ပေါင်းလောင်းမြစ်
| ပေါင်းလောင်းမြစ် Paunglaung River | |
|---|---|
ပေါင်းလောင်းမြစ်မြင်ကွင်း | |
| အခြားအမည်(များ) | Paunglaung River |
| အချက်အလက်များ | |
| စီးဝင်ရာနေရာ | စစ်တောင်းမြစ် |
ပေါင်းလောင်းမြစ် (အင်္ဂလိပ်: Paunglaung River) သည် မြန်မာနိုင်ငံ အလယ်ပိုင်းရှိ စစ်တောင်းမြစ်၏ လက်တက်တစ်ခုဖြစ်သည်။ ရှမ်းရိုးမတွင် မြစ်ဖျားခံကာ နေပြည်တော် ဇေယျာသီရိမြို့နယ်ကို ဖြတ်သန်းစီးဆင်းသည်။မြစ်အောက်ပိုင်းတွင် ဆင်သေချောင်း၊ ငလိုက်ချောင်းတို့နှင့် ပေါင်းဆုံကာ စစ်တောင်းမြစ်အဖြစ် မုတ္တမပင်လယ်ကွေ့သို့ စီးဝင်သည်။[၁]
ဆည်များနှင့် ရေအားလျှပ်စစ်
[ပြင်ဆင်ရန်]မြစ်အတွင်း ရေအားလျှပ်စစ်စီမံကိန်း သုံးခု တည်ဆောက်ထားလျက်ရှိသည်။[၁]
အောက်ပေါင်းလောင်း ရေအားလျှပ်စစ်စီမံကိန်း
[ပြင်ဆင်ရန်]၂၀၀၅ ခုနှစ် ဧပြီ ၁၈ ရက်တွင် စတင်လည်ပတ်ခဲ့သည်။ တပ်ဆင်အား ၂၈၀ မဂ္ဂါဝပ် (၇၀ မဂ္ဂါဝပ်စီရှိ တာဘိုင် ၄ လုံး) ရှိသည်။[၁]
အထက်ပေါင်းလောင်း ရေအားလျှပ်စစ်စီမံကိန်း
[ပြင်ဆင်ရန်]ပျဉ်းမနားမြို့နှင့် ၂၆ မိုင်အကွာတွင် တည်ရှိသည်။ ၂၀၀၅ ခုနှစ်တွင် စတင်တည်ဆောက်ခဲ့ပြီး ၂၀၁၅ ခုနှစ်တွင် ပြီးစီးခဲ့သည်။ RCC ကွန်ကရစ် တမံအမျိုးအစားဖြစ်ပြီး တပ်ဆင်အား ၁၄၀ မဂ္ဂါဝပ် (၇၀ မဂ္ဂါဝပ်စီရှိ စက် ၂ လုံး) ရှိသည်။[၁]
အလယ်ပေါင်းလောင်း ရေအားလျှပ်စစ်စီမံကိန်း
[ပြင်ဆင်ရန်]နေပြည်တော် ပျဉ်းမနားမြို့၏ အရှေ့မြောက်ဘက် ၂၀ မိုင်ခန့်အကွာ ပေါင်းလောင်းမြစ်ပေါ်တွင် အကောင်အထည်ဖော် ဆောင်ရွက်လျက်ရှိသည်။ စက်တပ်ဆင်အင်အား ၇၆ မဂ္ဂါဝပ်စီရှိ စက် ၂ လုံးဖြင့် စုစုပေါင်း ၁၅၂ မဂ္ဂါဝပ် ထုတ်လုပ်နိုင်ပြီး စီမံကိန်း ပြီးစီးပါက ၂၀၂၆-၂၀၂၇ ခုနှစ်တွင် စတင်လည်ပတ်မည်ဖြစ်သည်။ [၂]
စီးပွားရေးနှင့် လူမှုအကျိုးကျေးဇူးများ
[ပြင်ဆင်ရန်]ပေါင်းလောင်းတမံတည်ဆောက်ပြီးနောက် ပျဉ်းမနားမြို့နယ်၊ ဇီးဖြူပင်ရွာအနီးတွင် ရေလွှဲဆည် တည်ဆောက်ကာ စိုက်ပျိုးရေပေးဝေနိုင်ခဲ့သည်။မြစ်ကမ်းတစ်လျှောက် အပန်းဖြေစခန်း ၉ ခု ပေါ်ပေါက်လာပြီး ဒေသဖွံ့ဖြိုးတိုးတက်မှုကို အထောက်အကူပြုလျက်ရှိသည်။[၁]
ကိုးကား
[ပြင်ဆင်ရန်]- 1 2 3 4 5 အရိုင်းမှအယဉ် သို့မဟုတ် တာဝန်ကျေတဲ့မြစ်တစ်စင်း (in my)။ မြဝတီ (21 May 2022)။ 23 March 2026 တွင် ပြန်စစ်ပြီး။
- ↑ အလယ်ပေါင်းလောင်းရေအားလျှပ်စစ်စီမံကိန်းမှ နှစ်စဉ်လျှပ်စစ်ဓာတ်အား ကီလိုဝပ်နာရီသန်းပေါင်း ၅၃ဝ ကျော်ကို လာမည့်လေးနှစ်တွင်စတင်ထုတ်လုပ်မည် (20 May 2022)။ 22 March 2026 တွင် ပြန်စစ်ပြီး။
ပြင်ပလင့်ခ်များ
[ပြင်ဆင်ရန်][အထက်ပေါင်းလောင်း ရေအားလျှပ်စစ် – Global Energy Observatory] · [လင့်ခ်သေ]အထက်ပေါင်းလောင်း ရေအားလျှပ်စစ် – Global Energy Observatory] · ပေါင်းလောင်းဆည်၏ အကျိုးကျေးဇူးများ[လင့်ခ်သေ]
