ĝi preskaŭ egalas laŭ grando, la plej fama preĝejo de Reims estas la baziliko Sankta Remio, dum iu tempo ligita al grava monaĥejo. Ĝi estis konstruita dum la 11-a, 12-a, 13-a kaj 15-a jarcentoj. La navo kaj la ĉefa transepto estas la plej malnovaj partoj; la fasado de la suda transepto estas pli nova.

La Marsa Pordego

La Marsa Pordego estas la plej malnova monumento de la urbo. Ĝia nomo devenas de la romia dio Marso, kiu proksime havis templon. Ĝi ne vere estas pordego, sed triumfarko 33 metrojn longa kaj 13 metrojn alta, konsistanta el tri arkoj.