2026年5月湖南浏阳烟花厂爆炸事故

2026年湖南浏阳烟花厂爆炸事故

爆炸事发后在现场救灾的消防员
日期	2026年5月4号
辰光	16点43分左右
地点	中华人民共和国湖南省长沙市浏阳市官渡镇华盛烟花制造燃放有限公司
坐标	28°21′1″N 113°56′18″E
种类	烟花爆竹生产企业爆炸事故
起因	调查中
死脱	至少37人
受伤	61人

2026年5月4号16点43分左右，中国湖南省长沙市浏阳市官渡镇一爿烟火炮仗生产企业个车间里向发生爆炸。到2026年5月8号中浪向，事故已造成至少37人死脱、61人受伤、1人失联，公安机关对相关企业负责人采取控制措施。

背景

浏阳是中国重要个烟火炮仗生产基地，浏阳花炮世界出名，事故发生地官渡镇就勒垃浏阳市。事故发生个公司是浏阳市华盛烟花制造燃放有限公司，爆炸发生个地方是箇公司个车间。公开报道显示，烟花爆竹生产有关黑火药等危险化学品。事发两隻号头前，浏阳市卫生健康局评定伊是绿牌企业（环保诚信企业）。必过发生事体个公司2021年开始到2026年拢总畀政府执法检查过廿几埭，里向18趟结果“有隐患”，还因为拿氧化剂搭仔还原剂混勒一道摆畀罚仔1.5万元。箇趟事故发生仔么，事发厂区两座黑火药仓库成为高危风险点，周围1公里划成核心救援区，3公里划成管控区，里向个老百姓通通临时转移出去。

救援

爆炸当天夜里向还勒垃烧个厂房。

2026年5月4号16点43分左右，浏阳市官渡镇华盛烟花制造燃放有限公司爆炸到5月4号19点钟，事故已造成3人死脱、25人受伤，里向2人重伤。事故发生仔么，湖南立时三刻启动应急预案，成立现场救援指挥部，派5支救援队伍482人到现场救人、排查风险，调集全省专业医疗力量救伤员。应急管理部派出专家到现场指导抢险救援。

5月5号凌晨，事故核心现场多栋建筑坏脱，部分建筑物还着勒，现场有浓烟。当天8点钟，经过第一轮調查，伤亡数字升到21人死亡、61人受伤。当天中浪向，死亡人数再升到26人。公安机关对相关企业负责人采取控制措施。

救援过程里向，事发厂区还有二次事故风险。现场救援指挥部拿事发厂区两座黑火药仓库设定成高危风险点，周围1公里划成核心救援区，3公里划成管控区，里向个老百姓通通临时转移出去。救援人员设置隔离带、防火带，通过喷淋、加湿等方法进行灭火咯防火，救援机器人帮人一道进行拉网式救援。

5月8号，经过反复核对，死亡人数更新到37人，还有1個人失联。

调查

5月5号，公安机关对涉事企业负责人采取控制措施。

政府成立国务院事故调查组，应急管理部部长张成中担任调查组组长。5月7号，最高人民检察院宣佈决定对事故挂牌督办。