Addlestone

Addlestone
by
St. Paul's kyrkje i Addlestone. Foto: Michael Ford
Land	England
Region	Surrey
Distrikt	Runnymede
Areal	4,87 km²
Folketal	15 883
Postnummer	KT15
Retningsnummer	0 1932
Addlestone 51.3695°N 0.4901°W / 51.3695; -0.4901
Wikimedia Commons: Addlestone

Addlestone er ein by i Surrey i England, omtrent midtveges mellom Weybridge og Chertsey. Han er administrasjonssenter for distriktet Runnymede. Byen ligg nær kryss 11 på ringvegen M25, og har jernbanesambans til London frå Addlestone stasjon.

Historie

Namnet er av angelsaksisk opphav, og tyder truleg Attels dal, det vil seie ein dal som var eigedomen til ein person ved namn Attel. I 1241 er staden nemnd som «Attelsdene» og i 1610 er han oppført på kartet til John Speede som «Adleston».

Fram til jarnbana kom i 1848 var Addleston ikkje så mykje meir enn ei klynge småhus rundt The George, det eldste vertshuset i byen. På grunn av nærleiken til Weykanalen frå det 1600-talet og Basingstokekanalen frå 1700-talet voks det fram noko industri der. Det viktigaste føretaket var Coxes Lock mølle, ei vassmølle som dreiv eit jernverk på 1700-talet.

I 1838 vart det bygd ei kyrkje i Addlestone, og i 1857 vart eit eige sokn oppretta. Det kom meir industri til byen, blant anna Louis Blériot sin flyfabrikk.

Trivia

I H.G. Wells-boka Klodenes krig landa det andre av ti romskip på Addlestone Golf Links.

Croach Oak er eit eiketre som står i Addlestone. Det blir sagt å vere eit av dei eldste i England. Treet var lenge kjent som Wycliffe's Oak, etter John Wyclif som skal ha halde preiker på staden, utan av det er kjent om han verkeleg gjorde det. I 1810 vart det sett opp eit gjerde rundt det, fordi lokale ungjenter reiv av bork for å lage ein kjærleiksdrykk og dermed nesten tok livet av treet.

Kjelder

• Denne artikkelen bygger på «Addlestone» frå Wikipedia på bokmål, den 18. juli 2011.

Bakgrunnsstoff

Commons har multimedium som gjeld: Addlestone

• Offisiell nettstad