Portugal

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Unaniezh Europa
República Portuguesa República Pertuesa
Banniel Ardamezioù ██ Lec'hiadur en Europa
Kan broadel	A Portuguesa
Yezhoù	Portugaleg (ofisiel) mirandeg (anavezet)
Kêr-benn	Lisboa
Gorread • En holl • % dour	90 090 km² 0,6
Poblañs • Hollad • Stankter	10 263 850 (2021) 114 ann./km²
Prezidant	António José Seguro
Kentañ ministr	Luís Montenegro
Gouel broadel	10 a viz Gouere
Moneiz	Euro (€)
Kod pellgomz	351
Kenrouedad	.pt

Portugal (brezhoneg: [pɔrty:gal]; portugaleg: [puɾtuˈɣaɫ]), ent-ofisiel Republik Portugalat (República Portuguesa [ʁɛ'puβlikɐ puɾtu'ɣezɐ] diouzh doare an IPA e portugaleg, República Pertuesa e mirandeg), a zo ur riez lec'hiet e mervent Europa, el Ledenez iberek, anezhi ar vro a ya ar pellañ e kornôg kevandir Europa. Harzoù he deus gant Spagn war-du an norzh hag ar reter ha riblet eo gant ar Meurvor Atlantel war-du ar su hag ar c'hornôg. Div enezeg he deus ivez er Mor Atlantel : Azorez ha Madeira. Emañ ar vro e-barzh Unaniezh Europa hag AFNA

Torre de Belém, e Lisbon.

Dont a ra anv Portugal diwar e anvadur orinel er IX^vet kantved, pa raed eus ar c'hentañ kontelezh en hanternoz Terra Portucalensis, da lavaret eo douar Portus Cale, diwar anv div gêr e beg ar stêr Douro, gant Portus (Porto a-vremañ) war he glann zehoù, ha Cale (Vila Nova de Gaia a-vremañ) war he glann gleiz.

E-kerzh ar XV^vet kantved hag ar XVI^vet kantved, gant hec'h impalaeriezh hollek, e oa unan eus galloudoù armerzhel, politikel ha sevenadurel pennañ er bed. Portugal a zo anezhi ur vro diorroet, ezel eus Unaniezh Europa (abaoe 1986) hag eus ar Broadoù Unanet (abaoe 1955); kement hag un ezel diazezer eus Takad an Euro, an AKDE, an AFNA, hag ar CPLP (Comunidade dos Países de Língua Portuguesa — Kumuniezh ar Broioù Portugalek).

Istor

Gwelet ar pennad Istor Portugal. Gwelet ivez Rouaned Portugal ha Rouanezed Portugal.

Douaroniezh

En em ledañ a ra Portugal war u lodenn eus al Ledenez iberek ha div enezeg er Meurvor Atlantel : Madeira hag an Asorez. Treuzet eo Portugal gevandirel gant an Tajo. Meneziek eo Norzh ar vro pa 'z eus plaenennoù er Su.

Politikerezh

Addilennet eo Marcelo Rebelo de Sousa da brezidant ar republik d'ar 24 a viz Genver 2021. Dilennet eo António José Seguro e 2026.

Armerzh

Unan eus an unnek stad diazezer an euro e 1999 eo Portugal.

Ezporzhiañ a ra ar vro dilhad, kirri, beloioù, boteier, produioù oberiet, parzhioù urzhiataerezh ha dafar urzhiataerezh.

Poblañs

Kreskiñ a ra ar boblañs eus 0,305 %. Kontañ a reer 10,45 ganedigezh evit 1000 annezad ha 10,62 marv evit 1000 annezad. N'eo ket adnevezaet ar boblañs eta, ar feur gouennañ o vezañ 1,49 bugel dre vaouez hepken.

Hervez an ABU e 2010 e oa 60 % eus ar Bortugaliz a oa o chom e kêr ha 40 % anezho o chom war ar maezioù.

Sevenadur

Gouelioù bras a vez lidet gant an dud, gant prosesionoù, pirc'hirindedoù, kanoù, dañsoù, gwiskamantoù hengounel. Pep kêr, bras pe bihan, he deus he sant paeron (padroeiro), ha lidet e vez ur wech ar bloaz da nebeutañ : Sant Visant ha sant Anton e Lisboa, Sant Yann hag Itron Varia ar Vandoma e Porto, Sant Theotonius e Coimbra, Sant Sisenand e Beja, Sant Pêr en Évora, Sant Eosten e Leiria, etc.