Callitris

Callitris
Nome taxon     Callitris Étienne Pierre Ventenat 1808
Instancia de taxon  Categoría taxonómica xénero  Sinónimo taxonómico Frenela Octoclinis
Clasificación taxonómica
Reino Plantae  Clase Pinopsida  Orde Pinales  Familia Cupressaceae  Subfamilia Thujoideae  Xénero Callitris Vent., 1808 Callitris
Códigos e identificadores Freebase /m/05s2r0 ITIS 184096 OTT 1080797 CoL C6JTP EOL 14998 WFO wfo-4000006115
Wikidata G:Commons C:Commons

Callitris pancheri (en primeiro plano), no seu ambiente natural, nas Chutes de la Madeleine, Nova Caledonia.

Callitris é un xénero de coníferas da familia das cupresáceas (Cupressaceae), subfamilia das calitroideas (Callitroideae).

Actualmente recoñécnse dentro do xénero 16 especies, das que 13 son propias de Australia e as outras 3 (C. neocaledonica, C. pancheri e C. sulcata) son endémicas de Nova Caledonia.

Características

As principais características da plantas deste xénero son:

• Son pequenas ou medianas árbores ou grandes arbustos perennifolios, que miden de 5 a 25 m de altura, chegando até os 40 m en C. macleayana.
• As follas son escamentas, excepto nas plantas novas de sementeiros, que son aciculares; en C. macleayana as follas aciculares encóntranse mesturadas coas escamentas ao longo de toda a vida da árbore. As escamas están dispostas en seis fileiras ao longo das ramiñas, en verticilos de tres (frecuentemente en verticilos de catro en C. macleayana).
• conos masculinos son pequenos, de 3 a 6 mm de lonxitude, e se encontran no extremo esterior das ramiñas.
• Os conos femininos son igualmnte inconspicuos, madurando tras 18 ou 20 meses, e miden de 1 a 3 cm de longo e de ancho; son de forma de globular a ovoide (agudos en C. macleayana), e teñen seis escamas superpostas, grosas, leñosas, dispostos en dous verticilos de tres (a miúdo, 8 escamas en C. macleayana).
• As piñas permanecen pechadas nas árbores durante moitos anos, abrindo soamente despois de ser queimadas nun incendio; daquela, liberan as sementes, que xerminan no solo queimado.

Taxonomía

Descrición

O xénero foi descrito en 1808 polo botánico e relixioso francés Étienne Pierre Ventenat, na súa obra Decas Generum Novorum, aut parum Cognitorum.

Especies

Conos de Callitris verrucosa

Callitris glauca

O xénero inclúe as especies seguintes:

• Callitris baileyi
• Callitris canescens
• Callitris columellaris
• Callitris drummondii
• Callitris endlicheri
• Callitris macleayana
• Callitris monticola
• Callitris muelleri
• Callitris neocaledonica
• Callitris oblonga
• Callitris pancheri
• Callitris preissii
• Callitris rhomboidea
• Callitris roei
• Callitris sulcata
• Callitris verrucosa

Sinónimos

O xénero coñécesa tamén polos sinónimos seguintes:

• Frenela Mirb.
• Cyparissia Hoffmanns.
• Octoclinis F. Muell.
• Leichhardtia T. Steph. ex Gordon
• Nothocallitris A. V. Bobrov & Melikyan
• Neocallitropsis Florin

Etimoloxía

O nome científico Callitris é un derivado irregular do elemento latino calli-, calco do grego antigo καλλί- kallí-, que deriva de κάλλοσ kállos, "beleza", "fermosura".

Véxase tamén

Bibliografía

• Farjon, A. (2005): Monograph of Cupressaceae and Sciadopitys. Royal Botanic Gardens, Kew. ISBN 1-8424-6068-4.
• Farjon, A. (2010): A Handbook of the World's Conifers. 2 Vols. Leiden: Koninklijke Brill. ISBN 978-9-0474-3062-9.
• Rushforth, Keith D. (1987): Conifers. Nova York City, Nova York, USA: Facts on File. ISBN 978-0-8160-1735-5. ISBN 0-7470-2801-X.

Outros artigos

• Cupresáceas

Ligazóns externas

• Callitris Ventenat 1808 en The Gymnosperm Database.
• Callitris na EOL.
• Callitris Arquivado 12 de xaneiro de 2018 en Wayback Machine. en Fossilworks.