Tom e Jerry

Tom e Jerry
Mari Umeki (en)
Instancia de franquía de medios serie de curtametraxes de animación  Título Tom and Jerry (en)
Características  Xénero artístico cinema de comedia filme infantil  Universo ficticio Tom & Jerry universe (en)  Personaxes Tom (Tom e Jerry) (pt) Jerry (pt)  Obra derivada Tom & Jerry and the Fast and the Furry (pt) Tom and Jerry and the Wizard of Oz (pt) Tom and Jerry: Robin Hood and His Merry Mouse (en) Tom and Jerry: Back to Oz (en) Tom & Jerry (pt) Tom and Jerry: Shiver Me Whiskers (en) Tom and Jerry Meet Sherlock Holmes (pt) Tom and Jerry: Blast Off to Mars (en) Tom and Jerry: The Magic Ring (en) Tom e Jerry: O Filme (pt) Tom and Jerry: Willy Wonka and the Chocolate Factory (pt)  Lingua orixinal lingua inglesa
Implicados  Interpretado por Mari Umeki (en)  Director/a William Hanna  Compositor/a Scott Bradley  Compañía produtora Metro-Goldwyn-Mayer  Distribuidor/a MGM Television
Datas  Data de comezo 10 de febreiro de 1940  Data de remate 8 de setembro de 1967
Cifras e dimensións Nº de episodios 164
Localización  País de orixe Estados Unidos de América
Códigos e identificadores Freebase /m/03k99c
Fontes e ligazóns
Wikidata C:Commons

Tom e Jerry é unha serie de debuxos animados creada por Hanna-Barbera para a Metro-Goldwyn-Mayer nos anos 40.

Cronoloxía

Creada no 1940 por Hanna e Barbera para a Metro-Goldwyn-Mayer. Os seus creadores escribiron e dirixiron case 114 episodios entre os anos 1940 e 1957. A serie orixinal é coñecida por gañar sete veces o premio da Academia para películas curtas animadas, competindo coa Silly Simphonies de Walt Disney como serie animada con máis Oscar. Esta coñecida serie con público de todas as idades, foi nomeada no ano 2000 pola revista Time coma unha das mellores series de todos os tempos. Comezou no 1960, rematou no 1967; facendo un total de 161 curtas. Reapareceron cos estudios Hanna-Barbera nos anos 70; sendo a curta máis recente The Karate Guard, do 27 de setembro do 2005. Polo de agora Time Warner ten os dereitos da serie. En febreiro de 2010, a serie celebrou o seu 70º aniversario, lanzando unha colección DVD de 30 curtas.

Sinopse

A serie xira en torno a loitas cómicas entre un par de inimigos típicos: un gato (Tom) e un rato (Jerry). Os argumentos das curtas adoitan centrarse nos intentos de Tom por atrapar a Jerry, que rematan normalmente en desorde e destrución. Poucas veces Tom atrapa a Jerry, principalmente pola intelixencia de Jerry, as súas habilidades e a sorte. Moitos dos títulos mostran a Tom e a Jerry sorríndose, o que parece representar unha relación amor-odio, máis que unha extrema animadversión entre eles. De feito, hai algunhas escenas nas que mostran verdadeira amizade e interese polo benestar do outro. Nas súas pelexas é común ver os típicos "gags" do veleno, explosivos, trampas etc. a pesar da súa violencia, raras veces se ve sangue na serie orixinal.

Música

A música xoga un papel moi importante, destacando a acción, axudando aos efectos de son e dando emoción ás escenas, xa que os personaxes apenas falan.

Personaxes

Tom é un gato doméstico, de pelaxe curta azul e branca. É o protagonista da historia, leva unha vida regalada; aínda que adoita vivir distintos tipos de vida; mentres que Jerry é un rato marrón, que sempre vive preto del e é o detonante da historia. A primeira vez que apareceron foi na curta "Puss Gets the Boot". Os esforzos de Tom adoitan ter por obxectivo humillar a Jerry, máis que matalo, pero case nunca o consegue. Por iso adoita saír Jerry coma vencedor, e Tom, coma perdedor. Hai outro personaxe, Spike, un bulldog gardián, que ten un fillo chamado Tyke. O seu rol na serie sempre é parecido: está intentando facer algo, cando o interrompen Tom e Jerry. El enfádase e castiga a Tom coa axuda do seu fillo. Butch é outro personaxe. É un gato negro que tamén quere atrapar a Jerry, polo que adoita rivalizar con Tom. Case sempre fala máis que Tom e Jerry.

Véxase tamén

Outros artigos

• Puss Gets the Boot