Firefox

Zie ôofdartikel voe d'n webbrowser: Firefox

Zie ôofdartikel vo d'n webbrowser uut de joarn 90 ountwikkeld an d'n Universiteit van Chicago: Phoenix

Firefox
Logo in gebruuk sinds oktober 2019
Firefox 145.0 (64-bit) droaiend ip 't OpenSUSE besturiengssysteem
Ountwikkeld deur	Mozilla Foundation en neur bydroagers Mozilla Corporation
Uutebracht up	9 november 2004
Programmeertoale	C++, JavaScript, HTML, C, Rust, en andren
Besturiengssysteem	Linux macOS Catalina of loater Windows 10 of loater Windows Server 2016 of loater Android Oreo of loater iOS 15 of loater iPadOS 15 of loater
Meegeleverd mè	Verschillige Unix-achtige besturiengssystemn
Engines	Gecko, Quantum, en SpiderMonkey; WebKit ip iOS/iPadOS
Antal toaln	97
Genre	Webbrowser
Licensie	MPL 2.0
Website	firefox.com

Mozilla Firefox is e vryen en open-source webbrowser ountwikkeld deur de Mozilla Foundation en nunder dochterbedryf, d'n Mozilla Corporation. J' gebruukt de Gecko rendering-engine om webpagina's te toogn, wuk da d'n uudige en te verwachtn webstandoardn implementeert. De software is beschikboar voe Windows, macOS, en Linux-systeêmn, met onoffysjele ports voe andren platformn, asôok e mobiele versie vôo Android (zie Firefox for Android) en iOS.

Firefox is d'n geestelikken upvolger van Netscape Navigator, oemda de Mozilla-gemeenschap in 1998 ipgericht wos deur Netscape, idder dan de overnoame van Netscape deur AOL. Firefox is in 2002 e-makt ounder d'n codenoame "Phoenix" deur leedn van d'n Mozilla-gemeenschap die ne zèlfstandigen browser wouden in de plekke van e bundel lik by de Mozilla Application Suite. Binst de bètafaze blêek dat 'n styf populair wos by de testers e krêeg t'n complimentn vôo ze snelheid, veiligheid en d' uutbreidingsmeugelikheedn in vergelykienge me Microsoft's tonmoalig dominante Internet Explorer 6. J'is uutgebrocht up 9 november 2004, en gieënk d'n uutdoagienk an me d'n dominantie van Internet Explorer med e goeie 60 miljoen downloads in d'n êeste neegn moanden. In november 2017 begoste Firefox mè d'n invoerienge van nieuwe technologie ounder d'n codenoame "Quantum" oem d'n parallelliteit an te dryvn en e mêer intuïtieven gebruukersinterface t' èìn.

D' uudige versie van Firefox is beschikboar vô Windows 10 of recêntere versies van Windows, moar oôk vůo macOS en Linux. Zijn onoffysjeêle poortn zyn beschikboar vô verschillige Unix- en Unix-achtige besturiengssysteêmn, woarounder FreeBSD, OpenBSD, NetBSD, e nog een oop and're besturiengssysteêmn lik ReactOS. 't is de standoard, vôorgeïnstalleerd'n browser ip Debian, Ubuntu, en sommigste andren Linux distros. Firefox bestoat bûtendien ôok in e versie vô Android en iOS. Moa zjust lik oalle de reste van de webbrowsers ip iOS is de iOS-versie verplicht vô 't WebKit-systeim (layout engine) the gebruukn i de plekke va Gecko deure d' eîsen va 't platvorm zelve. D'r bestound vroeger e versie dié specioal ofgesteld wos up d'n Amazon Fire TV lik één van de twee boasisbrowsers t'ope mè d'n Silk Browser van Amazon toet an d'n dreitigsten april in 2021 oende Firefox d'r aofgesmeêtn wierd vôor da platvorm.

't Gebruuksandieël van Firefox klom omôge na de peike mè 32,21% in november 2009, mèi Firefox 3.5 diè der by Internet Explorer 7 ofvloôg moa nief oaln versies va Internet Explorer bie eén; loater duukelde t' gebruuk van Firefox iêrde deur d'n striêd mè Google Chrome. Vanaof februoari 2025, volgnst StatCounter, at' t 6,36% van't marktoandiêl in n'anden bî pc's ('t es t' zeggn, lik desktopbrowser), wa dat makt da Firefox d'n virdn-mieëst populaire pc-browser zò zin na Google Chrome (65%), Microsoft Edge (14%), en Safari (8,65%).

Functies

Zie ôofdartikel: Lyste van Firefox-functies

Functies van de desktopversie zyn ounder mêer surfen mè tabbloarn (tabbed browsing), vulschermweirgave, spelliengcontrole, incrementeel zoekn, slimme bladwyzers, 't moakn van bladwyzers en downloadn via slepe-en-losloatn (drag and drop), nen downloadmanager, 't behêer va gebruukersprofieln, privé browsn, bladwyzer-tags, 't exporteern van bladwyzers, oflyne-mode, e tool vôo schermafbeeldiengn (screenshots), webountwikkelingstools, e "pagina-informoatie"-founctie die e lyste toogt van pagina-metadoata en multimedia-elementn, e configuroatiemenu up about:config vôo g'avanceerde gebruukers (power users), en lokoatie-bewust surfn (ôok gekend lik "geolocoatie") gebaseerd ip e dienst van Google. Firefox èit een geïntegreerd zoeksysteim da standoard Google gebruukt in de mêeste marktn, moa je kut mêerdere zoekmachines kiezn uut e keuzelyste by 't zoekn (of eign zoekmachines toevoegn) en de standoard is makkelik an te passn. DNS over HTTPS is nog e founctie woavan da 't standoardgedrag geografisch bepoald wudt.

Firefox biedt een omgevienge vôo webountwikkeloars woarin dan ze ingebouwde tools kunn'n gebruukn, lik d' Error Console of d'n DOM Inspector, en extensies, lik Firebug en mêer recent was 't er een integratie-founctie mè Pocket. Firefox Hello wos een implementoatie van WebRTC, toegevoegd in oktober 2014, wuk da d'n gebruukers van Firefox en andre compoatibele systeimn de meugelikheid gaf oem the videobelln, med d' extra founctie oem nunder scherm en bestandn the dêeln deur mekoar e link te stuurn. 't Wos gepland oem Firefox Hello in september 2016 weug t' oaln.

Vôrige founcties woarn ounder mêer een FTP-cliënt vô 't surfn ip bestandsservers, de meugelikheid om ofbeeldiengn van individuele domeinn the blokkeern (toet versie 72), e 3D-pagina-inspecteur (versies 11 toet 46), tabgroeperienge (toet versie 44), en de meugelikheid oem an'epaste extra werkbalkn toe te voegn (toet versie 28).

Browser-extensies

D'r kunn'n founcties wordn toegevoegd via add-ons (uutbreidiengn) gemakt deur ountwikkeloars van buutnaf. Add-ons wordn vôoral geprogrammeerd mè HTML, CSS, en JavaScript, via nen API die gekend stoat as WebExtensions, die ezo ountworpen is dat 'n compoatibel is mè d' extensiesysteemn van Google Chrome en Microsoft Edge. Vroeger oundersteunde Firefox add-ons die de XUL en XPCOM API's gebruukten, wuk dat under toeliet oem rechtstreeks by de mêeste interne founcties van d'n browser te kunn'n en die te manipuleern. Oemda compoatibiliteit nief in de multi-procesarchitectuur wos inbegreepn, zyn XUL add-ons anzien lik Legacy add-ons (oude uutbreidiengn) en zyn ze nief mêer oundersteund up Firefox 57 "Quantum" en nieuwer.

Mozilla eit af en toe extensies g'ïnstalleerd voe gebruukers zounder nunder toeloatienge. Da gebeurde in 2017 oen datter een extensie vo de tv-serie Mr. Robot te promootn in 't stillekes wierd toegevoegd by een update van Firefox.

Thema's

Je kut thema's toevoegn an Firefox, die gebruukers zelve kunn'n moakn of downloadn van derde partyen oem 't uutzicht van d'n browser an te passn. Firefox vôorziet zelve ôok dounkere, lichte, en systeimthema's.

Standoardn

't Resultoat van d' Acid3-test up Firefox 17

Firefox oundersteunt e masse webstandoardn, woarounder HTML, XML, XHTML, MathML, SVG 1.1 (hêlegansn), SVG 2 (gedêeltelik), CSS (mè extensies), ECMAScript (JavaScript), DOM, XSLT, XPath, en APNG (g'animeerde PNG) ofbeeldiengn med alpha-transparantie. Firefox implementeert ôok standoardvôorstelln gemakt deur de WHATWG lik d' opslag an de kant van d'n gebruuker, en 't canvas-element. Dizze standoardn wordn gerealiseerd via d'n Gecko-layoutengine, en de SpiderMonkey JavaScript-engine. Firefox 4 wos d' êeste uutgoave die e serieuze oundersteunienge vo HTML5 en CSS3 uutbrocht.

Firefox is gesloagd vôo de Acid2-test round standoardn vanaf versie 3.0. Mozilla aad ôorsprounkelik e-zeid dan ze nief van plan woarn om Firefox hêlegans the loatn sloagn vô de Acid3-test, oemdan ze voundn da 't dêel round de SVG-fonts verouderd en irrelevant wos e-kommn, oemda WOFF wierd anveird lik standoard deur aolle grôte browsermoakers. Oemda de testn vo SVG-fonts in september 2011 uut den Acid3-test wierdn g'oald, scoorde Firefox 4 en oôger 100 up 100.

Firefox makt ôok gebruuk van "Veilig Surfen" (Safe Browsing), e gesloten protocol (proprietary protocol) van Google da wudt gebruukt om doata uut te wisseln round beschermienge teegn phishing en malware.

Firefox oundersteunt 't ofspeeln van videocontent da beschermd is deure HTML5 Encrypted Media Extensions (EME), aol sinds versie 38. Vôo redens va veiligheid en privacy is EME g'ïmplementeerd binn'n e wrapper van open-source code die 't meugelik makt om e propriëtaire DRM-module uut te voern van Adobe Systems—Adobe Primetime Content Decryption Module (CDM). CDM droait binn'n e "sandbox"-omgevienge om d'n toegaank toet 't systeim te beperkn en 't e gerandomiseerd toestel-ID te geevn om te vôorkommn da dienstn 't toestel uniek kunn'n identificeern vô tracking. De DRM-module wudt, e ki dat 'n gedownload is, ip dezelste maniere in- en uuteschoakeld lik andre plug-ins. Sinds versie 47 wudt ôok "Google's Widevine CDM ip Windows en Mac OS X zodanig da streamingdienstn lyk Amazon Video kunn'n overstappn van Silverlight na geëncrypteerde HTML5-video" oundersteund. Mozilla verdedigde zyn soamenweirkienge met Adobe en Google deur te zeggn:

Firefox downloadt en activeert d' Adobe Primetime en Google Widevine CDM's standoard om gebruukers e vloeiende ervoarienge te geevn up sites die DRM verêisn. Elke CDM droait in een aparte container da we e sandbox noemn, en je goat e meldienge krygen wannièr dat er e CDM wudt gebruukt. Je kut evengoed elken CDM uutschoakeln en weigeren van toekoemstige updates te krygn.
— Bronne: Watch DRM content on Firefox

en da ditte "e belangryke stap is in de routekoarte van Mozilla om d' oundersteunienge voe NPAPI-plugins weug t' oalen." By d' invoerienge van de EME-oundersteunienge wierdn d'r ôok versies van Firefox vo Windows uutebrocht die d' oundersteuninge voe EME uutsluutn. De Free Software Foundation en Cory Doctorow veroordeeldn de beslissienge van Mozilla om EME t' oundersteunn.

Geschiedenisse

Zie ôok: Vroege geschiedenisse van Firefox, Geschiedenisse van Firefox-versies

't Project begost as een experimenteeln tak van 't Mozilla-project deur Dave Hyatt, Joe Hewitt, en Blake Ross. Ze peisdn da de commerciële eisn van Netscape zyn sponsorsjap en de feature creep (uutbreidiengsdrang) van d' ountwikkeloars 't nut van d'n Mozilla-browser in gevoar brochten. Oem te vechtn teegn wuk dan zynder anzoagn as de software bloat (opgebloazenheid) van de Mozilla Suite, èin ze ne zèlfstandigen browser e-makt, woamee dan ze wildn de Mozilla Suite vervangn. Versie 0.1, genaamd Phoenix, is uutebrocht ip 23 september 2002. Ip 3 april 2003 eit de Mozilla-organisoatie angekoundigd dan ze van plan woarn nunder focus te verleggn van de Mozilla Suite na Firefox en Thunderbird.

Noamsveranderiengn

Screenshot van Phoenix 0.1 ip Windows XP

't Firefox-project èit mêerdere noamsveranderiengn g'èd. D'n beginnendn browser noemdege ôorsprounkelik Phoenix, na d'n mythische veugel die triomfantelik uut d' assen van zyn dôo vôorganger uprees (in da gevol, uut d' "assen" van Netscape Navigator, achter dat 'n an de kant wierd e-schoven deur Microsoft Internet Explorer in d'n "Êeste Browserôorlog"). Phoenix is in 2003 van noame veranderd deur e claim up 't handelsmerk van Phoenix Technologies. De nieuwe noame, Firebird, lokte een intense reactie uut van 't Firebird database-softwareproject. De Mozilla Foundation stelde zynder gerust da d'n browser assan de noame Mozilla Firebird gienk droagn oem verwarrienge te vermyden. Achter nog mêer druk is Mozilla Firebird up 9 februoari 2004 uutendelik Mozilla Firefox e-kommn. Van de noame Firefox wudt gezeid dat 't is afgeleid van e bynoame vo d'n roste panda, die de mascotte kwam vo 't nieuw benoemde project. Vô d' ofkortienge van Firefox èit Mozilla 't liefst Fx of fx, oelôewel dat 't ôok dikwyls is afg'ekort lik FF of Ff.

Versies

't Firefox-project gienk deure e masse versies vôordat versie 1.0 d'r wos en 't aad a stief vele lof ekreegn van verschillige media, lik Forbes en The Wall Street Journal. Ounder d' populaire founcties van Firefox zattn d'n g'ïntegreerdn pop-up blocker, surfen mè tabbloarn, en een uutbreidiengssysteim oem mêer founcties toe te voegn. Oelôewel da die founcties a nen tyd beschikboar woarn in and're browsers lik d'n Mozilla Suite en Opera, wos Firefox d'n êestn van die browsers diè up zo'n kossen tyd grootschoalig in gebruuk wierd enoomn. Firefox trok d' anwezigoed an lik alternatief vô Internet Explorer, die zwoar ounder vier lag vôo 't vermeend slicht programmo-ountwerp en d' oenveiligheid—criticasters weezn up IE zyn gebrek an oundersteunienge vo bepoalde webstandoardn, 't gebruuk van 't meugelik gevoarlikke ActiveX-component, en de kwetsboarheid vo d' installoatie van spyware en malware. Microsoft reageerdege deur Windows XP Service Pack 2 uut te briengn, wuk dat e poar belangryke veiligheidsfouncties toevoegdege an Internet Explorer 6.

Versie 1.0 van Firefox wos uutgebrocht up 9 november 2004. Ditte wierd upgevolgd deur versie 1.5 in november 2005, versie 2.0 in oktober 2006, versie 3.0 in juni 2008, versie 3.5 in juni 2009, versie 3.6 in januoari 2010, en versie 4.0 in moarte 2011. Vanof versie 5 veranderdeg 't ountwikkelings- en uutgoavemodel in e "rap" systeim (rapid release); tegen 't ende van 2011 wos de stabiele uutgoave versie 9, en tegen 't ende van 2012 bereikte 't a versie 17.

Project Quantum

In 2016 kondigdege Mozilla e project an da gekend stoat lik Quantum, wuk da probeerdege om Firefox zyn Gecko-engine en and're componentn te verbetern vô de prestaties van d'n browser up te krikkn, zyn architectuur te moderniseern, en d'n browser te doen overstappn noa e multi-proces model. Die verbeeteriengn kwoamn achter da 't marktoandiêl an 't zakkn wos in 't vôordêel van Google Chrome, asôok uut zörgn da ze prestaties achterop hinktn in vergelykienge mei de reste. Oundanks zyn verbeeteriengn, zörgdn die veranderiengn d'r voorn da d' bestoande add-ons (uutbreidiengn) vo Firefox oencompoatibel wierdn gemakt med e nieuw're versies, in 't vôordêel van e nieuw extensie-systeim da zo ountworpen is da 't trekt ip Chrome en and're recente browsers. Firefox 57, uutebrocht in november 2017, wos d' êeste versie die verbeeteriengn van Quantum e-kreigen èit, en wierd dorumme Firefox Quantum genoemd. E vôorzitter van Mozilla verkloardege da Quantum de "grôotsten update" van d'n browser wos sinds versie 1.0. Pagina's die vastloopn of crashen èin nu allêne moar invloed ip and're pagina's die e-loadn zyn binn'n 't zèlfste proces. Binst da Chrome aparte processn gebruukt vôo ieder tabbloard, verdêelt Firefox d' tabbloarn standoard over viere processn (sinds Quantum), oem 't geheugngebruuk en de prestaties in balans t' ouden. 't Antal processn ku wordn an'epast, woarby da mêer processn de prestaties verôgen moa ten koste van 't geheugn, en doardeure is 't geschikter vôo computers mè e grôtere RAM-capaciteit.

Gastsesje

In 2013 voegdege Firefox for Android e gastsesje-mode toe, die d' internetdoata lik tabbloarn, cookies, en geschiedenisse weugdeed an 't ende van iedere gastsesje. D' doata van de gastsesje bleef bewoard oôk oen je d'n browser of 't toestel erupoestarttege, en wierd allêne moa gewist up 't moment da j' d'r manueel uutgienk. De founctie is in 2019 weug'eoald, na verlude oem "d' ervoarienge the stroomlynn".

And're

Ip 3 meie 2019 zörgdege 't verloopn van e tussntyds aandtekeniengscertificoat ip de Mozilla-servers d'rvoorn da Firefox otomatisch oalle browser-extensies (add-ons) uutschakeldege en blokkeerdege. Mozilla begoste doanoa zere mè d' uutrol van een uplossiengtje (fix), woby dan ze nunder Mozilla Studies component gebruukten.

D' oundersteunienge vô Adobe Flash wierd e-stopt up 6 januoari 2021, t'ope med d' uutgoave van Firefox 85.

Ip 1 juni 2021 wierd Firefox zyn 'Proton' herountwerp angeboon via 't stabiele uutgoavekanoal achter dat 't êest beschikboar wos in de bètaversies. Oelôewel da gebruukers in 't beginn'n de meugelikheid krêegn oem were the kêern na 't oede ountwerp via de about:config, wierd er e-zeid da de bybeôorende sleutel-weirde poarn stoppendeen mè weirk'n in loatere versies, wuk da weirelyddege na kritiek. Ditte wos ounder and're uut zörgn round toegankelikheid oundanks da Mozilla beweirde "fudre te goan weirk'n mè de toegankelikheidsgemeenschap" en 't wos in oktober 2024 nog oaltyd ni upgelost.

Ip 13 januoari 2022 zörgdege e probleem mè Firefox zyn HTTP/3 implementoatie vôo e grôotschoalige uutval die e poar uren deirdege.

Ip 26 september 2023 brochte Firefox 118.0 locoale vertoalienge van webpagina's (on-device translation) ip de mart. De vertoaliengsfounctie is gebouwd ip 't weirk van 't deur de d' Europeesche Unie gesponsorde Project Bergamot, woa da Mozilla an meegeweirkt èit.

Ip 23 januoari 2024, t'ope med d' uutgoave van Firefox 122.0, èit Mozilla een officieeln APT-repository vôorgekopt vô Linuxdistributies gebaseerd ip Debian.

Veiligheid

Zie ôok: Browserveiligheid

Vanaf 't êeste begun wierd Firefox neerezet lik ne browser die gefocust is up veiligheid. In dièn tyd zat Internet Explorer, d'n dominantn browser, in e veiligheidscrisis. D'r woarn mêerdere kwetsboarheedn gevoundn, en malware lik Download.Ject kost zwoar g'ïnstalleerd wordn zjuuste deur the surfen na e g'hackte website. De situoatie wos ezo eirnstig da d' Amerikoansche overheid na verlude woarschuwiengn eit uutgestuurd over de veiligheidsrisico's met Internet Explorer. Oemda Firefox miender in 't besturiengssysteim geweevn zat, wierd 't g'anzien lik e veiliger alternatief, oemdat de kanse klinder wos dat 't probleemn ging geevn die ne computer hêlegans ounderuut gienkn oalen. Ditte lêedde na e serieuze stygienge in d'n populariteit van Firefox by 't begin van de joaren 2000 lik e veiliger alternatief. Doabovnup wierd er gepeisd da Firefox miender actief uut te buutn veiligheidslekken aad in vergelykienge mè zyn concurrentn. In 2006 melddege The Washington Post da d' exploit-code vô gekende veiligheidslekken in Internet Explorer voe 284 doagen beschikboar wos, in vergelykienge mè nog gin neegn doagen by Firefox vôodat 't probleem wos upgelost. E studie van Symantec round dezelsten tyd toogdege an dat oelôewel da Firefox een ôger aantal kwetsboarheden aad, dat ze in Firefox gemiddeld vele rapper wierdn ge-fixt in dièn tyd in vergelykienge met and're browsers.

In diène periode gebruukte Firefox een monolitische architectuur, lik de mêeste browsers uut dièn tyd. Da wildege zeggn dat oalle browsercomponentn draaiden in êen iênig proces met toegaank vôor oalle systeimbronn'n (system resources). Die upstellienge aad e masse veiligheidsprobleemn. O e webpagina the vele bronn'n gebruuktege, wos hêel 't Firefox-proces an 't vastloopn of an 't crashen, wuk dat invloed aad up oalle tabbloarn. Doanboovnup kost iedere exploit oôk stief makkelik an de systeimbronn'n koemn, inclusief an de bestandn van d'n gebruuker. Tussn 2008 en 2012 zyn de mêeste browsers e-wisseld na e multiprocesarchitectuur, woaby dan z' ôog-risicoprocessn lik renderienge, media, d'n GPU, en 't netweirken gienken isoleern. Firefox wos wel e bitje troager in 't anneemn van diè veranderienge. 't Dêerdege toet 2015 vôorda Firefox met eign Electrolysis (e10s)-project begoste oem d'n zandbakomgevinge (sandboxing) the implementeern over mêerdere componentn by mekoar. Diène herschrevn code stunde ip interprocescommunicoatie woaby dan ze de interprocescommunicoatie-bibliotheke van Chromium gebruukten en ze zetteden verschillige componentn, woarounder de renderiengscomponent, in zyn eign zandbak. Firefox brocht d'n eerschrevn code uut ip bèta in ogustus 2016, woaby dan z' upmeirkten dat er e stygienge van 10-20% wos in geheugengebruuk, wuk da weire leger wos of da van Chrome van dièn tyd. Wel is 't ezo dat d' eerschrevn code vôo probleemn zörgdege mè nunder ouden (legacy) extensie-API, diè ni ountworpen wos oem tussn processn the weirk'n e woavoorn dat 'r shim-code verêist wos oem weire goed te weirk'n. Achter mêer of e joar in bèta, wierd de nief geschrevn veranderienge standoard in'eschoakeld vôor oalle gebruukers van Firefox in november 2017.

In 2012 èit Mozilla e nieuw project gelanceerd da ze Servo noemden oem e hêlegans nieuwn en experimenteeln browserengine the schryvn woaby dan ze geheugnveilige techniekn gebruukten e-schrevn in Rust. In 2018 koos Mozilla d'rvoorn oem dêeln van 't Servo-project te gienkn integreern in d'n Gecko-engine in e project da de codenoame Quantum-project êet. 't Project èit Firefox zyn pagina-renderiengscode hêlegans up de schuppe g'oald, wuk dat risselteerdege in e winste in prestaties en stabiliteit, oenderweils dat 't ôok d'n veiligheid van de bestoande componentn verbeterdege. Doanboovnup wierd de veroudderden, oencompoatibelen extensie-API d'r uut g'oald in 't vôordêel van e WebExtension API die vele mêer leek up 't extensiesysteim van Google Chrome. Ditte brak de compoatibiliteit med oud're extensies, moa leiddege wel na miender kwetsboarheden en e vele beter t' ounderoudn extensiesysteim. Oelôewel da 't de bedoelienge wos da 't Servo-project mêer stikkn van de Gecko Engine gienk vervangn, is da plan nôoit uutgekommn. In 2020 eit Mozilla oalle de programmeurs van 't Servo-team d'r uut esmeetn en eit 't eygendoem van 't project euvergedroagen an de Linux Foundation.

Privacy

Oen Firefox êerst wierd uutgebrocht, eit et e an'epast belied vo scriptrechten gebruukt woaby da scripts die wierdn oundertêkend deur de pagina toegaank kostn krygn toet acties mè nog ôgere rechtn, lik de meugelikheid oem de vôorkeurn van ne gebruuker an th' passn. Moar datte wierd ni breed in gebruuk enoomn en is loater deur Firefox stopgezet. In plekke doavan volgt den uudigen Firefox 't standoard same-origin policy rechtnmodel da deur de mêeste moderne browsers wudt gevold. Da systeim stoat scripts nie tôe oem privileged (bevoorrechte) data, inbegrepen informoatie over and're websites, in t' zien.

't Gebruukt TLS oem d' communicoatie mè webservers te beschermn deur 't gebruuk van stravve cryptografie oen ge via d'n HTTPS protocol surft. De vry beschikboarn HTTPS Everywhere add-on forçeert HTTPS, zèlfst on d'r ne geweunen HTTP-URL wudt in'egeevn; die founctie zit nu ipgeboomn i d'n browser zelve. Firefox oundersteunt HTTP/2.

In februoari 2013 wierdn de plann'n angekoundigd dat Firefox 22 standoard third-party cookies gienk deactiveren. De invoerienge van de founctie is doarachter uutgesteld zoda de ountwikkeloars van Mozilla "informoatie costn goan verzoameln over de effectn van 't blokkeern van sommigte van die third-party cookies." Mozilla èit ôok soamengeweirkt med 't "Cookie Clearinghouse" project van Stanford University oem e zwarte lyste en witte lyste va websites te moaken die egebruukt goan wudn in d'n filter.

Versie 23, uutgebrocht in ogustus 2013, gienk de maniere van zyn concurrentn achterna deur standoard 't loadn te blokkeern va iframe, stylesheet, en script bronn'n afkoemstig van ni-HTTPS servers die d'r ge-embed woarn ip HTTPS pagina's. Doanoast kost JavaScript ni langer wordn g'uutgezet via d' instelliengn van Firefox, en JavaScript wierd otomatisch weire an'ezet voor gebruukers die een upgroade deeën na versie 23 of ôger achter dan z't oaden uut'eschakeld. Die veranderienge es gebeurd oemda JavaScript werdt gebruukt deur 't grotste dêel van de websites ip't internet, en 't uutschoakeln va JavaScript kost potentieel kwoaje gevolgen èin vô onervoaren gebruukers die nunder gin boe of ba bewúst zyn van d' impact van da doen. Firefox noemdege ôok 't feit da extensies lyk NoScript, die JavaScript op een vee mêer g'controleerde maniere kost uutdoen, reedelik beschikboar zyn vôol idderêen. Den doarupevolgende uutgoave voegdege weire de meugelikheid toe om JavaScript uut the schoakeln via d'n developer tools oem the testn.

Te begunn'n mè Firefox 48, moetn oalle extensies e-têkend zyn deur Mozilla oem the meugn gebruukt te wordn in d' uutgoaves en bèta-versies van Firefox. Firefox 43 blokkeerde d'n ongetêkenden extensies moar 't wos wel meugelik oem 't forçeern the verhinderen deur da system uut te zettn. Oalle extensies moetn the voren were g'egeevn wordn an Mozilla Add-ons e moendn een analyse van nunder code oundergoan om e-têkend the zyn, oelôewel d'extensies nie letterlijk in the lyste ip den website genoteerd moestn zyn oem under aandtekennienge te verdienn'n. Up 2 meie 2019 eit Mozilla angekoundigd dat ze 't the forçeern van d' aandtekeniengn gienk verstevigen met methodes, woarounder d'otomatische retroactieve uutdovienge van oede extensies die vanaf ton lik onveilig wierdn bekeken.

Sinds versie 60 gift Firefox d'n ôoptie oem DNS over HTTPS (DoH) the gebruukn, wuk da d'r veure zörgt da DNS-ipzoekingsanvroagn geëncrypteerd me 't HTTPS-protocol meegestuurd weirdn. Om da the gebruukn moe de gebruuker een poar ipzettiengn begunnend me "network.trr" (Trusted Recursive Resolver) ansteekn in about:config: o network.trr.mode op 0 stoat, eist DoH uut'eschoakeld; 1 schoakelt DoH in t'ope me ni-geëncrypteerde DNS; 2 zörgt d'rvooren da DoH gebruukt wudt êestidder de on-geëncrypteerde DNS te roepeen; oem allêne moa DoH in th' oalen, moe d'n weirde up 3 stoan. Deur network.trr.uri i de URL t' in te stellen, goan d'r specoale Cloudflare-servers geactiveerd wudden. Mozilla eit e privacy-akkoord me die server-hoster wuk dat nunder verzoamelienge va informoatie over binn'nkoemnde DNS-anvroagn limiteert.

Ip 21 meie 2019 es Firefox g'üpdated mèi d' meugelikheid vôo oem scripts te blokkeren diè da de CPU (processor) van uuzn computer zoudn the gebruukn oem cryptomuntn (cryptocurrency) the mineen zounder te meugen van de gebruuker. Da wos begust in Firefox versie 67.0. D'n update gaf uzes gebruukers ôok th' rêcht oem gekend fingerprinting-scripts te blokkeren diè d'n activiteit over al ginder weirk ip 't web volgn, moa da es nochtans up zyn eign ni bestoand teegn that fingerprintn.

In februoari 2021 lanseerde Firefox Total Cookie Protection in zyn 86-versie oem meugelikheyd the biêden vô teegn d'n cross-site tracking (volgnn'n uut and're sites) teegn t'goan, zounder de websoitn uzen the breken wuk da de minsken the bezoeken goat goan. Ôok es e-kend ols state partitioning, werkt den Total Cookie Protection deirda 't ne g'isoleerden "cookiepot" oantrekt vur de oalln van the website's, en bandoardig d'n mekoardeelienge van informoatie deure d'oalln webzoites verhinderdt. De founctie, wuk da an'egeevn weerd lyk van iên uut d'allerbeisten invensjes an veiligheyd uut 2021 deur Popular Science, isoleert zêlve de loacoale uutboatienge, de service weirkmannn, e'nd and're geweunenste manierens voo the site oem data up the sloan. Total Cookie Protection wos in 2022 standoard upgezett gewirdd.

Lokaloasies

Firefox is e wijd gelokaliseerden webbrowser. Mozilla gebruukt zyn eign Pontoon-lokalisoatieplatvorm. D' êeste officiële uutgoave i november 2004 wos the beschikkn a 24 verschillende taeln en voo 28 locales. In 2019 lanseerde Mozilla t' Project Fluent, wa dat e lokalisoatiesysteem uutmakt woadeire da vertoalers the meugelikheyd krygn vee meêr wendboar deirdoan the doene ip vertoaliengen the compenseer'n of belet th' koemn mèi eên up eên vertoalingn an de stringn (tekstn). Vanaf februoari 2026, zyn de goe-g'oundersteunde versjes va de Firefox t'uutoalen i 97 locales (88 toaln).

Platformbeschikboarheid

D'r bestoan desktopversies van Firefox vôo Microsoft Windows, macOS, en Linux, ounderweils dat Firefox for Android beschikboar is vô Android (vroeger noemdege da Firefox for mobile, 't droaidege ôok up Maemo, MeeGo, en Firefox OS) en Firefox for iOS beschikboar is vôo iOS. Smartphones die Linux oundersteunn moa gien Android of iOS-apps, kunn'n ôok Firefox in zyn desktopversie droaien, byvôorbeeld via postmarketOS, Mobian of Ubuntu Touch.

Gebruukt mdy-doatums: ogustus 2017 Navigoatie: Firefox release compatibility

Besturiengssysteem		Latste stabiele versie	Oundersteunienge
Windows	10 en loater, Server 2016 en loater	Actueel: 146.0.1 (ARM64)	2019–
		Oud're versie, oundersteund: 128.8.0esr (ARM64)
		Actueel: 146.0.1 (x64)	2015–
		Oud're versie, oundersteund: 128.8.0esr (x64)
		Actueel: 146.0.1 (IA-32)
		Oud're versie, oundersteund: 128.8.0esr (IA-32)
	7, Server 2008 R2, 8, Server 2012, 8.1 en Server 2012 R2	Oud're versie, oundersteund: 115.33.0esr (x64)	2015–2026
		Oud're versie, oundersteund: 115.33.0esr (IA-32)	2009–2026
	XP, Server 2003, Vista en Server 2008	Verouderd: 52.9.0esr (IA-32)	2004–2018
	2000	Verouderd: 10.0.12esr	2004–2013
		Verouderd: 12.0	2004–2012
	NT 4.0 (IA-32), 98 en Me	Verouderd: 2.0.0.20	2004–2008
	95	Verouderd: 1.5.0.12	2004–2007
macOS	11 (ARM64 en x64) en loater	Actueel: 146.0.1	2020–
		Oud're versie, oundersteund: 128.8.0esr
	10.15 (x64) en loater	Actueel: 146.0.1	2019–
		Oud're versie, oundersteund: 128.8.0esr
	10.12–10.14	Oud're versie, oundersteund: 115.33.0esr	2016–2026
	10.9–10.11	Verouderd: 78.15.0esr	2013–2021
	10.6–10.8	Verouderd: 45.9.0esr	2009–2017
		Verouderd: 48.0.2	2009–2016
	10.5 (IA-32 en x64)	Verouderd: 10.0.12esr	2007–2013
		Verouderd: 16.0.2	2007–2012
	10.4 (IA-32 en PPC)–10.5 (PPC)	Verouderd: 3.6.28	2005–2012
	10.2–10.3	Verouderd: 2.0.0.20	2004–2008
	10.0–10.1	Verouderd: 1.0.8	2004–2006
Linux (X11/Wayland)		Actueel: 146.0.1 (ARM64)	2025–
		Oud're versie, oundersteund: 128.8.0esr (ARM64)
		Actueel: 146.0.1 (x64)	2011–
		Oud're versie, oundersteund: 128.8.0esr (x64)
		Oud're versie, oundersteund: 128.8.0esr (IA-32)	2004–2026
		Verouderd: 144.0.2 (IA-32)	2004–2025

Legende
	Actueel (Latste stabiele uutgoave)
	Oud're versie, nog oundersteund
	Verouderd (Oud're versie, ni mêer oundersteund)

Upmeirkiengn

• In moarte 2014 wierd d'n Windows Store app-versie van Firefox weug'esmeetn, oelôewel dat er a e bèta-uutgoave wos.
• Oundersteunienge vôo d' SSE2-instructieset is verêist vôo 49.0 of loater up Windows en 53.0 of loater up Linux, IA-32 oundersteunienge telt allêne moa vô superscalaire processorn.
• D' x64-versie vô Windows (gebrocht mè Firefox 43) wos uutsluutend vô Windows 7 en nieuwer. Oalle vôorige versies van Windows moetn de IA-32-versie gebruukn.

Sjabloon referentielyste Sjabloon documentasje Categorie:Sjablonen die benoemde referenties genereren

De broncode van Firefox ku wordn gecompileerd vôo verschillige besturiengssystemn; bygevolg zyn d'r officiële gecompileerde bestanden vôozien vôo de volgende:

Verêiste hardware e software

Verêiste	Microsoft Windows	Linux desktop	macOS	Android	iOS
CPU	1 GHz of raddere compoatibele processor (ARM64 is vo de standoardversie oundersteund up Windows moar allêne moa vôo de Nightly-uutgoave up Linux, tenzy dan d'r een ARM64-pakket van d'n Linuxdistributie wudt e-gebruukt) ESR 115: Pentium 4 of nieuwer med SSE2 (of ARM64 vô Windows)		Oender 't eevn wukke x86-64 en ARM64 CPU	ARMv7, ARM64 e x64	ARM64
Geheugn (RAM)	1 GB vô de 32-bit versie en 2 GB vô de 64-bit versie ESR 115: 512 MB vô de 32-bit versie en 2 GB vô de 64-bit versie			384 MB	2GB
Vrye plekke up d'n opslag	500 MB ESR 115: 200 MB			80 MB	~128 MB
Besturiengssysteem	Windows 10 of loater Windows Server 2016 of loater ESR 115: Windows 7, Server 2008 R2, 8, Server 2012, 8.1 en Server 2012 R2	Minimum GTK 3.14 of nieuwer libstdc++ 4.8.1 of nieuwer X.Org 1.0 of nieuwer glibc 2.17 of nieuwer An'eroaden NetworkManager 0.7 of nieuwer DBus 1.0 of nieuwer GNOME 2.16 of nieuwer PulseAudio X.Org 1.7 of nieuwer libxtst 1.2.3 of nieuwer	macOS Catalina of nieuwer ESR 115: macOS Sierra–macOS Mojave	Android Oreo of nieuwer	iOS 15 of loater

Microsoft Windows

Firefox 146 ip Windows 11

Firefox 1.0 is uutebrocht vo Windows 95, en ook vo Windows NT 4.0 en nieuwer. Sommigste gebruukers miekn d' upmeirkieng da de 1.x versies costn weirk'n (moa ni geïnstalleerd geroakn) up Windows NT 3.51.

De 42.0 versie-uutgoave èit d' êeste x64-versie met heur mee. Doavôor wos Windows 7 of Server 2008 R2 verêist. Begunnend me versie 49.0 verêist Firefox vôo Windows en gebruukt et d' SSE2-instructieset.

In september 2013 brôchte Mozilla e Metro-achtige versie van Firefox uut, g'optimaliseerd vo 't gebruuk up anroakschermn, up 't "Aurora"-kanoal. Moa den vêertienden moarte 2014 eit Mozilla d'n stekker uut 't project etrokkn weegns e gebrek an gebruukers diè 't oantoegn.

In moarte 2017 wierd Firefox 52 ESR, d'n latste versie van d'n browser vo Windows XP en Windows Vista, uutebrocht. D' oundersteunienge vo Firefox 52 ESR is in juni 2018 beëindigd.

Vroeger kostje vôor d' installoatie van de Windows-versie van Firefox na de Firefox-website goan oem een installoatiebestand the downloadn afankelik van de vertoalienge e de systeimarchitectuur da je nodig oat. In november 2021 stelde Mozilla Firefox beschikboar in de Microsoft Store. Da pakket da via de Store gelêverd wudt is nie ouncopatibel me 'n oude, tradisjoneeln installoatie.

D'n latste versie va Firefox vôo Windows 7 e 8 es Firefox 115 ESR, wuk da weire es uutebrocht in juli 2023. Zyn êende va zyn oundersteunienge wos in 't begun gepland vôr oktober 2024, moa in juli 2024 liet e weirkman va Mozilla weetn upe comment in Reddit da 't bedryf peisdege om d'oundersteuninge nog the verlengen, de deurtêd da zoudn ze nog beslissen. In september 2024 es d' verlengienge voorgesteld met êest e bitje van zesse moandn. In the kalender va uutgoaven, stoat d'r te leezn da Mozilla de stellinge e ki goat evelueern i d'n begun va 2025 oem te kiekn offa nog is e verleging moê passeren offa se goat th' ende roepen. Die verlengienge es upniew nog twiê kiér egeevn gewirdn, up den achttiênsten februoari 2025 e up den dridn september 2025, telkns voo noch ies zeîst moendn mêi, woadeir dath't laâtste lévntseindê voa meart 2026 i geplaund wierd.

macOS

Firefox 136 ip macOS Sonoma

D' êeste officiële uutgoave (Firefox versie 1.0) was the droai'n up macOS (in dièn teid nog gekend lik Mac OS X) ip de PowerPC architectuur. Mac OS X-versies vô de IA-32 architectuur zyn beschikboar g'ekomn via nen universal binary, die zien debuut moaktege mè Firefox 1.5.0.2 in 2006.

Vanaf versie 4.0 es Firefox e-lanceerd vô d' x64 architectuur, wuk da d' macOS up wos overgestapt. Versie 4.0 stoppege ôok med d' oundersteunienge vô d'n PowerPC-architectuur, aol zien we wel dat and're projectn the gang bielevn om d' PowerPC versie van d'n Firefox vôot the zéttn.

Firefox es oôrsprounkelik de weirld i gestierd vô Mac OS X 10.0 en the doarupe. D' minimum besturiengssysteem es loatere the grôte ge-koamn by Mac OS X 10.2 vô the Firefox 1.5 en the 10.4 vô de Firefox 3. Firefox 4 liet the reékt met d' Mac OS X 10.4 en th' PowerPC Macs voall'n, en Firefox 17 smeêtege 't vûôr hêel Mac OS X 10.5 of d'n boot. De systeimverêisten zaet'n d'r oungewyzigd uut te bleevn toet idder da Firefox 49 d' oundersteuninge stôp zêttege vů Mac OS X 10.6–10.8. Mozilla eî gedaên med'r oundersteunienge vur OS X 10.9–10.11 via the Firefox 79, wuk makt da zjuuste doadeir dat th' gebruukers diê de Firefox 78 ESR tak ge-bruukteen, nog konden gesteund weir'n aal the vûôr november 2021. Meeëst reçeent eit Mozilla 'n streèpe ge-trokkn under d' stêuniengn vůr macOS 10.12–10.14 zynnen i d'n Firefox 116, mêa gebruukers th' bieleev'n up d'n Firefox 115 ESR branch uut eên stik the lott'n steune toeth late van 2024. In september 2024 wier echter e verlengienge vô de 115 ESR tak angekoundigd mè een êeste peroide va zes moenden. Da es upnieuw verlêenget met 2 kièrs t'hopa da de meart t'oet in de september 2025 ende t'goan in d'n moarte va 2026 t'zittn.

Linux

Firefox 145 ip openSUSE

D' ôofdpagina van d' Engelstoalige Wikipedia oopn'n mè Mozilla Firefox 136 ip Fedora Linux 41

Sinds 't êeste begun èit Firefox for Linux de 32-bit geheugnarchitectuur van d'n IA-32 instructieset oundersteund. 64-bit-versies wierdn g'ïntroduceerd by d' uutgoave van versie 4.0. D' uutgoave 46.0 eit d'n systeimverêiste van GTK 2.18 vervangn deur 3.4 ip Linux en and're systeimn die X.Org droaien. Vanaf 53.0 addn d' 32-bit versies d' SSE2-instructieset nôdig.

Firefox 145 stopt'ed med d' oundersteunienge vô 32-bit Linux ip 11 november 2025, moa die gebruukers wierdn nog fudre g'oundersteund via d'n Firefox 140 ESR-tak toet an september 2026.

Firefox vô ChromeOS

ChromeOS is technies eziehn ne Linuxdistributie, moar 't is zodanig belangryk, dat ollyks apart in de lyste is e-zet. Voe the rèste kutje Firefox up ChromeOS goan upoal'n via d'n Google Play Store, deur na d'n terminal te goan en Linux-commando's in te typn, of deur e .deb bestand the downloadn e Firefox ezo in the loadn.

Firefox vô Android

Gebruukt mdy-doatums: december 2019 Navigoatie: Firefox for Android release compatibility

Besturiengssysteem		Latste stabiele versie	Oundersteunienge
Android (inclusief Android-x86 en Android for ARMv6)	8.0 en loater	Actueel: 146.0.1 (x64)	2018–
		Actueel: 146.0.1 (ARM64)	2017–
		Actueel: 146.0.1 (ARMv7)
	5.0–7.1	Verouderd: 143.0.4 (x64)	2018–2025
		Verouderd: 143.0.4 (ARM64)	2017–2025
		Verouderd: 143.0.4 (IA-32)	2014–2025
		Verouderd: 143.0.4 (ARMv7)
	4.1–4.4	Verouderd: 68.11.0 (x64)	2018–2020
		Verouderd: 68.11.0 (IA-32)	2013–2020
		Verouderd: 68.11.0 (ARMv7)	2012–2020
	4.0	Verouderd: 55.0.2 (IA-32)	2013–2017
		Verouderd: 55.0.2 (ARMv7)	2011–2017
	3.0–3.2	Verouderd: 45.0.2 (ARMv7)	2011–2016
	2.3	Verouderd: 47.0 (ARMv7)
	2.2–4.4	Verouderd: 31.3.0esr (ARMv6)	2012–2015
	2.2	Verouderd: 31.0 (ARMv7)	2011–2014
	2.1	Verouderd: 19.0.2 (ARMv6)	2012–2013
		Verouderd: 19.0.2 (ARMv7)	2011–2013
	2.0	Verouderd: 6.0.2 (ARMv7)	2011
Firefox OS	2.2	Verouderd: 35/36/37	2015
	2.1	Verouderd: 33/34	2014–2015
	2.0	Verouderd: 31/32
	1.4	Verouderd: 30	2014
	1.3	Verouderd: 28
	1.2	Verouderd: 26	2013
	1.1	Verouderd: 18
Maemo		Verouderd: 7.0.1	2010–2011
Windows Mobile	6.x	Verouderd: 1.0a3	N/A

Legende
	Actueel (Latste stabiele uutgoave)
	Oud're versie, nog oundersteund
	Verouderd (Oud're versie, ni mêer oundersteund)

Upmeirkiengn

• Firefox for iOS stoat ni in de lyste oemda zyn versienummro's verwarrend zoun kunn'n zyn. Idder dan versie 96, gebruukt' et versienummro's diè verschillnd woarn va d' and're Firefox versies, die d'n centraaln Gecko rendering engine dêeln. D' iOS app gebruukt de rendering engine van 't besturiengssysteem zelve (WebKit), i de plekke va dien va Mozilla (Gecko).

Firefox vô mobiel, med as codenoame "Fennec", zag vo d'n êeste keir 't kloar in januoari 2010 vů Maemo t'ope mè versie 1.0 en vô Android in de moarte 2011 mè versie 4.0. D' oundersteunienge vů Maemo is stopg'zet achter versie 7, uutebrocht in september 2011. Fennec aad e gebruukersinterface die g'optimaliseerd wos vô telefoons en tablets. 't Aad e Awesome Bar, tabbloard surfen (tabbed browsing), oundersteunienge vô add-ons, e passwoordbehêerder, locoatie-bewust browsn, en de meugelikheid oem the synchroniseern mè d' and're toestellen van d'n gebruuker via Mozilla Firefox Sync. Tegen 't ende van zyn bestoan add et e marktoandêel van 0.5% ip Android.

In ogustus 2020 lanceerdege Mozilla e nieuwe versie van zyn Firefox for Android-app, genaamd Firefox Daylight vô 't pebliek en mè de codenoame Fenix, achter a bitje mêer of e joar an testn. 't Paktege uut mè ôgere snelheedn deur zyn nieuwn GeckoView engine (motor), deên beschreevn wierd lyk "d' êenigstn oenofhankelikken webengine browser beschikboar up Android". 't Voegdege ôok d' Enhanced Tracking Protection 2.0 (betere oupvolgsbeschermienge) toe, e founctie diè e masse va d' gekende trackers ip 't internet blokkeert. 't Zörgdege r'ôok vôorn da je 't adresbalktje vanoundern kost plassn, en een nieuwe founctie Collecties (Collections). Ollyks krêeg et vele kritiek oemdat 't moa neegn Add-ons add in 't beginn'n, en datter poar founcties blêevn ountbreekn. Doarup eit Mozilla geantwoord dan ze in d'n tyd mêer Add-ons goan toeloaten.

Firefox ip MeeGo OS

Firefox ip Firefox OS

Firefox 145 ip Android

Firefox vô iOS

Firefox 144 ip iOS

In 't beginn'n weigerdege Mozilla oem Firefox om the zettn na iOS vanweegns d' restricties diè Apple aad up'eleid teegn browsers van derde partyen vo iOS. In plekke van e vulle versie van d'n Firefox browser uut the briengn, brôcht Mozilla Firefox Home uut, e companion-app vů d' iPhone e d' iPod Touch diè gebaseerd wos up d' Firefox Sync technologie, woadeire da gebruukers nunder browsergeschiedenisse, bladwyzers, e recente tabbloarn kostn bekykn. 't Aad ôok zyn "Awesomebar" locoatiebalke. Firefox Home wos ginne webbrowser, d' applicoatie oopndege webpagina's in nen in'ebouwden viewer vô zjust diène pagina, oftewêl deur d' pagina t' oopn'n in de Safari-app. Mozilla èit Firefox Home uut d'n App Store getrokkn in september 2012, oemda ze under middeln gienkn focussen up and're projectn. 't Bedryf eit loater de broncode uutebrocht van Firefox Home zyn ounderliggende synchronisoatiesoftware.

In april 2013 zeid d'n toenmoaligen Mozilla CEO Gary Kovacs da Firefox nôoit na iOS gienk kommn ozolange dat Apple eiste da ze d'n WebKit layout engine moesten gebruukn. Êen van de redens van Mozilla wos dat aol vôor iOS 8, Apple an third-party browsers e stik slichtere versie van nunder JavaScript-engine meegaf, wuk dat under prestaties uut d'n oake sloeg, en 't azo oenmeugelik maktege oem Safari's JavaScript-prestaties t' evenoarn ip 't iOS-platform. Apple èit loater nunder "Nitro" JavaScript-engine oopn e-zet vô browsers van derde partyen. In 2015 koundigdege Mozilla an dan ze vôortgiengn mè Firefox vô iOS, med e preview-versie diè in september van da joar beschikboar wos g'makt in Nieuw-Zêeland. 't Wos vulle bak g'lanceerd in november loater i da joar. Het is d'n êestn browser onder the Firefox-noame diè ni d'n Gecko layout engine gebruukt lik 't geval was in Firefox vô desktop en mobiel. Apple nunder reigels eisn dan aolle iOS-apps die up 't internet goan th' ingebouwde WebKit-raamweirk e WebKit JavaScript gebruukn, dus Gecko gebruukn wos letterlyk ginne meugelikheid. In teegnstellienge toet Firefox ip Android, oundersteunt Firefox vô iOS gien browser add-ons.

In november 2016 eit Firefox e nieuwe iOS-app uutebrocht mè de noame Firefox Focus, e privé-webbrowser.

Firefox Reality (AR/VR)

Firefox Reality is uutebrocht vô augmented reality en virtual reality headsets (VR-brilln) in september 2018. J'oundersteunt d'n tradisjoneeln internetervarienge via 2D-veinsters e meêr d' inlevingsvolle VR-pagina's via Web VR. Firefox Reality is beschikboar vů d' HTC Vive, Oculus, Google Daydream en Microsoft Hololens headsets. In februoari 2022 koundigdege Mozilla an da d'n Igalia th' stuur aövernêimt va ditte project ounder de nief noame Wolvic.

Poortn va derde partyen (Third-party ports)

Firefox is ôok g'poort gewist vô FreeBSD, NetBSD, OpenBSD, OpenIndiana, OS/2, ArcaOS, SkyOS, RISC OS en BeOS/Haiku, en een onofficiële erbenoemde versie diè Timberwolf (web browser) noemt is beschikboar g'weest vô AmigaOS 4.

De Firefox poort vů OpenBSD is sedert 2010 ounderoudn d'ir Landry Breuil. Firefox es d'r oltyd up'n'nieuw g'bouwd vůo 't hudigè tackel van 't besturingssysteem; de lastè versies zain ien pakkskjés g'stöken voor oalle úûtgoavn e bleéivn be'vror'n töet dn volvgn'de uuútgoave d'r is. In 2017 beguöst Landry meê t' hoshtn va paékkêtn vů nieëweère Firefox-vêrsies voor OôpenBSD-uútgãavn vanäf de 6.0 én lốáttr, watze böschịkbaar maekte vó inştallaëšies zönder d't poorténsíýșteêm.

De Solaris 10 poort va Firefox (t'ôpe me OpenSolaris) wierd g'ounderouht in han'n vôa Oracle Solaris Desktop Beijing Team, toet i' d'n moarte 2018 at 't team weêl uiêteen waes e-vaoll'n. D'r wös ôok 'n ónofficiéle pöort van Firefox 3.6.x voa' th' IBM AIX én vôôn v1.7.x thet de UnixWare.

Gebruukt mdy-doatums: oktober 2017 Navigoatie: Firefox contrib release compatibility

Besturiengssysteem		Stoatus
RHEL	10	Actueel (ESR (s390x))
	7	Verouderd (52.7.3esr (s390))
	5	Verouderd (31.6.0esr (IA-64))
Oracle Solaris	11	Actueel (ESR (x64, SPARC V9))
	10 en OpenSolaris	Verouderd (52.9.0esr (IA-32, x64, SPARC V9))
	8–9	Verouderd (2.0.0.20 (IA-32, SPARC V9))
AIX	7.1 en 7.2	Verouderd (3.6.25 (POWER))
HP-UX	11i v2–v3	Verouderd (3.5.9 (IA-64, PA-RISC))
FreeBSD (Niveau 1)	13 en loater	Actueel (x64, ARM64)
		Actueel (ESR (x64, ARM64))
	12	Verouderd (121.0 (IA-32))
		Verouderd (115.6.0esr (IA-32))
OpenBSD -stable	7.8	Actueel (x64, ARM64, RISC-V)
		Actueel (ESR (x64, ARM64, RISC-V))
	6.9	Verouderd (88.0.1 (IA-32))
		Verouderd (78.14.0esr (IA-32))
	5.8	Verouderd (38.7.1esr (PPC))
	5.7	Verouderd (31.6.0esr (SPARC V9))
MeeGo/Harmattan		Verouderd (15 (ARMv7))

Legende
	Actueel (Latste stabiele uutgoave)
	Oud're versie, nog oundersteund
	Verouderd (Oud're versie, ni mêer oundersteund)

Kenoaln en uutgoaveschema

In moarte 2011 steldege Mozilla plann'n vôorn oem over te stappn na 't rap uutgoavemodel (rapid release), e raddere ountwikkelingscyclus va 16 weekn, e bitje lik by Google Chrome. Ars Technica moakte d' upmeirkienge da diène nieuwn cyclus "serieuze technische en operationele uutdoagiengn" met em mee brochte vô Mozilla (vôoral 't byouden van de compoatibiliteit van add-ons van derde partyen), moa dat 't wel gienk elpn oem Firefox rapper nieuwe webstandoardn, founcties, en prestatieverbeeteriengn te loatn anneemn. Da plan wierd in'evoerd in april 2011. 't Uutgoaveproces wierd upgesplitst in viere "kenoaln", woaby da grôte uutgoaves (major releases) olle zesse toet achte weekn deursiepeln na 't volgende kenoal. Byvôorbeeld: 't Nightly-kenoal bevaldege e vôorlopige, oenstabiele versie van Firefox 6, die d'rnoa verschoof na 't experimentele "Aurora"-kenoal achter e reke van êeste testn, en d'rnoa na 't mêer stabiele "bèta"-kenoal, vôordat 't uutendelik an 't peblieke uutgoavekenoal (release channel) kwam, woaby dat idder stadium round de zesse weekn in beslag nam. Vô bedryvn eit Mozilla een Extended Support Release (ESR) kenoal g'ïntroduceerd, woaby dat er olle 30 weekn nieuwe versies uutebrocht wordn (en die nog 12 weekn langer oundersteund wordn achter dat er e nieuwe ESR-versie is uutebrocht). Mozilla woarschuwdege wel dat ditte miender veilig gienk zyn dan 't geweune uutgoavekenoal, angezien da veiligheidspatches allêne moa ge-backport gienkn wordn vô kwetsboarheedn met e grôte impact.

In 2017 liet Mozilla 't Aurora-kenoal voalln, oemda 't moa stief letter wierd gebruukt, en brochten ze de Firefox Developer Edition ounder up 't bèta-kenoal. Mozilla gebruukt A/B-testn en e getrapt uutrolmechanisme (staged rollout) vô 't uutgoavekenoal, woaby dat updates êest wordn geprizzenteerd an e klêne fractie van de gebruukers, en Mozilla nunder telemetrie in de smiezn oudt vů mêer crashes of and're probleemn êer da d'n update beschikboar wudt gemakt vô oalle gebruukers. In 2020 stapte Firefox over up nen uutgoavecyclus va viere weekn, oem zyn achterstand up Chrome in te oaln by d' oundersteunienge vô nieuwe webfouncties. Chrome is e joar loater ôok oovr'estapt up ne cyclus va viere weekn.

Licenties

De broncode van Firefox is vrye software, woavan da 't grotste dêel uutebrocht is ounder d'n Mozilla Public License (MPL) versie 2.0. Die licentie lat idderêen toe oem de broncode te bekykn, an te passn of fudre te verdêeln. As resultoat doavan zyn d'r verschillige pebliek beschikboare applicoaties uut gebouwd, woarounder Firefox zyn vôorganger Netscape, d'n anpasboarn Pale Moon, en d'n up privacy-gerichten Tor Browser.

Vroeger wos Firefox allêne moa gelicentieerd ounder de MPL, ton uutgoave 1.1, wuk da d' Free Software Foundation bekritiseerdege oemdat 't e zwakke copyleft wos, angezien da de licentie up e beperkte maniere propriëtaire afgeleide weirkn toeliet. Doanboovnup koste code die allêne moar ounder MPL 1.1 wos gelicentieerd wettelik gezien ni gelinkt wordn an code ounder d'n GPL. Oem an die zörgn tegemoe the koemn, eit Mozilla 't mêestendêel van Firefox e nieuwe licentie gegeevn (re-licensing) ounder e tri-licentieschema van MPL 1.1, GPL 2.0, of LGPL 2.1. Sinds diène re-licensing woarn ountwikkeloars vry oem zelve de licentie te kiezn woarounder dan ze 't grotste stik van de code ountviengn, an'epast an nunder gewenste gebruuk: GPL of LGPL-linkienge en afgeleide weirkn by de keuze vů êen van diè licenties, oftewêl MPL-gebruuk (inclusief de meugelikheid vô propriëtaire afgeleide weirkn) ot'n d'n MPL kozen. Mozilla eit echter up 3 januoari 2012 de GPL-compoatibele MPL 2.0 uutebrocht, e mè d' uutgoave van Firefox 13 ip 5 juni 2012 èit Mozilla ditte gebruukt oem 't tri-licentieschema te vervangn.

Logo en visuele identiteit

Zie ôofdartikel vů d' logo's: Firefox logo

't Icoontje van Firefox is een andelsmerk da wudt gebruukt oem d' officiële Mozilla-uutgoave van de Firefox-software en uutgoaves van officiële distributiepartners an te duudn. Vô die redn meugn softwaredistributeurs die an'epaste versies van Firefox verspreidn, 't icoontje ni gebruukn.

Van de vroege Firebird en Phoenix uutgoaves van Firefox wierd gepeisd dan ze reedelikke visuele ountweirpn addn, moar ze schootn te kort in vergelykienge mè vele and're professionele softwarepakkettn. In oktober 2003 schrêef professioneel interface-ountweirper Steven Garrity een artikel woarin dat 'n olles besprak wuk dat er volgnst em verkêerd zat mè de visuele identiteit va Mozilla.

E kort ende loater uutnôodigdege de Mozilla Foundation Garrity om leidieng the geevn an 't nieuwe visuele identiteitsteam. By d' uutgoave va Firefox 0.8 in februoari 2004 kwaamn de nieuwe branding-inspanniengn an 't licht. Doaruender zattn nieuwn icoon-ountweirpn g'makt deur silverorange, e groep va webountwikkeloars diè oal lange goeien bandn aad mè Mozilla. De finoale versies (renderings) zyn gemakt deur Jon Hicks, diè oal ad geweirkt an Camino. 't Logo wierd loater e bitje an'epast en vernieuwd oem e poar foetjes te fixtn diè dudelik wierdn oe je 't logo vergrodderdege. 't Bêestje da getoogd wudt in 't logo is e gestileerde vos, oelôewel da "firefox" (vier-vos) normoal ezien e veelvoorkoemnde noame es vů d'n roste panda. Volgnst Hicks "roeptege de panda nu nie hêlegansn 't zjuuste bêeld up" e wos 't bêestje oôk ni zôstief gekend by de minskn.

In 2017 maktege Mozilla e gladdere, nieuwere versie van 't Firefox-logo lik ounderdêel van de Quantum-update.

In juni 2019 eit Mozilla een erziène Firefox-logo ountuld, da g'ïmplementeerd wierd up versie 70. 't Nieuwe logo was e stik van e grotter plan oem e merksysteim round Firefox e zyn bybeôorende apps e dienstn up te bouwn, diè nu lik e hêel pakket ounder 't Firefox-merk wordn gepromoot.

• Geschiedenisse van 't logo
• 
  Logo van "Phoenix" e "Firebird" idder da 't wierd e-rebaptizeerd toet Firefox
• 
  Firefox 0.8–0.10, van 9 februoari 2004 toet 8 november 2004
• 
  Firefox 1.0–3.0, van 9 november 2004 toet 29 juni 2009
• 
  Firefox 3.5–22, van 30 juni 2009 toet 5 ogustus 2013
• 
  Firefox 23–56, van 6 ogustus 2013 toet 13 november 2017
• 
  Firefox 57–69, van 14 november 2017 toet 21 oktober 2019
• 
  Firefox 70 of loater, aol sinds 22 oktober 2019

• And're logo's, vô de Nightly-versies
• 
  't Nightly logo uut 2011, e-gebruukt vů nightly-versies uut de pre-alfafaze
• 
  't Nightly logo uut 2013
• 
  't Nightly logo uut 2017
• 
  't Nightly logo uut 2019

• And're logo's, vô d' ountwikkeloars en aurora-versies
• 
  't Aurora logo uut 2011, egebruukt vô alfa-uutgoaves
• 
  't Aurora logo uut 2013
• 
  't Developer Edition logo uut 2015
• 
  't Developer Edition logo uut 2017
• 
  't Developer Edition logo uut 2019

• And're logo's
• 
  Blauwn eirdbol, meeg'leverd mè de broncode, diè dudelik ni ounder d' andelsmerk-reigels volt
• 
  't Logo vô 't Firefox-merk vo zyn productn e dienstn, in vôege sinds juli 2019.

Andelsmerk

Zie ôok d'n ôofdartikel vô 't dispuut: Debian–Mozilla andelsmerkdispuut

De noame "Mozilla Firefox" is e geregistreerd andelsmerk van Mozilla; 't mag, tegoare mè 't officiële Firefox-logo, allêne moa wordn gebruukt ounder bepoalde vôorweirdn. Idderêen meugt wel d' officiële binaries eirverdêeln zounder dan ze deran eweirkt en, en de Firefox noame en visuele identiteit gebruukn vů diène dêelienge, moa z' èin wel stravve eisn ip'eleid vů distrebuties diè d'n ounderliggende broncode gienkn anpassn. De noame "Firefox" koemt van e bynoame vů d'n roste panda. Mozilla vièrdege d' roste panda's zelve ôok uutgebreid.

Mozilla èit de bestandn va 't Firefox logo round'edêeld ounder open-source licenties, moa nunder andelsmerprichtlynn (trademark guidelines) loatn ni toe oem an'epaste of sterk gelykoardige logo's te toogn in omstandigheedn woada d' andelsmerkwetgevienge up van toepassienge is.

Logo e-gebruukt vôo Iceweasel

D'r is êenigste controverse g'weest oovr de bedoeliengn va de Mozilla Foundation oem bepoalde open-source distributies t' hindren oem 't andelsmerk "Firefox" the gebruukn. Open-source browsers "zörgen vů mêer keuze en innovoatie in de markt i de plekke van the goan vů de dominansje up d' massa-markt." Vôorzitster va de Mozilla Foundation Mitchell Baker lagd in een interview in 2007 uut da distributies 't Firefox-andelsmerk vry kostn gebruukn aze d' broncode ni anpasten, en da Mozilla em allêne moa zörgn maktege oovr 't feit da gebruukers e consistente ervarienge oaden at ze by "Firefox" kwoamn.

Oem d'r vů the zörgn da code kos verdeeld weirn zounder dat d' officiële uutstroalienge wierd g'ebruukt, bezit 't Firefox build-systeim over een "branding switch" (e knoptje vů te wisseln va merk). Dièn switch, da stief vele wudt egebruukt vů de alfa-uutgoaves ("Auroras") van toekoemstige Firefox-versies, zörgt ervoor dath de code zonder 't officiële logo en noame ka g'compileerd weirn, wodat een afgeleid weirk ka wordn gemakt zoundr last t' èin van d' andelsmerkreigels up Firefox. Binn'n de stikkn wôdat et merk ni stoat angeduud (unbranded build), wudn 't andelsmerk-logo en de noame e-wisseld vů n'n eirdbol-logoatje diè vry the verdêeln is, e de noame van de reeks woar dath d'n an'epaste versie es vanof e-leid.

't Verêistte een dudelik en uutgesprookn toeloatienge van Mozilla oem an'epaste versies va Firefox ounder d' Firefox noame uut the dêeln, en ôok dat *hêlegans* de uutstroalienge (branding) e-gebruukt wierd. Ge mocht byvôorbeeld de noame "Firefox" nôoit gebruukn oen je nief aol 't stik med 't officiële logo mèi aad. Oen 't Debian-project in 2006 b'sliste oem te stoppn med 't officiële Firefox-logo the gebruukn (oemda de copyright-restricties va Mozilla in dièn tyd ni compoatibel waarn med de richtlynn va Debian zelve), kregen z' t' ôorn van een ofgevoardigde van de Mozilla Foundation da ditte zô moar niet aenveird wierd. Z' èin gevroagd oem entwel 't andelsmerk e zyn richtlynn the volgn oftewêl the stoppn mè d'n noame "Firefox" in nunder distributie in the briengn. Debian beslistege doarup om nunder an'epaste versie van Firefox er the benoemen toet "Iceweasel" (moa ze zyn in 2016 weire e-kêerd na Firefox), tehope mè zôwoat oalle and're Mozilla-software. GNU IceCat is nog ezô een ofgeleide versie van Firefox, verdêeld deur the GNU Project, wuk dat een apart andelsmerk anoudt.

Promoôsje

Firefox-mascotte up 't FISL 16 (2015), Brazilië

Firefox wierd rap in gebruuk genoomn, mè 100 miljoen downloads in 't êeste joar dat 't beschikboar wos. Ditte wierd upevolgd deur e reke van agressieve marketingcampagnes begunnend in 2004 mè verschillige evenementn die Blake Ross en Asa Dotzler "marketingweekn" noemdn.

Firefox blêef zyn eign stief zwoar in de markt zettn deur 't uutbriengn van e marketingportoal genoamd "Spread Firefox" (SFX) ip 12 september 2004. 't Kwam uut tehoope mè de Firefox Preview Release, en creëerde e gecentraliseerde plekke vů 't bespreekn van verschillige marketingtechniekn. D' uutgoave van under manifest steldege da "t' Mozilla-project e weireldwyde gemeenschap is van minskn diè geloovn dat oopnheid, innovoatie, en keuzemeugelikheid de sleutels zyn vů de vôortdurende gezoendheid van 't internet." Een advertensje van twêe pagina's in d' uutgoave van 16 december van The New York Times, geplatst deur de Mozilla Foundation in soamenweirkienge mè Spread Firefox, toogdege de noamn van d' duuzendn minskn weireldwyd diè g'olpn addn an de fondsenweirviengscampagne va de Mozilla Foundation oem de lanceringe van d'n Firefox 1.0 webbrowser t' oundersteunn. 't SFX-portoal maktege 't "Get Firefox"-knopjesprogrammoa nog beter deur an gebruukers "referrer points" (verwyziengspuntn) the geevn lik anmoedigienge. De site toogt de top 250 van de minsken diè de mêeste anbevelingn dein. Van tyd toet tyd lanceert 't SFX-team of d' SFX-leedn marketingevenementn g'organiseerd up de Spread Firefox website. Lik ounderdêel va de Spread Firefox-campagne is 't er e pogienge gedoan oem 't weireldrecord vo downloads te breekn by de lanceringe van Firefox 3. Ditte resulteerdege in een officieel gecertificeerd Guinness weireldrecord, mè mêer dan achte miljoen downloads. In februoari 2011 maktege Mozilla bekend dan ze Spread Firefox (SFX) up pensioen gienkn zettn. Drie moandn loater, in meie 2011, èit Mozilla Spread Firefox officieel geslootn. Mozilla schrêef da "'t er momenteel plann'n zyn oem e nieuwe iterotie van dizze website [Spread Firefox] the moakn up e loatere doatum."

T'r fêeste van de derde verjoardag van d' uprichtienge van de Mozilla Foundation, wierd de "World Firefox Day"-campagne ipgericht up 15 juli 2006, wuk da liep toet 15 september 2006. Dêelnemers registreerdn nunder eign en e moat ip de website voe nominoatie oem under noamn te loatn verschynn ip d' Firefox Friends Wall, nen digitoaln meur diè weiregegeevn wierd ip d'n ôofdzetel va de Mozilla Foundation.

De Firefox-gemeenschap èit er eur ôok ingesmeetn vů d' promoösje van eur webbrowser. In 2006 miekn een aantal van d' medeweirkers van Firefox vanuut d' Oregon State University e groancirkel van 't Firefox-logo in een hoaverveld dichte by Amity, Oregon, by 't kruuspunt va de Lafayette Highway en de Walnut Hill Road. Achter da Firefox de goeie 500 miljoen downloads oaldege up 21 februoari 2008, eit de Firefox-gemeenschap datte gevierd deur Freerice the bezoekn oem 500 miljoen ryzekorrels te verdienn.

And're initiatievn bevaldn ounder mêer Live Chat – e dienst die Mozilla in 2007 uutebrocht aad wuk da gebruukers toeliet om technische oundersteunienge the zoekn by vrywilligers. D'n dienst is loater stopgezet.

Oem de lanceringe van Firefox Quantum the promootn in november 2017, weirktege Mozilla t'ope mè Reggie Watts vů e reke van tv-recloames en social media-content the moaken.

Prestoaties

Joarn 2000

In december 2005 zettege Internet Week een artikel upn net woarin da stief vele lezers melddn dat Firefox 1.5 e grôot geheugngebruuk aad. Mozilla-ountwikkeloars zeidn da 't ôgere geheugenverbruuk va Firefox 1.5 teminste vů e stik te wytn wos an de nieuwe fast backwards-and-forwards founctie (FastBack - zere-vôruut-en-achtere). And're gekende reedns vů geheugnprobleemn woarn slichtweirkende extensies lik d' Google Toolbar e bepoalde oudere versies va AdBlock, of plug-ins lik d' ouwere versies van Adobe Acrobat Reader. Oen PC Magazine in 2006 't geheugenverbruuk va Firefox 2, Opera 9, en Internet Explorer 7 vergeleek, voundn ze da Firefox oengevêer eevnvele geheugen gebruuktege as elk van de twêe and're browsers.

In 2006 meirktege Softpedia ip da Firefox 1.5 't mièr tyd nôdig aad oem up the startn in vergelykienge met and're browsers, wuk da bepoald wierd in loatere snelheidstestn.

Internet Explorer 6 starttege rapper up of Firefox 1.5 ip Windows XP omdat e massa van zyn ounderdêeln zelve waarn iêngebouwd in 't besturiengssysteim en d'rby wierdn in'elaadn bydn systeimstart. Oem dit problêem th' omzeiln, is d'r e preloader-applicoatie e-makt diè d' componentn va Firefox ol a d'n start ienlood, vergelikboar med Internet Explorer. E founctie in Windows Vista, SuperFetch genaamd, voert e gelykoardige toake uut by 't pre-loadn van Firefox, ot d'n browser moa stief vele ge-bruukt wudt.

Testn uutevoerd deur PC World e Zimbra in 2006 toogdn an da Firefox 2 miender geheugnruumte verbruukte of Internet Explorer 7. Firefox 3 verbruuktege nog miender geheugn of Internet Explorer 7, Opera 9.50 Bèta, Safari 3.1 Bèta, en Firefox 2 in testn uutevoerd deur Mozilla, CyberNet, e The Browser World. Olverweegs 2009 deêd BetaNews e benchmark van Firefox 3.5 en lietn ze weetn dat 'n "bykan tienne kièrs betere presteerdege up XP in vergelykieng mè Microsoft Internet Explorer 7".

Joarn 2010

I januoari 2010 v'rgeleek Lifehacker de prestoaties va Firefox 3.5, Firefox 3.6, Google Chrome 4 (stabiele en Dev versies), Safari 4, en Opera (10.1 stabiele en 10.5 pre-alfa versies). Lifehacker meettege t'n tyd wuk da de browsers nôdig oadn oem in gang the schietn e ne pagina te bereikn (zowel zjust' achter d'n boot-up en achter et ol e keir t'ein gedroaid), z' meettegen d'n tyd diè de browsers paktegen om neegn tabbloarn tegelyke tyd in te loadn, ze testn de JavaScript-snelheedn deur g'bruuk te moakn va Mozilla's Dromaeo online suite (wuk dat Apple's SunSpider en Google zyn V8-testn ienvoert) en ze meetn d't geheugnverbruuk mè d'n Windows 7 process manager (toakbehêer). Z' uutbesluut wos da Firefox 3.5 en 3.6 respectievelik d'n vuufdn en zessen snelstn browser waern by 'n start, 3.5 wos dn derden- en 3.6 d'n zessn-snelsten oem neegn tabs up d'n zèlfsten tyd t'n openn, 3.5 wos d'n zessn- en 3.6 d'n vuufden-snelsten by de JavaScript-testn. Z' besloot'n oak da Firefox 3.6 d'n mêest efficiënte wos mè t' geheugngebruuk eg'volgd d'r Firefox 3.5.

In februoari 2012 testtege Tom's Hardware de prestoaties van Chrome 17, Firefox 10, Internet Explorer 9, Opera 11.61, en Safari 5.1.2 up Windows 7. Tom's Hardware maktege e soamnvattienge van nunder testn in viere categoriën: Prestoaties (Performance), Efficiëntie (Efficiency), Betrouwboarheid (Reliability), en Conformeirienge an standoardn (Conformance). I de prestoatiecategorie testn z' HTML5, Java, JavaScript, DOM, CSS 3, Flash, Silverlight, en WebGL (WebGL 2 eist de latste nieuwe vanaf versie 51; en Java e Silverlight weirk'n nief meê vanaf versie 52)—z'oan oôk d'n uptstarttyd en the loadtydn van pagnia's getest. De prestoatietestn beweesdn da Firefox ofweêl "anveirdboar" of "straf" wos i d' mêeste categorieën, èn em deid winste i drie categoriën (HTML5, HTML5 hardwareversnellienge, e Java), woaby danze inkeld up e "zwakken" uutslag kwaemn vôr de CSS prestaties. I d' efficiëntietestn, keek Tom's Hardware na 't geheugngebruuk en 't behêer d'rfan. Me diè categorie, is e-vounden da Firefox inkeld "anveirdboar" weirktege vů 't licht geheugenverbruuk, moa dat em êcht "straf" wos als d'r t'n stravve geheugnbelastienge nùdig wos. In the betrouwboarheidcategorie lieverde Firefox the "stravven" antal goe geloadd'n pagina's. Vů d'latste categorie, d' conformoatie, wierd vastegesteld da Firefox een "stravve" conformeirienge ad vô JavaScript en HTML5. Ie 't besluut vound Tom's Hardware dus da Firefox d'n beste browser wos vů de Windows 7 OS, moa dat ie Google Chrome moa juuste-juuste tegn bleef.

In juni 2013 testtege Tom's Hardware alweire e keèrs de prestoaties va Firefox 22, Chrome 27, Opera 12, en Internet Explorer 10. Z'oan evound'n da Firefox a bitje betere uutslieg of d' and're browsers i nunder "prestoatie"-index (performance index), diè wachttyden, d' uutvoeringssnelheid va JavaScript, HTML5/CSS3 rendering, en d' prestaties van d' hardwareversnellienge gienk evelueern. Firefox scoordege oôk stief t'oogsten op den "ni-prestatie"-index (non-performance index), the weke dat de geheugenefficiëntie, betrouwboarheid, veiligheid e conformiteit an standoarden meettege, zjuuste idder da d'n tweèdn e-komm'n wos, Chrome. Tom's Hardware endigde deure d' Firefox lyk the "duudlykken" winnoar van de prestatie-benchmarks uut t' roepn.

I januoari 2014 wiest een upzet vo benchmark-testng vů 't geheugnverbruuk van Firefox 29, Google Chrome 34, en Internet Explorer 11 an da Firefox t'minste geheugn gebruukte ot d'r n'oôpe (ansjienlijk aantal) tabbloarn oôpnstound'n.

In benchmark-testn begun 2015 up een "high-end" (up'evöerde/rappe) Windows machine, woarby da z' Microsoft Edge [Oude versie], Internet Explorer, Firefox, Chrome, e Opera gienk'n v'rgelyk'n, oaldege Firefox 't ôogste puntental by drie van de zeev'n testn. Vière verschillige JavaScript prestatie-testn goavn weirestrydende resultoatn uut. Firefox schoot e bitje boovn oaln and're browsers in 'n Peacekeeper benchmark, moar em ieng achter by the Microsoft-productn i d'n test va SunSpider. Gemeetn med d'n Mozilla's Kraken, is't up d'n twêedn plekke e-koemn agter Chrome, en a d'n aandere kant pakteg' et d'n derdn platse achter Chrome e Opera an Google zyn Octane uutdoaginge. Firefox ièld de koppositie e-pakt mè WebXPRT, dié e reke va the typische HTML5 e JavaScript-taken in weyrkinge loat uutvoern. Firefox, Chrome, en Opera aold'n aln d'n ôogste meugelikke score in d' Oort Online test, diè d'n WebGL render-snelheid bekykt (WebGL 2 is d' uudge). By't upzicht va HTML5-compoatibiliteittesting, stoat d'n Firefox ergens hêlegans immetten i d' groep zyn poziesje.

E stik of e poar dezelste benchmarktestn i d'2016 toogdn Firefox zyn JavaScript prestoaties up Kraken en de nieuwere Jetstream testn a bitje i 't zoadel zittend (achtere blijvn) up de rêste van ol the getestde browsers mèt eên uutzound'ringe van Internet Explorer (IE), die e bitje ip en slicht niveau prestoaties lêverdege. By d' Octane sprong Firefox em vů d' IE en d' Safari, moa toech a bitje d'r achtere vů d' rêste, wuk d' inbevatte vů Vivaldi èn Microsoft Edge [Oud]. D' Edge [Oud] stoend algemêen up d' êeste platse up the Jetstream en d' Octane benchmarks.

Joarn 2020

In 2023 èit Microsoft publiek bekend'e-makt dan ze achter 5 joarn a foute in MS Windows en uutge-oald dat' er voorg' zorgt aad da d' programme's vertroagden, iedder nog vů d'n Firefox.

Sinds september 2025, is Firefox zyn marktoandêel a d'n oard van 4,45%.

Firefox Quantum

Sinds d' inbruk va Firefox 57 è Mozilla's Quantum project de weireld i'egoan lik e prodoctiebrowser i november 2017, en by d'n tyd wierd Firefox in oenofankelikke JavaScript-testn gemêetn lik raddere of Chrome. 't Eit eêfn'zje dudelik angetoogd dat et miender geheugnruumte zoe ge-bruukn wanir d'r ne massa an browser-tabbloarn oopn the stoan woadn. TechRadar èit em in en rapport va meie 2019 ut'eroept toet the radsten webbrowser uut th'oard.

Gebruuksandêel

Zie ôok d'n ôofdartikel: Gebruuksandêel van webbrowsers

Gebruuksandêel van webbrowsers volgnst StatCounter

Overzicht marktoandêel Volgnst StatCounter-doata Januoari 2026

Browser % van Firefox % in totoal Firefox 1 — — Firefox 2 — — Firefox 3 — — Firefox 4 — — Firefox 5–9 0,90% 0,02% Firefox 10–16 3,15% 0,07% Firefox 17–23 — — Firefox 24–30 — — Firefox 31–37 — — Firefox 38–44 0,45% 0,01% Firefox 45–51 — — Firefox 52–59 0,45% 0,01% Firefox 60–67 — — Firefox 68–77 — — Firefox 78–90 — — Firefox 91–101 — — Firefox 102–114 0,45% 0,01% Firefox 115 en 115 ESR 5,86% 0,13% Firefox 116 — — Firefox 117 — — Firefox 118 — — Firefox 119 — — Firefox 120 — — Firefox 121 — — Firefox 122 — — Firefox 123 — — Firefox 124 — — Firefox 125 — — Firefox 126 — — Firefox 127 — — Firefox 128–139 0,45% 0,01% Firefox 140 en 140 ESR 5,41% 0,12% Firefox 141 — — Firefox 142 — — Firefox 143 0,90% 0,02% Firefox 144 0,45% 0,01% Firefox 145 1,35% 0,03% Firefox 146 35,14% 0,78% Firefox 147 33,33% 0,74% Firefox 148 — — Oalle variantn 100% 2,22%

D'n ountel downloads gienk rap deure met e stygend tempo sinds da Firefox 1.0 uutebrocht is, en toet 31 juli 2009 wos Firefox aol mêer of e miljard kièrs gedownload. In dièn ountel zitt'n de downloads van software-updates of die van websites van derde partyen (third-party) ni by erekend. Z' eevn gin g'bruukersountel weire, angezien dat êen download ip e masse computers kan wordn g'ïnstalleerd, dat êen persôon de software mêerdere kêers ku downloadn, of da de software via e derde partye te krygn is.

In juli 2010 vroech IBM an ol zyn weirkneemers (bykan 400.000) oem Firefox the gebruukn lik under standoardbrowser.

Firefox wos d'n twêedn mêest gebruuktn webbrowser toet an november 2011, oen Google Chrome d'rboovn sprong. Volgnst Mozilla aad Firefox mêer of 450 miljoen gebruukers aolounder oktober 2012.

In oktober 2024 wos Firefox d'n vierdn mêest gebruuktn desktopbrowser, en wos em d'n vierdn mêest populairste mè 2,95% van 't weireldwyde gebruuksandêel van webbrowsers over aolle platformn e-smeêtn.

Statistiekn van desktop/laptop browsers

Google Chrome		73,26%
Microsoft Edge		11,00%
Safari		6,18%
Mozilla Firefox		4,20%
Opera		2,23%
And're		3,13%
Marktoandêel vů desktop webbrowsers volgnst StatCounter vô februoari 2026

Volgnst 't Firefox Public Data rapport van Mozilla is 't mandelikse ountel actieve desktop-gebruukers e-zakt van round de 310 miljoen in 2017 toet 200 miljoen in 2023. Vanaf oktober 2020 begoste 't marktoandêel ip pc's van Firefox of te neemn in landn woa dat em vroeger d'n allermêest populairn wos. In Eritrea zaktege 't van 50% in oktober 2020 toet 9,32% in september 2021.

In Cuba zaktege 't van 54,36% in september 2020 toet 38,42% in september 2021.

D' overeedn van 't Verênigd Keunienkryk en de Verênigde Stoatn volgn oalle twêe de 2%-reigel. Ditte wilt zeggn da zjuuste browsers met e marktoandêel va mêer of 2% by de bezoekers va nunder websites g'oundersteund goan wordn. D'r is bezorgdheid d' oundersteunienge vů Firefox lopt the voall'n, omdat 't marktoandêel van d'n browser ounder d' bezoekers va websites va d' Amerikoansche overheid ip 29 december 2023 rond de 2,2% aongdege.

Ountvangst

Firefox èit stief vele kritiek evangn van webountwikkeloars oemda ze stief loate waarn mè 't anneemn va webstandoardn e oemda ze foutjes (bugs) diè aol decennia oud waarn ni ip'elost aadn. 't Feit dat er ginne oundersteunienge es vů "view transitions", gradiëntn en and're CSS-founcties mankeert, èit eevn'ôok vele upmerkiengn g'kreegn. Firefox oaldege mienre oge up zowêl de HTML5test lik de JetStream2 in vergelykieng mè zyn concurrent-browsers.

And're probleemn zyn een ôog batterye-verbruuk, da 't zwoar up 't systeim droait (resource intensive), 't weugoaln va tabbloard-groepn, 't g'bruuk van telemetrie, recloame in d'n zoekbalke, e verouderd downloadsysteim, the gebrek an PWA (Progressive Web Apps), en the meugelikheid diè mankeert oem tekstfragmentn uut the dêeln.

In 2025 brochte Mozilla gebruuksvôorweirdn (terms of use) uut vů Firefox, lik ne maniere oem mêer transparantie t' eevn oovr d' rechtn en toeloatiengn va d'n browser e zyn g'bruukers buten de Mozilla Public License up ze eign. 't Bedryf èit nen oop kritiek evangn round e clausule diè Mozilla een "niè-exclusieve, royalty-vrye, weireldwyde licentie" gaf oem oalle informoatie t' g'bruukn diè na Mozilla The stierd wierd by d'n gebruuk van d'n browser. De nieuwe vôorweirden wierdn aanzien lik etwuk da the privacy in e sletje trok en woarn g'motiveerd deur a verlangn oem de data va gebruukers the goan gebruukn vôor de trainienge va nunder AI-modelln. Mozilla èit dizze bewêriengn weireleid en uut'eleid dat the vôor weirdn d'r waarn oem de leesboareid t' ferbetern, transparantie the dwingen, d'ol bestaonde stille akkôordn om the zettn in de formaliteit, e d' omstandigheedn van e grytisse browser th' beschryvn, en z' eìn t'r anthoegeveugd dath de AI-founcties g'dekt zyn deur e zèlfstandig en oenofankelik akkôord. De kritiek wos vôoral gericht ip de freize da d' v'rleendn licentie heêl de g'geevns zoue upzoegn diè deire the gebruuker wierdn in'egeevn, wiel da Mozilla doarip antwoordege e zeidt dat de weizigienge "uus GÎEN eigendoem van joon g'geevns gift". Nog ginne poar doagen loater, lik reactie ip de ruzzie, v'randerdege Mozilla d'n wôordenschat van nunder privacy FAQ, woaby da z' d' belofte oem "j'n persôonlikke datan nôoit the verkopn" e-schrapten, e th' erziên'n van en and're sectie diè de klachten verweyrptn da z' gebruukersdoata oan v'rkocht. Z' uutleidn in th' plekke ôok d'at ze summegste informoatie trektn van the v'rbergboare r'cloamen alsôweêl lik chatbot-metadoata oen d'r met g'communiceerd wudt, en dat d' wettelikk' definitie van "verkopn" redelik vage wos in zekere grêchtgebiêdn.

Zie ôok

• Internet
• Linux
• Vrye software en open-source software
• Firefox User Extension Library
• Geschiedenisse van de webbrowser
• Lyste van vrye en open-source softwarepakkettn
• Mozilla Prism
• XULRunner
• Mozilla Thunderbird

Fudre leezn

• Cheah, Chu Yeow (2005). Firefox Secrets: A Need-to-Know Guide. O'Reilly. ISBN 978-0-9752402-4-3.
• Feldt, Kenneth C. (2007). Programming Firefox. O'Reilly. ISBN 978-0-596-10243-2.
• Granneman, Scott (2005). Don't Click on the Blue e!: Switching to Firefox. O'Reilly. ISBN 978-0-596-00939-7.
• Hofmann, Chris; Knous, Marcia; Hedtke, John (2005). Firefox and Thunderbird Garage. Prentice Hall PTR. ISBN 978-0-13-187004-8.
• McFarlane, Nigel (2005). Firefox Hacks. O'Reilly. ISBN 978-0-596-00928-1.
• Reyes, Mel (2005). Hacking Firefox: More Than 150 Hacks, Mods, and Customizations. Wiley. ISBN 978-0-7645-9650-6.
• Ross, Blake (2006). Firefox for Dummies. Wiley. ISBN 978-0-471-74899-1.

Externe koppelienkjes

• Officiële website
• Firefox by d'n Microsoft Store