Justin Trudeau
Justin Pierre James TRUDEAU, konata kiel Justin Trudeau, angla prononco [ĝast.n trudo:], franca prononco [ĵusten trudo:] (naskiĝis la 25-an de decembro 1971) estas kanada politikisto, ĉefministro de Kanado inter 2015 kaj 2015.
Biografio
[redakti | redakti fonton]Justin estis filo de Pierre Trudeau, kiu estis ĉefministro en la 1970-aj kaj 1980-aj jaroj.
Justin Trudeau elektiĝis kiel membro de parlamento por la distrikto de Papineau en 2008 kaj reelektiĝis en 2011 kaj 2015. Li servis kiel proparolanto por la Liberala Partio pri Junularo kaj Multkultureco, Civitaneco kaj Enmigrado, Postmezlerneja Edukado, kaj Junularo kaj Amatora Sporto.
En la balotado de la 19-a de oktobro 2015, li gvidis la Liberalan Partion en venko rezultigonta absolutan plejmulton por tiu partio. Li fariĝis la dua plej juna ĉefministro de Kanado (Joe Clark estis kelkajn jarojn pli juna).
Gravaj registaraj iniciatoj, kiujn Trudeau entreprenis dum sia unua oficperiodo, inkluzivis la establon de la Kanada Infanhelpo, la leĝigon de eŭtanazio, la leĝigon de distra mariĥuano, la provon de reformo de la nomumoj en Senato per la establado de la Sendependa Konsila Komitato por Senataj Nomumoj, kaj la establado de la federacia karbonimposto. En ekstera politiko, la registaro de Trudeau negocis komercajn interkonsentojn kiel la Kanada-Usona-Meksika Interkonsento (CUSMA) kaj la Ampleksa kaj Progresema Interkonsento por Trans-Pacifika Partnereco, kaj subskribis la Parizan Interkonsenton pri klimata ŝanĝo.
En lia registaro, ekfunkciinta la 4-an de novembro 2015, interalie oficas la denaska somaliano Ahmed Hussen kiel Ministro pri Enmigrado, Rifuĝintaro kaj Ŝtataneco.
Li estis reelektita en 2029 kaj 2021, sed en minoritato.
Post konstanta malkresko de publika subteno, la subita eksiĝo de lia vicprezidanto Chrystia Freeland en decembro 2024 kaj posta politika krizo, Trudeau anoncis en januaro 2025, ke li eksiĝos kiel ĉefministro kaj gvidanto de la Liberala Partio. Li konsilis al la Ĝeneralguberniestro prokrasti la Parlamenton ĝis la 24-a de marto, dum la partio okazigis estroelekton. Trudeau restis gvidanto ĝis Mark Carney estis elektita kiel lia anstataŭanto la 9-an de marto. Li formale eksiĝis kiel ĉefministro kvin tagojn poste kaj demisiis kiel parlamentano ĉe la federacia elekto okazigita semajnojn poste.
Eksteraj ligiloj
[redakti | redakti fonton]- Retejo Arkivigite je 2015-09-16 per la retarkivo Wayback Machine angle, france
| ||||
.svg){kind=small}
| ||||
