Eurovision Song Contest 1971


16. Eurovision Song Contest
Datum	3. Abrëll 1971
Stad	Dublin (Irland)
Gebai	Gaiety Theatre
Gewënner	Séverine (Monaco)
Zuel vu Länner	18
Nei Participatiounen	Malta
Moderatioun	Bernadette Ní Ghallchoir
Interval Act	Shannon Castle Entertainers
Ofstëmmungsreegel	An der Jury vun all Land waren zwee Leit, den een ënner, den aneren iwwer 25 Joer. D'Jurore konnten all Land mindestens 1 Punkt, höchstens 5 Punkte ginn.

De 16. Eurovision Song Contest war den 3. Abrëll 1971 an Irland. Organiséiert gouf d'Eurovisioun dat Joer am Gaiety Theatre zu Dublin. Presantatrice war d'Bernadette Ní Ghallchoir.

D'Zuel vun de Länner ass nees op 18 eropgaangen, well Finnland, Norwegen, Portugal, Schweden an Éisträich, déi dat Joer virdrun ausgesat haten, nees matgemaach hunn, a Malta nei bäikomm ass.

Verschidde Sänger ware scho virdru mol eng Kéier dobäi, de Jacques Raymond fir d'Belsch 1963 an d'Katja Ebstein fir Däitschland 1970.

D'Reegel fir d'Ofstëmmung war nees geännnert ginn: An der Jury vun all Land waren zwee Leit, den een ënner, den aneren iwwer 25 Joer. D'Jurore konnten all Land mindestens 1 Punkt, héchstens 5 Punkte ginn. D'Jury konnt sou am Ganze maximal 10 Punkte verginn fir dat bescht Lidd, wat an dësem Joer awer net all Land gemaach huet. D'Jurye waren op der Plaz dobäi an hunn d'Resultater zum Schluss op der Bün bekannt ginn.

Et ass och eng nei Reegel agefouert ginn, wat d'Gréisst vun de Gruppe betrëfft, déi e Land vertriede konnten. Et waren elo Gruppe bis maximal 6 Persounen erlaabt, virdru waren et just maximal 2 Persounen.

Déi éischt Plaz krut d'Vertriederin vu Monaco, d'Séverine mat 12 Punkte Virsprong virum Karina (Spuenien). Déi drëtt Plaz krut fir d'zweet Kéier d'Katja Ebstein, déi fir Däitschland ugetruede war.

Fir Monaco war et déi éischt Kéier datt et de Grand Prix gewonnen hat.

Klassement

Plaz	Land	Interpret	Titel	Punkten
1.	Monaco	Séverine	Un banc, un arbre, une rue	128
2.	Spuenien	Karina	En un mundo nuevo	116
3.	Däitschland	Katja Ebstein	Diese Welt	100
4.	Groussbritannien	Clodagh Rodgers	Jack in the Box	98
5.	Italien	Massimo Ranieri	L'amore è un attimo	91
6.	Schweden	Family Four	Vita vidder	85
6.	Holland	Saskia & Serge	De tijd	85
8.	Finnland	Markku Aro & Koivisto Sisters	Tie uuteen päivään	84
9.	Portugal	Tonicha	Menina do alto da serra	83
10.	Frankräich	Serge Lama	Un jardin sur la terre	82
11.	Irland	Angela Farrell	One Day Love	79
12.	Schwäiz	Peter, Sue & Marc	Les illusion de nos vingt ans	78
13.	Lëtzebuerg	Monique Melsen	Pomme, pomme, pomme	70
14.	Belsch	Lily Castel & Jacques Raymond	Goeiemorgen, morgen	68
14.	Jugoslawien	Krunoslav Slabinac	Tvoj dječak je tužan	68
16.	Éisträich	Marianne Mendt	Musik	66
17.	Norwegen	Hanne Krogh	Lykken er	65
18.	Malta	Joe Grech	Marija l-Maltija	52

Um Spaweck

Amsterdam (Holland)		Edinburgh (Groussbritannien)
ESC 1970	Eurovision Song Contest	ESC 1972