Ocho Rios
 Ocho Rios | |
|---|---|
 Vista d'Ocho Ríos Glenn Standish | |
| Alministración | |
| Reinos |  Xamaica |
| Condáu | Condáu de Middlesex |
| Parroquia | Parroquia de Saint Ann |
| Tipu d'entidá | ciudá |
| Nome oficial | Ocho Rios (es) |
| Xeografía | |
| Coordenaes | 18°23′58″N 77°06′11″W / 18.399444°N 77.103056°O |
  Ocho Rios Ocho Rios (Xamaica) | |
| Demografía | |
| Población | 16 671 hab. (2011) |
| Porcentaxe | 100% de Parroquia de Saint Ann |
| Más información | |
| Llocalidaes hermaniaes | |
 | |
Ocho Rios (en criollu xamaicanu: Ochi) ye una ciudá asitiada na costa norte de Xamaica, na parroquia de Saint Ann. Tien una población de 16 671 habitantes (2011)[1][2][3].
Antiguamente foi un pueblu de pescadores, pero agora la so principal actividá económica ye'l turismu,[4] siendo unu de los principales destinos turísticos de la islla.
La llocalidá vivió un crecimientu esplosivu nes últimes décades con tiendes llibres d'impuestos y atracciones turístiques de fama mundial.
El so puertu sirve d'escala pa cruceros y pa buques cargueros d'azucre y piedra caliar.[5]
Historia del nome
[editar | editar la fonte]El nome de Ocho Rios ye posiblemente un términu inapropiáu, porque nun hai ocho ríos na zona. Lo más probable ye que fore una mala interpretación inglesa, que deriva del nome orixinal «Les Chorreres»,[6] términu que foi utilizáu debiu a les Catarates del Ríu Dunn que s'alcuentren nes cercaníes.
Actividades turístiques
[editar | editar la fonte]
La carretera de la costa norte, dende Montego Bay a Ocho Rios foi ameyorada dende l'añu 2007 y el viaxe ye agora d'una hora y cuarenta y cincu minutos n'automóvil. El 26 d'agostu de 2011 el gobiernu de Xamaica anunció un plan donde s'invirtió munchu dineru, destináu a la revitalización de la zona turística. La ciudá tien restaurantes y clubes nocherniegos en Margaritaville y Dolphin Cove, onde los turistes pueden nalar ya interactuar coles toliñes.
Ocho Rios nel cine
[editar | editar la fonte]La ciudá apaeció en Dr. No, primera película de James Bond, que foi estrenada en 1962. Era'l llar de Miss Taro (interpretada por Zena Marshall), quien na película actuó como enemigu de Sean Connery) y n'alianza col principal villanu Dr. Julios No (interpretado por Joseph Wiseman).[7]
Ocho Rios na música
[editar | editar la fonte]Ocho Rios ye una canción de la banda de reggae arxentín Los Pericos, qu'integra los discos King Kong y 1000 Vivos, siendo esta última versión grabada en vivu. Contó cola invitación especial del arxentín Fito Páez. En esta canción, la banda, pionera na cultura reggae n'Arxentina, trata sobre la ciudá de Ocho Rios, onde'l personaxe de la canción diz: "Te escribo d'Ocho Rios".
Catarates del ríu Dunn
[editar | editar la fonte]Conocida polos sos saltos d'agua, ye l'atracción más reconocía y visitada d'Ocho Rios. La catarata cai per un acantiláu de 600 pies sol nivel del mar. Les escaleres que lleven a la cascada del ríu Dunn tan salpicaes pol agua de la catarata y permiten l'accesu de les visites hacia la estaya superior ya inferior del acantiláu. Los visitantes pueden ver la costa dende la parte superior y participar cada selmana nuna fiesta con música, baille y natación nel ríu.
Llocalidaes hermaniaes
Les ciudaes hermaniaes con Ocho Rios son:
- Cheddar (en)
(
Reinu Xuníu)[8] - Oakland (dende 1986) (
Estaos Xuníos)[9]
Ver tamién
[editar | editar la fonte]Referencies
[editar | editar la fonte]- ↑ URL de la referencia: https://statinja.gov.jm/Census/PopCensus/Popcensus2011Index.aspx. Data de consulta: 5 xunetu 2022.
- ↑ censu de población
- ↑ «Population and Housing Census 2011». Statistical Institute of Jamaica.
- ↑ Visit Jamaica. Visit Jamaica (2010-11-20). Retrieved on 2011-09-15.
- ↑ Caribbean Port Reviews, Ocho Rios Archiváu 2012-04-20 en Wayback Machine. Caribbeanportreviews.com. Retrieved on 2011-09-15.
- ↑ The Town of Ocho Rios, Jamaica. Mobay.com (2007-05-07). Retrieved on 2011-09-15.
- ↑ Dr No factfile. 007.info (1962-10-05). Retrieved on 2011-09-15.
- ↑ URL de la referencia: https://archive.ph/20120912020822/http://www.thisissomerset.co.uk/news/Credit-crunch-hits-trip-Jamaica/article-1022312-detail/article.html. Data de consulta: 5 xunetu 2022.
- ↑ URL de la referencia: https://www.oaklandca.gov/topics/international-trade-and-transportation#page-contact.
Enlaces externos
[editar | editar la fonte]
Wikimedia Commons acueye conteníu multimedia sobre Ocho Rios.
- Some information about Ocho Rios
