KLM Royal Dutch Airlines

KLM Royal Dutch Airlines
Org.form	Naamloze vennootschap
Bransje	Freight air transport, passenger air transport, lufttransport
Skipa	7. oktober 1919
Eigar	Air France–KLM
Morselskap	Air France–KLM
Dotterselskap	KLM uk, NLM CityHopper, KLM Cityhopper, Transavia, KLM Interinsulair Bedrijf, KLM Aerocarto, KLM West-Indisch Bedrijf
Hovudkontor	Amstelveen
Land	Nederland
Tenester	Airbus A330, Boeing 777, Boeing 747-400, McDonnell Douglas MD-11, Boeing 737 Next Generation, Boeing 787, Lockheed L-188 Electra, Convair CV-240-familien, Douglas DC-2, Douglas DC-3, Douglas DC-4, Douglas DC-5, Douglas DC-6, Douglas DC-7, Douglas DC-8, McDonnell Douglas DC-9, Convair CV-340, Convair CV-880, Vickers Viscount, Lockheed L-049 Constellation, Lockheed L-749 Constellation, Lockheed L-1049 Super Constellation, McDonnell Douglas DC-10, Fokker F-27, Fokker 50, Fokker 100, Airbus A310
Grunnleggjar(ar)	Albert Plesman
Adm.dir.	Pieter Elbers
Resultat	449 000 000 euro (2019)
Nettstad	https://www.klm.com

KLM Royal Dutch Airlines (òg berre KLM, eller Koninklijke Luchtvaart Maatschappij) er eit nederlandsk flyselskap. Selskapet vart grunnlagt i 1919. I 2004 fusjonerte KLM med Air France til Air France-KLM. Begge selskapa driv enno under eigne namn, men samarbeider tett.

KLM har eit utstrekt rutenettverk i Noreg, og opererer flygingar frå basen sin på Schiphol lufthamn utanfor Amsterdam til Bergen, Oslo, Ålesund, Kristiansand, Sandefjord, Stavanger og Trondheim.

Historie

Hovudkvarteret til KLM

KLM vart etablert den 7. oktober 1919, noko som gjer det til det eldste flyselskapet i verda som framleis opererer under det opphavlege namnet sitt. Selskapet starta operasjonar året etter, med ei flyging frå London til Amsterdam. Det gjekk eit år til før selskapet byrja å operera ruteflygingar.

Innan 1926 hadde KLM faste flygingar til Amsterdam, Rotterdam, Brussel, Paris, London, Bremen, København og Malmö. Selskapet starta òg tidleg med interkontinentale operasjonar, og hadde allereie i 1929 ei flyrute til Nederlandsk Austindia (noverande Indonesia). Selskapet opna noke år seinare nok ei interkontinental rute mellom Amsterdam og Curaçao.

Flåten og talet på destinasjonar voks i takt med den aukande passasjermengda. Drifta til selskapet opphøyrde under andre verdskrigen, men vart raskt reetablert etter slutten av krigen. Selskapet gjekk til innkjøp av endå større fly gjennom 1960-, 70- og 80-talet, og danna i 1989 ein allianse med det amerikanske flyselskapet Northwest Airlines. I 2008 vart Northwest Airlines slått saman med Delta Airlines, og KLM heldt fram dette samarbeidet. Det norske flyselskapet Braathens var òg medlem av denne alliansen fram til det fusjonerte med SAS i 2004. KLM er i dag medlem av flyalliansen SkyTeam.

Kjelder

• Denne artikkelen bygger på «2. januar 2020» frå Wikipedia på bokmål, den 9. januar 2020.

Bakgrunnsstoff

Commons har multimedium som gjeld: KLM Royal Dutch Airlines

• Offisiell nettstad