BBC News, Кыргыз КызMATы - Башталгыч бет
Башкы кабарлар
"Кытай - Кыргызстан - Өзбекстан" темир жолун курууда эки жүздөн ашуун турак-жай бузулат
"Кытай - Кыргызстан - Өзбекстан" темир жолун куруунун алкагында 214 турак-жай бузулат. Бул тууралуу 18-майда, Жогорку Кеңештин Өнөр-жай саясаты, транспорт, отун-энергетикалык комплекс, архитектура жана курулуш комитетинин жыйынында транспорт жана коммуникациялар министринин орун басары Алмаз Тургунбаев билдирди.
Камчыбек Ташиев баштаган сегиз адамдын иши боюнча сот башталды
Улуттук коопсуздук боюнча мамлекеттик комитеттин мурдагы төрагасы Камчыбек Ташиев баштаган сегиз адамдын иши Биринчи май райондук сотунда карала башталды. 18-майда башталган сот жараяны жабык өтүп жатат.
Мандат чыры: Жогорку Сот экс-депутат Өмүрбек Бакировду актады
Жогорку Сот 18-майда экс-депутат Өмүрбек Бакировго карата чыккан Ноокат райондук сотунун 2023-жылдын 26-декабрындагы жана Ош облустук сотунун 2024-жылдын 7-мартындагы өкүмдөрүн жокко чыгарды. Буга анын аракетинде кылмыштын курамы жок экени негиз болгон.
Кыргызстан Жетим-Тоо кенин иштетүү үчүн инвестор караштырууда
Кыргызстандагы эң ири жаратылыш байлыктарынын бири болгон Жетим-Тоо темир кенин иштетүү боюнча инвестор кароо иштери жүрүп жатат. Бул тууралуу Жогорку Кеңештин Агрардык саясат, суу ресурстары, жер казынасын пайдалануу жана айлана-чөйрөнү коргоо комитетинин жыйынында айтылды.
Москвага жасалган эң ири чабуул тууралуу эмне белгилүү?
Москва аймагы дагы бир жолу Украинанын эң ири дрон чабуулуна кабылганын борбор калаанын жана Москва облусунун бийлиги билдирди. Москвадагы мунайды кайра иштетүүчү заводго дрон тийип, нөөмөтөгү кызматкерлер жаракат алышты. Зеленоград шаары да чабуулга кабылып, Москванын жанындагы түндүк райондорго да сокку урулду. Чабуулдан улам Москва облусунун үч тургуну каза болуп, Москва аймагында жалпысынан 17 адам жаракат алды.
Күндүн видеосу
Би-Би-Синин WhatsApp каналына катталыңыз
Биздин каналдан дүйнөдөгү жана Кыргызстандагы күндүн башкы жаңылыктарын жана Би-Би-Синин эксклюзивдүү баяндарын биринчилерден болуп окуңуз
Редактордун тандоосу
ДСУ Африкадагы Эбола эпидемиясын эл аралык маанидеги өзгөчө кырдаал деп жарыялады
Дүйнөлүк саламаттыкты сактоо уюму жекшемби күнү Конго Демократиялык Республикасында жана Угандада кулачын жайып жаткан Эбола ысытмасын коңшу өлкөлөргө коркунуч туудурган "эл аралык маанидеги коомдук саламаттыкты сактоо жаатындагы өзгөчө кырдаал" деп атады.
Токмокто ишкерлерден акча өндүрүп келген коррупциялык схема ачыкталды
Токмок шаарынын ишкерлеринен системалуу түрдө ири өлчөмдөгү акча каражаттарын опузалап келген мыйзамсыз схема аныкталды. Бул тууралуу УКМКнын басма сөз кызматы билдирди.
Президент Жапаров дүйнө лидерлерине кайрылды
Президент Садыр Жапаров дүйнө мамлекеттеринин башчыларына кайрылып, алдыда Бириккен Улуттар Уюмунун Коопсуздук кеңешинин туруктуу эмес мүчөлөрүн шайлоодо Кыргызстандын талапкерлигин колдоого чакырды. 3-июнда БУУда Коопсуздук кеңешинин 5 туруктуу эмес мүчөсү шайланат. Азия-Тынч океан аймагынан кеңештеги бир орун үчүн Кыргызстан менен Филиппин ат салышууда.
Абактагы сүйлөшүү боюнча ЖАМК реакция жасады
Кайтаруу жана конвой менен коштоо департаментинде тергөө иш-чаралары учурунда кызматтык тартип талаптарынын бузулушу фактысы боюнча кызматтык иликтөө жүргүзүлүүдө. Бул тууралуу Жаза аткаруу мамлекеттик кызматы кабарлады.
Кашка-Суудагы беш өмүрдү алган жол кырсыгы: келин үч баласы менен каза тапты
Беш адамдын өмүрүн жол кырсыгы 14-май күнү кечке маал Чүйдүн Кашка-Суу айылында болгон. Андан 29 жаштагы Сезим Сапарбекова жана анын 2, 4, 6 жаштагы балдары, 14 жаштагы сиңдиси мүрт кеткен. Күбөлөрдүн айтымында, конокко келген келинди үч баласы жана сиңдиси менен кошо катуу ылдамдыкта келе жаткан унаа сүзүп кеткен.
Африкада Эболанын жаңы очогу катталды, Конгодо 65 киши өлдү
Африкадагы Саламаттык сактоо боюнча башкы агенттик Конго Демократиялык Республикасынын чыгышында Эбола вирусунун жаңы очогу катталганын билдирди. Өлкө бийлиги азырынча расмий маалымат бере элек.
Би-Би-Си ТВ жаңылыктары
Би-Би-Си Кыргыз кызматынын эл аралык жаңылыктарын көрүңүз.
