Saso
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un saso[1] ye una plana alta acabada en uns baixadons abocaus enta una plana mes gran a on que ye bien visible. A sobén o suyo suelo ye un cascallo[2]. En muitas zonas d'a Depresión d'Ebro corresponde a faixas fluvials, pero en bel lugar d'a ribera d'Ebro u Monegros tamién se dice saso a un pueyo u cabezo conservando o significau etimolochico orichinal en latín.
Etimolochía
[editar | modificar o codigo]A palabra aragonesa saso provién d'o latín SAXUM ("penya"), y ye recurrent en a toponimia d'os Pireneus y val d'Ebro. Tamién trobamos o toponimo sasa que ye a fosilización d'o plural neutro SAXA.
Lista de Sasos
[editar | modificar o codigo]- Sasé.
- Saso de Biota.
- Saso d'Osera.
- Saso de Sant Mateu de Galligo.
- Sierra de la Cantera d'el Saso (en los termins municipals d'Andorra y Alcorisa, pero muito vistable dende Calanda).
- El Saso y el Sasillo, d'Albalate del Arzobispo
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) Juan Antonio Frago Gracia: Toponimia navarroaragonesa del Ebro (IV): Orónimos. Archivo de Filología Aragonesa. ISSN 0210-5624, Vol. 30-31, 1982 , pachinas. 23-62
Bibliografía
[editar | modificar o codigo]- (es) Juan Antonio Frago Gracia: Toponimia navarroaragonesa del Ebro (IV): Orónimos. Archivo de Filología Aragonesa. ISSN 0210-5624, Vol. 30-31, 1982, pachinas. 23-62.
