Usedom
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Usedom | |
|---|---|
 Usedom. | |
| Localizazión | |
| Estau | Alemanya / Polonia |
| Mar | Baltica |
| Cheografía | |
| Superficie | 445 km² |
| Punto más alto | 69 (Golm) |
| Demografía | |
| Capital | Świnoujście |
| Población | 76.500 habitants |
| Densidat | 172 hab./km² |
| Mapa | |
 | |
Usedom (en polaco Uznam) ye una isla que se troba frent a la costa de Pomerania Occidental en a Mar Baltica y ye trestallada entre Alemanya y Polonia.
Clima
[editar | modificar o codigo]Con un promeyo anyal de 1906 horas de sol, Usedom ye a rechión mas soleyada d'Alemanya y Polonia, y tamién ye una d'as islas mas soleyadas d'a Mar Baltica, d'astí a suya embotada de "Isla d'o Sol" (en alemán: Sonneninsel, en polaco: Wyspa Słońca).
Etimolochía
[editar | modificar o codigo]A isla prene o suyo nombre d'a ciudat d'Usedom. O nombre "Uznoimia civitas" estio atestiguau por primera vegada enta 1125 por o bispe Otto von Bamberg, que yera evanchelizando astí. Talment Uznoimia se basa en a palabra eslava "znoj" (fulyir arredol). O nombre cambió enta Uznoimi, Uznoim (1175), Uznam, Uznom, Uzdem y finalment enta Usedum en 1420.[1] A etimolochía popular ofreix a explicación d'o nombre en a exclamación "O so dumm!" (en aragonés: Oh, qué fato!).[2] Seguntes una leyenda antiga narrada por os habitants, Usedom debe o suyo nombre a las reunions que s'heban organizau pa trobar un nombre en a isla. Como que as discusions se prolargaban y se feban eternas, y no se plegaba a garra alcuerdo, se decidió finalment adoptar o primer nombre que estase proposau. Estió alavez que un d'os asistents deixó escapar: "O so dumm!". Sin dubda quereba continar a suya frase con una propuesta de nombre, pero ya estió masiau tarde. A isla estió nombrada "O so dumm!", que se transformó a lo largo d'o tiempo a Usedom.
Personalidaz naixitas d'Usedom
[editar | modificar o codigo]- Elsa von Corswant (1875–1957), pintora.
Se veiga tamién
[editar | modificar o codigo]Referencias
[editar | modificar o codigo]- ↑ (de) Ernst Eichler und Werner Mühlmer: Die Namen der Städte in Mecklenburg-Vorpommern. Ingo Koch Verlag, Rostock 2002, ISBN 3-935319-23-1
- ↑ (de) Jodocus Donatus Hubertus Temme:Die Volkssagen von Pommern und Rügen, Nicolaische Buchhandlung, 1840, p.171
