ⵜⴰⵙⵏⴰ ⵏ ⵓⵙⵏⵓⴱⴳ
ⴰⵏⵙⵓⴼ ⵉⵙⵙⵓⵏ ⴳ ⵡⵉⴽⵉⴱⵉⴷⵢⴰ
ⴰⵙⴰⵎⵓ ⵉⵍⴻⵍⵍⵉ ⵏⵏⴰ ⴳ ⵉⵣⵎⵔ ⴽⵓ ⵢⴰⵏ ⴰⴷ ⵉⵜⵜⴰⵔⴰ
|
ⴰⵎⴹⴰⵏ ⵏ ⵉⵏⵙⵎⵔⴰⵙⵏ: 45 |
|
ⴰⵏⵎⵓⴳⴳⴰⵔ ● ⵉⵎⵓⵙⵙⵓⵜⵏ ⴷ ⵉⵎⵣⵉⵣⵡⵔⵏ ● ⵙⵎⵎⵓⵙⵜ ⵜⵔⵙⴰⵍ ⵏ ⵡⵉⴽⵉⴱⵉⴷⵢⴰ ● ⵉⵙⵡⵉⵔⵏ ⵏ ⵉⵎⴰⴳⵔⴰⴷⵏ ● ⵥⵕ ⵓⴳⴳⴰⵔ ● Read in English | |
ⴰⵎⵏⵏⵉ ⵓⴼⵔⵉⵏ
ⵉⵎⵓⵔⴰⵏ ⵏⵖ ⵙ ⵢⵉⵙⵎ ⵏⵏⵙ ⴰⵖⵣⵣⴰⴼ ⵙⴰⵜ ⵜⴹⴹⴰⵏⴳⵉⵡⵉⵏ ⵉⵎⵓⵔⴰⵏ ⴷ ⵢⴰⵏ ⵓⴼⵉⵍⵎ ⵙⴳ ⵉⴼⵉⵍⵎⵏ ⵏⵏⴰ ⴱⴰⵀⵔⴰ ⵉⵜⵜⵢⵓⵙⵙⴰⵏⵏ ⴳ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵜⴰⵎⵖⵔⵉⴱⵉⵜ. ⴷ ⵉⴳ ⵓⵙⵓⴼⵖ ⵏ ⵓⴼⵉⵍⵎ ⴰⴷ ⴳ ⵜⵣⵡⵉⵔⵉ ⵏ ⵜⵏⵉⴼⴹⵜ ⵜⵉⵙ ⴽⵕⴰⴹⵜ, ⵙ ⵓⵥⵍⴰⵢ ⴳ ⵏⵓⵡⴰⵏⴱⵉⵔ 2001, ⵢⴰⵜ ⵜⵉⵣⵉ ⵜⴰⵎⵖⵜⴰⵙⵜ ⵏⵏⴰ ⵓⵔ ⵉⴳⵉⵏ ⵖⴰⵙ ⵢⴰⵜ ⵜⵎⵔⵏⴰ ⵜⴰⵎⵓⵟⵟⵓⵏⵜ ⵉ ⵓⴼⴰⵔⵙ ⴰⵙⵉⵏⵉⵎⴰⵢ ⴰⵎⴰⵣⵉⵖ, ⵎⴰⵛⴰ ⵉⴳⴰ ⵢⴰⵏ ⵓⵙⵎⴰⵍ ⵙ ⵜⵏⵡⵉⵜ ⵜⴰⵎⴰⵍⵍⴰⵙⵜ ⵜⴰⵎⵥⵕⴰⵡⵜ ⵍⵍⵉ ⵉⵣⵔⵉⵏ ⴰⴷⵔⵉⵣ ⵏ ⵓⴼⵓⵍⴽⵍⵓⵕ ⴰⵊⵓⵎⵎⴰⵎ ⴰⴼⴰⴷ ⴰⴷ ⵏⵏ ⵜⴳⴹ ⴳ ⵢⴰⵜ ⵜⴷⵡⴰⵏⵜ ⵜⴰⴼⵍⵙⴰⴼⵜ. ⴷ ⵉⵥⴹⴰⵕ ⵓⵎⵙⵙⵓⴼⵖ ⵄⴱⴷⵓⵍⵍⴰⵀ ⴹⴰⵕⵉ ⴷ ⵓⵙⵉⵏⴰⵔⵉⵙⵜ ⵍⵃⵓⵙⴰⵢⵏ ⵎⵔⴰⴱⵃ ⴰⴷ ⵙⵏⵓⵍⴼⵓⵏ ⵢⴰⵏ ⵡⴰⴷⴷⴰⴷ ⵏ ⵓⵎⵙⴰⵙⴰ ⴷ ⵜⵎⵓⵏⵜ ⵜⴰⴼⵔⵢⴰⵏⵜ ⴷⴰⵔ ⵓⴳⴷⵓⴷ, ⵙⵍⴰⵡⴰⵏ ⴰⴽⴽⵯ ⴳⵔ ⵉⵎⵙⴷⵍⵙⴰⵏ ⴷ ⵉⵎⵔⵣⵓⵜⵏ ⵏ ⵜⵙⴷⴰⵡⵉⵜ, ⵡⵉⵍⵍⵉ ⵥⵕⴰⵏⵉⵏ ⴳ ⵜⵡⵓⵔⵉ ⴰⴷ ⵢⴰⵜ ⵜⵉⵙⵉⵜ ⵏⵏⴰ ⴳ ⴰⵔ ⵏⵏ ⵥⵕⵕⴰⵏ ⵜⴰⵎⴰⴳⵉⵜ ⴷ ⵉⵥⵓⵕⴰⵏ ⵏⵏⵙⵏ ⴳ ⵢⴰⵏ ⵓⵣⵓⵔⵜ ⴰⵏⵎⵖⵔⴰⴷ ⵉⵙⴰⵇⵙⴰⵏ ⵜⵉⵍⵍⵉⵜ. ⴷ ⵀⴰⵜ ⴰⴼⵉⵍⵎ ⴰⴷ, ⵍⵍⵉ ⵢⵓⵎⵥⵏ ⵢⴰⵜ ⵜⵓⵙⵏⵜ ⴷ ⵢⴰⵏ ⵓⵙⵉⵜⴳ ⴰⴳⵔⴰⵖⵍⴰⵏ ⴳ ⵜⵓⴳⴷⵜ ⵏ ⵉⵍⵎⵓⴳⴳⴰⵔⵏ ⴰⵎⵎ ⵡⵉⵏ ⵍⵇⴰⵀⵉⵕⴰ ⴷ ⵢⵉⵙⵏⵉ ⵏ ⵡⵓⵔⵖ, ⵓⵔ ⵉⵇⵇⵉⵎ ⵖⴰⵙ ⴳ ⵓⵙⵎⵓⵜⵜⵉ ⵏ ⵜⵉⵍⴰⵡⵜ, ⵎⴰⵛⴰ ⵢⵓⵍⵙ ⵉ ⵓⵙⵙⵉⵍⵖ ⵏ ⵜⵎⴽⵜⵉⵜ ⵜⴰⵎⴳⵔⵓⵜ ⵙ ⵓⵎⵉⵥⴰⵕ ⵏ ⵓⵜⵉⵍⵉⴼⵉⵣⵢⵓⵏ ⵍⵍⵉ ⵉⵙⵎⵓⵏⵏ ⵜⴰⵡⵊⵉⵡⵉⵏ ⵖⴼ ⵢⴰⵜ ⵜⵎⵙⴰⵔⵜ ⵜⴰⵏⴼⴳⴰⵏⵜ ⵜⴰⴽⵙⵡⴰⵜ, ⴰⵢⵍⵍⵉ ⵜ ⵢⵓⴷⵊⴰⵏ ⴰⴷ ⵉⵙⵔⵙ ⵜⵉⵔⵙⴰⵍ ⵏ ⵢⴰⵜ ⵜⴼⵔⴽⵜ ⵜⴰⵎⴰⵢⵏⵓⵜ ⴳ ⵓⵎⵣⵔⵓⵢ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵜⴰⵎⵖⵔⴰⴱⵉⵜ, ⵍⵍⵉⴳ ⴷⴰ ⵜⴻⵜⵜⵎⵏⴰⵍⴰ ⵜⴷⵖⵔⴰⵏⵜ ⴰⴽⴷ ⵉⵡⵏⴳⵉⵎⵏ ⵉⵏⵎⵖⵔⴰⴷⵏ.
ⴷ ⵉⴱⴷⴷ ⵓⴼⵉⵍⵎ ⵖⴼ ⵢⴰⵜ ⵜⵓⵙⵔⵉⵙⵜ ⵜⴰⵏⵉⵍⵍⵉⵜ ⵉⴷⵓⵙⵏ ⵍⵍⵉ ⵉⵙⴽⵔ ⴳ ⵉⵔⴼⵓⴼⵓⵏⵏ ⴷ ⵡⵓⵙⵎⴰⵏⵏ ⵢⴰⵏ ⵓⴼⵉⵍⵓ ⵍⵍⵉ ⵉⵙⴳⴰⴷⴷⴰⵢⵏ ⵜⵓⴷⵔⵜ ⵏ ⵓⴼⴳⴰⵏ, ⵍⵍⵉⴳ ⴷⴰ ⵢⴰⴽⴽⴰ ⵓⵙⵉⵏⴰⵔⵢⵓ ⵢⴰⵜ ⵜⴰⵏⵏⴰⵢⵜ ⵜⴰⵥⵕⴰⵢⵣⵜ ⵉⵎⵢⴰⴱⴱⴰⵢⵏ ⴷ ⵜⴼⵍⵙⴰⴼⵜ ⵏ ⵛⵓⴱⵏⵀⴰⵡⵔ, ⵜⵙⵙⴷⴷⵉⴷ ⵎⴰⵙ ⴷ ⴰⴼⴳⴰⵏ ⴷⴰ ⵉⵙⵙⵏⵜⴰⵢ ⵜⵓⴷⵔⵜ ⵏⵏⵙ ⵙ ⵉⵎⵟⵟⴰⵡⵏ ⴷ ⴰⵔ ⵜⵜ ⵙⵉⵙⵏ ⵉⵙⴳⵓⵔⵓ, ⴷ ⵓⵢⵍⵍⵉ ⵉⵍⵍⴰⵏ ⴳⵔⴰⵜⵙⵏ ⵓⵔ ⵉⴳⵉ ⴰⴱⵍⴰ ⵉⴳⵣⵎⴰⵏ ⵏ ⵓⵏⵀⵉⵜⵜⴼ. ⵜⴰⵏⵏⴰⵢⵜ ⴰⴷ ⴷⴰ ⵜⵙⴽⴰⵔ ⴳ ⵜⵓⴷⵔⵜ ⵢⴰⵜ ⵜⵏⵢⵓⴷⴷⵓⵜ ⵉⵥⵥⴰⵢⵏ ⵙ ⵉⵏⵣⴳⵓⵎⵏ ⴷ ⵡⵓⵥⵓⴹⵏ, ⵍⵍⵉⴳ ⴷⴰ ⵉⵜⵜⵉⵍⵉⵃ ⵓⵏⴰⵎⴽ ⴰⴷⵜⵜⴰⵏ ⴹⴰⵕⴰⵜ ⵏ ⵓⴳⵓⴷⵉ ⵏ ⵡⴰⵔⵔⵓⴱ ⴰⴽⵓⵢⴰⵙⵙ.
ⴰⵎⵏⵏⵉ ⴰⵚⴱⵃⴰⵏ
ⴰⵣⵡⴰⵇ (ⵙ ⵜⵏⴳⵍⵉⵣⵜ: Mercury), (ⵉⵏⵉⴳⵍ: ☿) ⵉⴳⴰ ⴰⵎⵜⵉⵡⴳ ⴰⵎⵥⵢⴰⵏ ⴳ ⵓⵏⴳⵔⴰⵡ ⴰⴼⵓⴽⴰⵏ ⴷ ⵡⴰⵍⵍⵉ ⴰⴽⴽⵯ ⵢⴰⵥⵏ ⵉ ⵜⴰⴼⵓⴽⵜ. ⴷⴰ ⵉⵜⵜⴽⴽⴰ ⴳ ⵓⵥⵢⴰⵕ ⵏⵏⵙ ⵖⴼ ⵜⴰⴼⵓⴽⵜ ⵖⴰⵙ 88 ⵏ ⵡⴰⵙⵙ ⵏ ⵡⴰⴽⴰⵍ, ⵡⴰⵍⵍⵉ ⴰⴽⴽⵯ ⵉⴳⵣⵣⵓⵍⵏ ⴳⵔ ⵉⵎⵜⵉⵡⴳⵏ ⴰⴽⴽⵯ ⵏ ⵓⵏⴳⵔⴰⵡ ⴰⴼⵓⴽⴰⵏ. ⵢⵓⵡⵉ ⴷ ⵉⵙⵎ ⵏⵏⵙ ⵙⴳ ⵢⴰⵏ ⵡⴰⴽⵓⵛ ⴰⵕⵓⵎⴰⵏⵉ ⵉⵙⵎ ⵏⵏⵙ ⵎⵉⵔⴽⵓⵔⵢⵓⵙ, ⴰⵎⴰⵣⴰⵏ ⵏ ⵡⴰⴽⵓⵛⵏ.
ⴷⴰ ⵉⵙⵙⵓⵜⵓⵍ ⵓⵣⵡⴰⵇ ⴳ ⵓⵥⵢⴰⵕ ⴰⵏⴰⵏⴰⵢ ⵉⵙⵙⵓⵜⵓⵍⵏ ⵙ ⵜⵎⵏⵛⴽⵜ ⵏ 3:2, ⴰⵢⴰⴷ ⵉⵙⵙⵓⵎⴽ ⵎⴰⵙ ⴷⴰ ⵉⵙⵙⵓⵜⵓⵍ ⵖⴼ ⵓⴳⵍⵍⵓⵙ ⵏⵏⵙ ⴽⵕⴰⴹⵜ ⵜⴽⴽⴰⵍ ⴳ ⴽⵓ ⵙⵏⴰⵜ ⵜⵙⵓⵜⴰⵍ ⵖⴼ ⵜⴰⴼⵓⴽⵜ. ⵜⴽⵜⵓⵔ ⵜⵊⵓⵎⵎⴰ ⵏ ⵓⵣⵡⴰⵇ ⵙ ⵉⵎⴰⵡⵏ ⵏ ⵉⴱⵓⵔⴽⴰⵏⵏ, ⵢⵉⵔⵡⵉⵙ ⴰⵢⵢⵓⵔ ⵏⵏⵖ, ⴰⵢⵍⵍⵉ ⵉⵎⵎⴰⵍⵏ ⵎⴰⵙ ⴷ ⵜⵓⵥⴽⵉⵡⵜ ⵏⵏⵙ ⵜⴰⵙⵏⴰⴽⵍⴰⵏⵜ ⵜⴳⴰ ⵜⴰⵔⵓⵥⵡⵉⵕⵜ ⴳ ⵉⴳⵏⴷⵉⴷⵏ ⵏ ⵉⵙⴳⴳⵯⴰⵙⵏ. ⴰⵛⴽⵓ ⵓⵔ ⴷⴰⵔⵙ ⵜⵍⵍⵉ ⵜⴳⵏⵡⵜ ⵉⴷⵓⵙⵏ ⴰⴼⴰⴷ ⴰⴷ ⵜⴰⵊⵊ ⵜⵉⵔⵖⵉ, ⵍⵍⴰⵏ ⴳⵉⵙ ⵉⵡⵍⵉⵡⵍⵏ ⵉⵎⵇⵔⴰⵏⵏ ⴳ ⵜⵙⴽⵯⴼⴰⵍ ⵏ ⵜⵔⵖⵉ, ⵙⴳ -173 °C (100 ⴽ) ⴳ ⵢⵉⴹ ⴰⵔ 427 °C (700 ⴽ) ⴳ ⵓⵣⴰⵍ ⴳ ⵜⵙⴳⵉⵡⵉⵏ ⵜⵉⵎⵏⴰⵏⴰⴹⵉⵏ.
ⵉⴳⴰ ⵓⵣⵡⴰⵇ ⴰⵎⵜⵉⵡⴳ ⴰⵎⵙⵙⵓⵍⴻⵍ ⵏⵏⴰ ⵖⵓⵔ ⵉⵍⵍⴰ ⵓⵖⵢⴰⵢ ⴰⵎⵇⵔⴰⵏ ⵏ ⵡⵓⵣⵣⴰⵍ ⵉⵜⵜⴳⴳⴰⵏ ⴳⵔ 60% ⴷ 70% ⵏ ⵜⵙⴰⴽⴰⵢⵜ ⵏⵏⵙ ⵜⴰⵎⵖⵔⵓⴷⵜ. ⴰⵖⵢⴰⵢ ⴰⴷ ⴰⵎⵇⵔⴰⵏ ⴰⵢⴷ ⵉⵙⵏⵓⵍⴼⵓⵏ ⵉⴳⵔ ⴰⵎⴰⴳⵏⵉⵜ ⵏ ⵓⵣⵡⴰⵇ, ⵍⵍⵉ ⵎⵉ ⵉⵍⴽⵎ ⵓⴷⵡⴰⵙ ⵏⵏⵙ ⴰⵜⵜⴰⵢⵏ ⵏ 1% ⵏ ⵡⵉⵏ ⵡⴰⴽⴰⵍ. ⵉⵎⵔⴰ ⵓⵙⵏⴰⵖⵙ ⵏ ⵓⵣⵡⴰⵇ ⴰⵛⴽⵓ ⵢⴰⵥ ⵉ ⵜⴰⴼⵓⴽⵜ, ⵎⴰⵛⵛ ⵉⵜⵜⵓⵙⵙⴰⵏ ⵙⴳ ⵣⵉⴽⴽ. ⵙⵏⴰⵜ ⵜⵎⵙⵙⵓⴷⵓⵜⵉⵏ ⵏ ⵓⵙⴰⵢⵔⴰⵔ ⵖⴰⵙ ⴰⵢⴷ ⵉⵔⵣⴼⵏ ⴰⵣⵡⴰⵇ: ⵎⴰⵔⵉⵏⵔ 10 ⵍⵍⵉ ⵉⵙⴽⵔⵏ ⴽⵕⴰⴹⵜ ⵜⵙⵓⵜⴰⵍ ⴳ ⵜⵙⴰⵎⵔⴰⵡⵉⵏ ⵏ ⵜⴰⵙⵓⵜ ⵉⵣⵔⵉⵏ, ⴷ ⵎⴰⵙⵙⴰⵏⵊⵔ ⵍⵍⵉ ⵉⵜⵜⵢⴰⵣⴰⵏⵏ ⴳ 2004 ⴷ ⵜⵙⵎⴷ ⵓⴳⴳⴰⵔ ⵏ 4,000 ⵏ ⵜⵙⵓⵜⴰⵍ ⵖⴼ ⵓⵎⵜⵉⵡⴳ ⵙⴳ 2011 ⴰⵔ 2015. ⵜⴰⵎⵙⵙⵓⴷⵓⵜ ⴱⵉⴱⵉⴽⵓⵍⵓⵎⴱⵓ, ⵜⵍⵍⴰ ⵖⵉⵍⴰ ⴳ ⵓⴱⵔⵉⴷ ⵖⵔ ⵓⵣⵡⴰⵇ ⴷ ⵔⴰⴷ ⵜⵍⴽⵎ ⴳ ⵓⵙⴳⴳⵯⴰⵙ ⵏ 2025.
ⴰⵎⵏⵏⵉ ⵓⵙⵎⵉⴷ
ⵊⴰⴷ ⵍⵎⴰⵍⵃ ⴷ ⵢⴰⵏ ⵓⵏⴰⵥⵓⵕ ⴷ ⵓⵎⵙⴹⵚⵉ ⴰⵎⵖⵔⵉⴱⵉ ⵙⴳ ⵜⵡⵊⴰ ⵏ ⵡⵓⴷⴰⵢⵏ ⵉⵎⴰⵣⵉⵖⵏ, ⵉⵍⵓⵍⵏ ⴳ ⵜⴳⵎⵎⵉ ⵜⵓⵎⵍⵉⵍⵜ ⴰⵙⴳⴳⵯⴰⵙ ⵏ 1971 ⴳ 19 ⵉⴱⵔⵉⵍ. ⵉⵏⴽⵔ ⴷ ⴳ ⵢⴰⵜ ⵜⵡⵏⵏⴰⴹⵜ ⵜⴰⵥⵓⵕⴰⵏⵜ, ⴰⵔ ⵉⵙⴰⵡⴰⵍ ⴽⵉⴳⴰⵏ ⵏ ⵜⵓⵜⵍⴰⵢⵉⵏ, ⵉⵙⵙⵏ ⵜⴰⴷⴰⵔⵉⵊⵜ ⵜⴰⵎⵖⵔⵉⴱⵉⵜ, ⵜⴰⴼⵕⴰⵏⵚⵉⵚⵜ, ⴷ ⵜⵄⵉⴱⵔⵉⵜ ⴷ ⵜⵓⵜⵍⴰⵢⵜ ⵜⴰⵢⵎⵎⴰⵜ ⵏⵏⵙ ⵍⵍⵉ ⵜⵜ ⵉⴳⴰⵏ ⴷ ⵜⵎⴰⵣⵉⵖⵜ.
ⵉⵍⵓⵍ ⵊⴰⴷ ⵍⵎⴰⵍⵃ ⴳ ⵜⴳⵎⵎⵉ ⵜⵓⵎⵍⵉⵍⵜ ⴳ ⵢⴰⵜ ⵜⵡⵊⴰ ⵜⴰⵎⵖⵔⵉⴱⵉⵜ ⵜⴰⵎⴰⵣⵉⵖⵜ ⴷ ⵜⵓⴷⴰⵢⵜ, ⵉⴽⴽⴰ ⵜⵜ ⵉⵏⵏ ⴱⴰⴱⴰⵙ ⴰⵔ ⵉⵙⴽⴰⵔ ⴰⵙⵎⴷⵢⴰ ⴰⵏⵙⵙⴰⵙⵎ ⵣⵓⵏ ⴷ ⵜⴰⵔⴰⵎⵙⵓⵜ, ⴰⵢⴰⵏⵏ ⴰⴷ ⵜ ⵢⵓⵊⵊⴰⵏ ⴰⴷ ⵉⵏⵏⵖⵣⵍ ⵙ ⵜⵥⵓⵕⵉ ⵙⴳ ⵎⵥⵥⵉ ⵏⵏⵙ. ⴹⴰⵕⵜ ⵏ ⵜⵖⵔⵉ ⵏⵏⵙ ⵜⴰⵎⵏⵣⵓⵜ ⴷ ⵜⵙⵉⵏⴰⵏⵜ ⴳ ⵍⵎⵖⵔⵉⴱ, ⵉⴼⴼⵖ ⴳ ⵓⵡⵜⴰⵢ ⵏ ⵙⴰ ⴷ ⵎⵔⴰⵡ ⵏ ⵓⵙⴳⴳⵯⴰⵙ ⵖⵔ ⴽⴰⵏⴰⴷⴰ ⴰⴼⴰⴷ ⴰⴷ ⵉⵖⵔ ⵜⵉⵎⴰⵙⵙⴰⵏⵉⵏ ⵜⵉⵙⵔⵜⴰⵏⵉⵏ ⴳ ⵜⵙⴷⴰⵡⵉⵜ ⵏ ⵎⵓⵏⵜⵔⵢⴰⵍ. ⴳ ⵓⵙⴳⴳⵯⴰⵙ ⵏ 1992, ⵉⵎⵎⵓⵜⵜⵉ ⵖⵔ ⴱⴰⵔⵉⵣ ⴷ ⵉⵙⴱⵓⵖⵍⴰ ⵜⴰⵎⴼⴽⵉⵜ ⵙ ⵜⵖⵔⵉ ⵏ ⵜⵥⵓⵕⵉ ⴳ ⵜⵉⵏⵎⵍ ⵜⴰⵅⴰⵜⴰⵔⵜ «ⴽⵓⵔ ⴼⵍⵓⵔⴰⵏ». ⵜⵙⵙⵏⵜⵉ ⵜⵡⴰⴷⴰ ⵏⵏⵙ ⴳ ⵉⵎⵣⴳⵓⵏⵏ ⵉⴼⵕⴰⵏⵚⵉⵚⵏ ⴳ 1995, ⵎⴰⵛⴰ ⴰⵙⵏⵜⵉ ⵏⵏⵙ ⴰⴷⵜⵜⴰⵏ ⵉⵍⵍⴰ ⵏⵏ ⴷⴰⵔ ⵙⵉⵏ ⵉⴼⵕⵕⵉⵊⵏ ⵉⵎⵙⴹⵚⴰⵢⵏ ⵏⵏⵙ ⵍⵍⵉ ⵜⵏ ⵉⴳⴰⵏ ⴷ «La vie normale» (ⵜⵓⴷⵔⵜ ⵜⴰⴱⴷⴷⴰⵢⵜ) ⴷ «L'autre c'est moi» (ⵡⴰⵢⵢⴰⴹ ⵉⴳⴰ ⵜ ⵏⴽⴽ), ⵍⵍⵉ ⴷ ⵢⵉⵡⵉⵏ ⵢⴰⵏ ⵓⵎⵓⵔⵙ ⴰⵅⴰⵜⴰⵔ ⴷ ⵍⵍⵉ ⵜ ⵢⵓⵊⵊⴰⵏ ⴰⴷ ⵉⵙⴽⵔ ⴰⴷⵖⴰⵔ ⵏⵏⵙ ⴳⵔ ⵉⵎⵙⴹⵚⴰⵢⵏ ⵉⵅⴰⵜⴰⵔⵏ ⴳ ⴼⵕⴰⵏⵚⴰ.
ⵜⴰⵍⴳⴰⵎⵜ ⵜⵓⴼⵔⵉⵏⵜ
ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵜⴳⴰ ⵙⵙⵉⵏⵉⵎⴰ ⴷⴰ ⵉⵙⴰⵡⴰⵍⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ. ⵜⵓⴷⴷⵎⴰ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵜⵍⵍⴰ ⴳ ⵓⵙⴳⴳⵯⴰⵙ ⵏ 1934 ⵙ ⵓⴼⵉⵍⵎ ⵏ ⵉⵟⵟⵓ, ⴰⴼⵉⵍⵎ ⴰⴷ, ⴰⴷ ⴰⴽⴽⵯ ⵉⵣⵡⴰⵔⵏ ⵉⵙ ⴷ ⵉⴼⴼⴰⵖ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴰⵔ ⵉⵙⴰⵡⴰⵍ ⵙ ⵜⴰⵏⵜⴰⵍⴰ ⵏ ⵜⴰⵛⵍⵃⵉⵜ, ⴰⵙⵓⵍⴼ ⵏ ⵓⴼⵉⵍⵎ ⴰⴷ ⵉⵍⵍⴰ ⴳ ⵉⴷⵔⴰⵔⵏ ⵏ ⵡⴰⵟⵍⴰⵚ ⵎⵇⵇⵓⵔⵏ, ⵉⵎⵙⵙⵓⴼⴰⵖ ⵏⵏⵙ ⴳⴰⵏ ⵜⵏ: ⵊⵓⵏ ⴱⵉⵏⵡⴰ ⵍⵉⴼⵉ, ⵎⴰⵕⵉ ⵉⴱⵛⵜⴰⵢⵏ ⴷ ⵄⴱⴷⵍⵍⴰⵀ ⴰⴳⵍⴰⵡⵡⵓ. ⴰⴼⵉⵍⵎ ⴰⴷ ⵉⴳⴰ ⵜⴰⵢⴰⴼⵓⵜ ⵏ ⵓⵎⵢⴰⵡⴰⵙ ⵉⵏⴳⵔ ⵉⴼⵕⴰⵏⵚⵉⵚⵏ ⴷ ⵉⵎⴰⵣⵉⵖⵏ ⵏ ⵍⵎⵖⵔⵉⴱ.
ⵜⵓⴷⴷⵎⴰ ⵏⵏⵖ ⴰⵙⵏⵜⵉ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⴳ ⵜⵎⴰⵣⵉⵔⵜ ⵏ ⵙⵓⵙ ⵜⵍⵍⴰ ⴳ ⵓⵙⴳⴳⵯⴰⵙ ⵏ 1934 ⵙ ⵓⴼⵉⵍⵎ ⵍⵍⵉ ⴰⴽⴽⵯ ⵉⵣⵡⴰⵔⵏ ⵙ ⵜⴰⵏⵜⴰⵍⴰ ⵜⴰⵛⵍⵃⵉⵜ; ⴰⴷ ⵜ ⵉⴳⴰⵏ ⴷ ⵍⴼⵉⵍⵎ ⵏ "ⵉⵟⵟⵓ", ⵉⴼⴼⴰⵖ ⴷ ⵓⴼⵉⵍⵎ ⴰⴷ ⵙ ⵓⵎⵢⴰⵡⴰⵙ ⵏ ⵉⵎⴰⵣⵉⵖⵏ ⴷ ⵉⵕⵓⵎⵉⵢⵏ, ⵎⴰⵔⵉ ⵉⴱⵛⵜⴰⵢⵏ ⴷ ⵊⵓⵏ ⴱⵉⵏⵡⴰ ⵍⵉⴼⵉ , ⵉⵜⵜⵓⵙⵙⵓⵍⴼ ⵓⴼⵉⵍⵎ ⴰⴷ ⴳ ⵜⵎⴷⵉⵏⵜ ⵏ ⵜⴰⵍⵉⵡⵉⵏ ⴷ ⵜⵙⴳⴳⵉⵡⵉⵏ ⵏⵏⵙ. ⵉⵍⵎⵎⴰ ⴳ ⵓⵙⴳⴳⵯⴰⵙ ⵏ 1989 ⵉⴼⴼⴰⵖ ⴷ ⵓⴼⵉⵍⵎ ⵏ " ⵜⴰⵎⵖⴰⵔⵜ ⵏ ⵡⵓⵔⵖ " ⵍⵍⵉ ⴷ ⵉⵙⵙⵓⴼⵖ ⵙⵙⵉ ⵃⴰⵙⴰⵏ ⴱⵉⵢⵣⴳⴰⵔⵏ (ⵉⴹⴼⴰⵕ ⵜ ⵓⴼⵉⵍⵎ ⵏ ⵜⴳⵉⴳⵉⵍⵜ ⴳ ⵓⵙⴳⴳⵯⴰⵙ ⵏ 1993), ⴰⵡⵙⵏ ⴳⵉⵙ ⴽⵉⴳⴰⵏ ⵏ ⵉⵏⵓⵥⴰⵕ ⵉⵎⴰⵣⵉⵖⵏ. ⵉⵙⴰⵡⵍ ⴷ ⵓⴼⵉⵍⵎ ⴰⴷ ⵅⴼ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⴳⵉⵙⵏ ⵜⴰⵎⴰⴳⵉⵜ ⴷ ⵡⴰⴽⴰⵍ ⴷ ⵡⴰⴷⴷⵓⵔ. ⵉⴹⴼⴰⵕ ⵜ ⵉⴷ ⵏⵉⵜ ⴳ ⵓⵙⴳⴳⵯⴰⵙ ⵏ 1993 ⴰⴼⵉⵍⵎ ⵍⵍⵉ ⴰⴽⴽⵯ ⵉⵜⵜⴰⵡⵙⵙⵏⵏ ⴳ ⵙⵙⵉⵏⵉⵎⴰ ⵜⴰⵛⵍⵃⵉⵜ ⴷ ⵜⵎⴰⵣⵉⵖⵜ, ⴰⴷ ⵜ ⵉⴳⴰⵏ ⴷ ⵓⴼⵉⵍⵎ ⵏ " ⴱⵓⵜⴼⵓⵏⴰⵙⵜ " ⵍⵍⵉ ⵉⵙⴽⵔⵏ ⵢⴰⵜ ⵜⴳⵔⴰⵡⵍⴰ ⵎⵇⵇⵓⵔⵏ ⴳ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵙ ⵓⵎⵢⴰⵡⴰⵙ ⵏ ⵎⵓⵃⴰⵎⵎⴰⴷ ⴰⴱⴰⵄⵎⵕⴰⵏ ⴷ ⵍⵃⵓⵙⴰⵢⵏ ⵉⴱⵓⴽⴰ. ⵉⴹⴼⴰⵕ ⵜ ⵉⴷ ⵓⵍⴰ ⵏⵜⵜⴰ ⵓⴼⵉⵍⵎ ⵏ " ⴳⴰⵔ ⵜⵉⵎⵖⴰⵔⵉⵏ ", ⵄⴰⴷ ⴰⴷ ⴷ ⴰⵛⴽⵉⵏ ⴽⵉⴳⴰⵏ ⵏ ⵉⴼⵉⵍⵎⵏ ⵢⴰⴹⵏⵉ.
ⵎⴰ ⵜⴳⴰ ⵡⵉⴽⵉⴱⵉⴷⵢⴰ?
ⵡⵉⴽⵉⴱⵉⴷⵢⴰ ⵏⵖ ⵡⵉⴽⵉⵒⵉⴷⵢⴰ (Wikipedia ⵙ ⵜⵏⴳⵍⵉⵣⵜ) ⴷ ⵢⴰⵏ ⵓⵙⵏⴼⴰⵔ ⵏ ⵜⴳⵔⵓⵎⵙⵏⴰ ⵜⴰⵖⵣⵓⵔⴰⵏⵜ ⵜⴰⴳⵜⵓⵜⵍⴰⵢⵜ (291 ⵏ ⵜⵓⵜⵍⴰⵢⵉⵏ ⴳ ⵡⴰⵎⵎⴰⵙ ⵏ 2015). ⵡⵉⴽⵉⴱⵉⴷⵢⴰ ⵉⴳⴰ ⵢⴰⵏ ⵙⴳ ⵎⵔⴰⵡ ⵡⴰⵏⵙⵉⵡⵏ ⴰⴽⴽⵯ ⵉⵜⵜⵡⴰⵙⵙⵏⵏ ⴳ ⵡⴰⵏⵜⵉⵔⵏⵉⵜ. ⵉⵙⵏⴼⵍⵓⵍ ⵜⵜ ⵊⵉⵎⵉ ⵡⵉⵍⵣ ⴷ ⵍⴰⵔⵉ ⵙⴰⵏⴳⵔ ⴰⵙⵙ ⵏ 15 ⵉⵏⵏⴰⵢⵔ 2001. ⴷ ⵙⴰⵏⵊⵔ ⴰⴷ ⴰⵙ ⵉⴼⴽⴰⵏ ⵉⵙⵎ ⴰⴷ, ⵉⵙⵎ ⴰⴷ ⵏ ⵡⵉⴽⵉⴱⵉⴷⵢⴰ ⵉⴱⴹⴰ ⵖⴼ ⵙⵏⴰⵜ ⵜⴳⵓⵔⵉⵡⵉⵏ, "ⵡⵉⴽⵉ" ⵙ ⵓⵏⴰⵎⴽ ⵏ ⴱⵣⵔⴱⴰ ⵙ ⵓⵏⴰⵎⴽ ⵏ ⴷⴰ ⴷⵉⴳⵙ ⵜⴻⵜⵜⴰⴼⴰⴷ ⵓⵎⵍⴰⵏ ⴷⵖⵢⴰ, ⴷ "ⴱⵉⴷⵢⴰ" ⵍⵍⵉ ⴷ ⵉⴽⴽⴰⵏ ⵜⴳⵓⵔⵉ ⵏ "encyclopedia". ⵍⵍⵉⴳ ⵃⵔⴰ ⵜⵙⵙⵏⵜⵉ ⵜⴽⴽⴰ ⵜⵜ ⵉⵏⵏ ⵖⴰⵙ ⵙ ⵜⵓⵜⵍⴰⵢⵜ ⵜⴰⵏⴳⵍⵉⵣⵜ, ⵎⴰⵛⴰ ⴷⵖⵢⴰ ⵙ ⵍⵍⵉⴳ ⴷ ⴷⵉⴳⵙ ⵓⵎⴰⵏⵏⵜ ⵜⵓⵜⵍⴰⵢⵉⵏ ⵢⴰⴹⵏ. ⵖⵉⵍⴰⴷ ⵍⵍⴰⵏⵜ ⵓⴳⴳⴰⵔ ⵏ 300 (ⴽⵕⴰⴹⵜ ⵜⵎⴰⴹ) ⵏ ⵉⴷ ⵡⵉⴽⵉⴱⵉⴷⵢⴰ, ⵜⵉⵏ ⵜⵏⴳⵍⵉⵣⵜ ⴰⴷ ⴰⴽⴽⵯ ⴷⵉⴳⵙⵏⵜ ⵉⵎⵇⵇⵓⵔⵏ ⴷ ⵜⵟⵟⴰⴼ ⵓⴳⴳⴰⵔ ⵏ 7 ⵏ ⵉⴷ ⵎⵍⵢⵓⵏ ⵏ ⵉⵎⴰⴳⵔⴰⴷⵏ. ⴳ ⵉⴷ ⵡⵉⴽⵉⴱⵉⴷⵢⴰ ⴰⴽⴽⵯ, ⵍⵍⴰⵏ ⴽⵔⴰ ⵏ 40 (ⴽⵓⵎⵔⴰⵡ) ⵉⴷ ⵎⵍⵢⵓⵏ ⵏ ⵉⵎⴳⵔⴰⴷⵏ ⵙ 300 (ⴽⵕⴰⴹⵜ ⵜⵎⴰⴹ) ⵏ ⵜⵓⵜⵍⴰⵢⵉⵏ. ⴳ ⴱⵕⴰⵢⵕ 2014 (ⵙⵉⵏ ⵉⴼⴹⵏ ⴷ ⴽⴽⵓⵥ ⴷ ⵎⵔⴰⵡ) ⵜⴻⵜⵜⵓⵢⵥⵕⴰ ⵡⵉⴽⵉⴱⵉⴷⵢⴰ ⴽⵔⴰ ⵏ 18 ⵉⴷ ⵎⵍⵢⴰⵔ ⵏ ⵜⴽⴽⴰⵍ ⴷ ⴽⵔⴰ ⵏ 500 ⵉⴷ ⵎⵍⵢⵓⵏ ⵏ ⵉⵔⴳⴰⴱⵏ ⴽⵔⴰⵢⴳⴰⵜⵜ ⴰⵢⵢⵓⵔ.
ⵉⵏⵖⵎⵉⵙⵏ
- ⵜⴰⵎⵜⵜⴰⵏⵜ ⵏ ⵓⵎⵙⵏⴰⵎⵓⵏ ⴰⴼⵍⵙⴰⴼ ⵓ ⴼⵕⴰⵏⵚⴰ ⵉⴷⴳⴰⵔ ⵎⵓⵔⴰⵏ (ⴳ ⵜⵡⵍⴰⴼⵜ) ⴷⴳ ⵓⵡⵜⴰⵢ ⵏ 104 ⵏ ⵓⵙⴳⴳⴰⵙ.
Frameless - ⴰⵔⵣⴰⵢ ⵏ ⵏ ⵓⴼⵉⵔⵓⵙ ⵏ ⵀⴰⵏⵜⴰ ⴷⴳ ⵓⵖⵔⵔⴰⴱⵓ ⵏ ⵜⵏⵢⵓⴷⴷⵓⵜⵉⵏ ⵜⴰⵢⵍⴰⵏⵉⵏ "ⵉⵎ ⴼⵉ ⵀⵓⵏⴷⵢⵓ" ⵏⵏⵉ ⵉⵙⵔⴳⵏ ⴳ ⵜⵎⵜⵜⴰⵏⵜ ⵏ ⵢⴰⵏ ⵓⵎⵙⵙⵓⴷⵓ ⴷ ⵉⵙⴱⵣⵣⴻⵣ ⵖⴼ ⵉⵎⴷⴷⵓⵜⵏ ⴰⵏⵏ ⵏⵏⵉⴹⵏ ⴰⴷ ⵇⵇⵉⵎⵏ ⴷⴳ ⵜⵓⵇⵇⵏⴰ (ⵜⵓⵇⵇⵏⴰ ⵜⴰⴷⵓⵙⴰⵏⵜ).
- ⴱⴰⵔⵉⵙ ⵙⴰⵏ ⵊⵉⵔⵎⴰⵏ ⵢⵓⵡⵉ ⴰⴽⵔⵡⴰⵙ ⵏ ⵜⴰⴹⴰ ⵏ ⵉⵏⴱⵔⴰⵣⵏ ⵏ ⵜⵓⵕⵓⴱⵜ ⴹⴰⵕⵜ ⵎⴰⵢⴷ ⵉⵏⵔⴰ ⴰⵔⵙⵓⵏⴰⵍ ⵙ ⵜⵉⵢⵢⴰⵜ ⵏ ⵓⵙⵎⵢⵉⴳⵔ.
- ⵜⴰⵎⵜⵜⴰⵏⵜ ⵏ ⴱⴰⴱ ⵏ ⵜⵡⵓⵔⵉⵡⵉⵏ ⵓ ⵎⴰⵔⵉⴽⴰⵏ ⵜⵉⴷ ⵜⵓⵔⵏⵔ, ⴰⵎⵙⵙⵔⵙⵍ ⵏ ⵓⵥⵟⵟⴰ ⵙⵉ ⵉⵏ ⵉⵏ ⵏⵏⵉ ⵉⵜⵜⵢⵓⵙⵙⴰⵏ ⴽⵉⴳⴰⵏ, ⴳ ⵓⵡⵜⴰⵢ ⵏ 87 ⵏ ⵓⵙⴳⴳⴰⵙ.
- ⴰⴼⵉⵍⵎ ⵏ "ⵉⵎⵏⵖⵉ ⵜⴰⵎⴰ ⵏ ⵢⴰⵏ" ⵢⵓⵡⵉ ⵚⴹⵉⵚⵜ ⵜⵙⵎⵖⵓⵔⵉⵏ ⵏ ⵓⵙⴽⴰⵔ ⴳ ⵜⴼⵓⴳⵍⴰ ⵜⵉⵙ ⵜⵥⴰⵎⵔⴰⵡ ⴷ ⵜⴰⵎ, ⵢⵓⵎⴰⵏ ⵓⵢⴰ ⵜⴰⵙⵎⵖⵓⵔⵜ ⵏ ⵓⴼⵉⵍⵎ ⴰⵎⵓⴼⴰⵢ ⴷ ⵓⵎⵙⵙⵓⴼⵖ ⴰⵎⵓⴼⴰⵢ ⵉ ⴱⵓⵍ ⵜⵓⵎⴰⵙ ⴰⵏⴷⵔⵙⵓⵏ.
ⴰⵎ ⵡⴰⵙⵙ ⴰⴷ
- 1966: ⵜⴰⵍⴰⵍⵉⵜ ⵏ ⵓⵙⵍⵖⵎⴰⵢ ⴰⵍⵉⴱⵉ ⴰⵅⴰⵜⴰⵔ ⵊⴰⵍⴰⵍ ⴰⴷⴰⵎⴰⵊⴰ.
- 2008: ⵜⵉⵙⵓⵎⴰⵔ ⵏ ⵓⵚⵉⴹⵢⴰⵙ ⴰⴱⵔⴽⴰⵏ ⴳ ⵢⵉⵖⵔⵎ ⵏ ⵙⵉⴷⵉ ⵉⴼⵏⵉ ⵜⴰⵎⵏⵥⵓⵜ ⵏ ⵜⵇⴱⵉⵍⵜ ⴰⵢⵜ ⴱⴰⵄⴱⵔⴰⵏ.
ⵏⵏⴰⵏ ⵡⵉⵍⵍⵉ ⵣⵔⵉⵏⵉⵏ
|
ⴰⴽⴰⵍ ⵉⵟⵟⴰⴼ ⵉⵍⵎ ⵏⵏⵙ, ⵉⵍⵎ ⴰⴷ ⵉⵟⵟⴰⴼ ⵉⵎⵓⴹⴰⵏ ⵏⵏⵙ... ⴰⵏⵎⵉⵣⵉ ⵏ ⵉⵎⵓⴹⴰⵏ ⴰⴷ ⴽⵔⴰ ⵉⵙⵎ ⵏⵏⵙ ⴰⴼⴳⴰⵏ
|
|
ⵉⵙ ⵜⵙⵙⵏⴷ?
- ... ⵎⴰⵙ ⴷ ⴰⵎⵙⵏⵓⵍⴼⵓ ⵏ ⵜⵉⴷⵜ ⵏⵏⴰ ⵉⵙⵏⵓⵍⴼⴰⵏ ⴰⵜⵉⵍⵉⴼⵓⵏ ⵉⴳⴰ ⵜ ⴰⵏⵟⵓⵏⵢⵓ ⵎⵢⵓⵜⵛⵉ (ⴷⴳ ⵜⵡⵍⴰⴼⵜ) ⵓⵔ ⴷ ⴰⵍⵉⴽⵙⴰⵏⴷⵔ ⴳⵔⴰⵀⴰⵎ ⵎⴽⵏⵏⵉ ⵙ ⵖⴰⵍⵏ ⵜⵓⴳⴷⵜ ⵏ ⵎⴷⴷⵏ?
- ... ⵎⴰⵙ ⴷ ⴰⵙⴳⵔⴰⵡ ⵏ ⵛⵉⴼⵢⵉⵍⴷ ⵓ ⵏⵏⴳⵍⵉⵣ ⴰⴷ ⵉⴳⴰⵏ ⴰⵙⴳⵔⴰⵡ ⴰⴽⴽⵯ ⵉⵇⴱⵔⵏ ⵏ ⵜⵛⴰⵎⵎⴰ ⵏ ⵓⴹⴰⵕ ⵏⵏⴰ ⵉⵥⵍⵉⵏ ⴷⴳ ⵓⵎⴰⴹⴰⵍ ⴷ ⵉⵙⵓⵍ ⵓⴽⴰⵏ ⵙⵓⵍ ⵙ ⵖⵉⵍⴰⴷ.
- ... ⵎⴰⵙ ⴷ ⴰⵎⵜⵉⵡⴳ ⵏ ⵓⵎⴰⴹⴰⵏ ⴷⴰ ⵉⵙⵙⵓⵜⵓⵍ ⵉ ⵜⴰⴼⵓⴽⵜ ⴳ 225 ⵏ ⵡⴰⵙⵙ, ⵎⴰⵛⴰ ⴷⴰ ⵉⵙⵙⵓⵜⵓⵍ ⵖⴼ ⵢⵉⵖⴼ ⵏⵏⵙ ⵙ ⵢⴰⵜ ⵜⵎⵎⵔⵉ ⴱⴰⵀⵔⴰ ⵉⵥⵥⴰⵢⵏ ⴰⵍⵍⵉⴳ ⴷⴰ ⵉⵜⵜⴳⴳⴰ ⵢⴰⵏ ⴳ ⵡⵓⵙⵙⴰⵏ ⵏⵏⵙ 243 ⵏ ⵡⴰⵙⵙ ⴰⵏⴰⴽⴰⵍ. ⴰⵢⴰ ⵉⵙⵏⵓⵎⴽ ⵎⴰⵙ ⴷ ⴰⵙⵙ ⵏⵏⵙ ⵉⵖⵣⵣⵉⴼ ⵓⴳⴳⴰⵔ ⵏ ⵓⵙⴳⴳⵯⴰⵙ ⵏⵏⵙ!
- ... ⵎⴰⵙ ⴷ ⵢⵉⴼⵢⴰ ⵜⴳⴰ ⵜⴰⵎⴰⵣⵉⵔⵜ ⵏ ⵚⴱⴰⵏⵢⴰ ⵉⵍⵍⴰⵏ ⴳ ⵜⵙⴳⴰ ⵜⴰⴼⵕⴰⵏⵚⵉⵚⵜ ⴱⴱⵉⵔⵉⵏⵉ ⵜⴰⴳⵎⵓⴹⴰⵏⵜ?
- ...ⵉⵎⵕⴰⴱⵟⵏ ⴳⴰⵏ ⵉⵎⴰⵣⵉⵖⵏ ⵙⴳ ⵜⵇⴱⵉⵍⵜ ⵜⴰⵎⴰⵣⵉⵖⵜ ⵉⵥⵏⴰⴳⵏ?
- ... ⵎⴰⵙ ⵍⵍⴰⵏ ⴳ ⵓⵎⴰⵣⵍⵍⴰⵡ ⵏ ⵡⴰⵙⵉⴼ ⵏ ⵉⴳⵏⵡⴰⵏ ⴳⵔ 100 ⴰⵔ 400 ⵏ ⵓⵎⵍⵢⴰⵕ ⵏ ⵢⵉⵜⵔⵉ, ⴳ ⵜⵉⵣⵉ ⵍⵍⵉ ⴳ ⵍⵍⴰⵏⵜ ⵖⴼ ⵓⵎⵜⵉⵡⴳ ⵏ ⵡⴰⴽⴰⵍ ⴰⵜⵜⴰⵢⵏ ⵏ 3 ⵏ ⵓⵜⵔⵉⵍⵢⵓⵏ ⵏ ⵜⴰⴷⴷⴰⴳⵜ?
- ... ⵎⴰⵙ ⴷ ⵎⴰⵕⵉ ⴽⵓⵔⵉ ⴰⴷ ⵉⴳⴰⵏ ⵜⴰⵎⵣⵡⴰⵔⵓⵜ ⵏⵏⴰ ⵢⵓⵡⵉⵏ ⵙⵏⴰⵜ ⵜⵙⵎⵖⵓⵔⵉⵏ ⵏ ⵏⵓⴱⵍ, ⴷⴳ ⵜⴼⵉⵣⵉⴽⵜ ⴳ ⵓⵙⴳⴳⴰⵙ ⵏ 1903 ⴷ ⵜⴽⵔⵓⵔⴰ ⴳ ⵓⵙⴳⴳⴰⵙ ⵏ 1911?
ⵜⵉⵔⵔⴰ ⵙ ⵜⵎⴰⵣⵉⵖⵜ
ⵉⵎⵉⴷⵉ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ
| ⴰⴷ ⵓⵔ ⵜⴰⵔⵉⴷ/ⵜⵉⵏⵉⴷ: ⴰⴷ ⵓⵔ ⵜⴰⵙⵉⴷ ⵍⵀⵎⵎ. ⵎⴰⵛⴰ ⴰⵔⵓ/ⵉⵏⵉ: ⴰⴷ ⵓⵔ ⵜⴰⵙⵉⴷ ⴰⵏⵣⴳⵓⵎ. ⴰⵛⴽⵓ ⵜⴰⴳⵓⵔⵉ ⵏ "ⵍⵀⵎⵎ" ⴷ ⵜⴰⴳⵓⵔⵉ ⵜⴰⵄⵔⴰⴱⵜ. |
ⴰⵎⵙⵏⵉⵍⵙ ⴰⵎⴰⵣⵉⵖ
ⴰⵎⵏⵏⵉ ⴰⵎⴰⵢⵏⵓ
ⵡⵉⴽⵉⴱⵉⴷⵢⴰ ⵜⴰⵎⴰⵣⵉⵖⵜ ⴷⵉⴳⵙ 12 233 ⵏ ⵓⵎⴰⴳⵔⴰⴷ, ⴰⵢⴰⵏⵏ ⴰ ⵖⴼ ⵉⵣⵎⵔ ⴰⴷ ⵢⵉⵍⵉ ⵓⵎⴰⴳⵔⴰⴷ ⵏⵏⴰ ⵜⵔⵉⴷ ⴰⴷ ⵜ ⵜⴰⵔⴰⴷ. ⵉⴳ ⵜⵔⵉⴷ ⴰⴷ ⵜⵉⵙⵙⴰⵏⴷ ⵉⵙ ⵉⵍⵍⴰ ⵓⵎⴰⴳⵔⴰⴷ ⵏⵏⴰ ⵜⵔⵉⴷ ⴰⴷ ⵜ ⵜⴰⵔⴰⴷ (ⵉⵖⵢ ⴰⴷ ⵢⵉⵍⵉ ⵙ ⵢⵉⵙⵎ ⵢⴰⴹⵏⵉⵏ) ⵏⵖ ⴷ ⵓⵀⵓ, ⵙⵙⵎⵔⵙ ⵜⴰⵙⵏⴰ ⵏ ⵓⵔⵣⵣⵓ. ⵉⴳ ⵓⵔ ⵉⵍⵍⵉ, ⴰⵔⴰ ⵉⵙⵎ ⵏ ⵓⵎⴰⴳⵔⴰⴷ ⴳ ⵜⴼⵏⵉⵇⵜ ⵏ ⵉⵣⴷⴷⴰⵔ, ⴰⴷ ⵉⵍⵎⵎⴰ ⵜⴹⴼⴰⵕⴷ ⵉⵙⵡⴰⵍⴰⵜⵏ ⵏⵏⴰ ⵉⵜⵜⵢⴰⵡⴼⴽⴰⵏ ⴳ ⵓⴼⵍⵍⴰ ⵏ ⵜⵙⵏⴰ ⵏ ⵜⵥⵕⵉⴳⵜ.
ⵉⵙⵏⵜⴰⵢⵏ ⴰⵢⵜⵎⴰⵜⵏ
ⵡⵉⴽⵉⵎⴰⵡⴰⵍ ⵏ ⵜⵎⴰⵣⵉⵖⵜ ⵜⴰⵏⴰⵡⴰⵢⵜ ⵎⵙⵎⵓⵏ ⴰⵡⴰⵍ ⵉⵍⴻⵍⵍⵉ
ⵡⵉⴽⵉⴱⵉⴷⵢⴰ ⵜⴰⵛⵍⵃⵉⵜ ⴰⵙⴰⵎⵓ ⵉⵍⴻⵍⵍⵉ ⵡⵉⴽⵉⴱⵉⴷⵢⴰ ⵜⴰⵇⴱⴰⵢⵍⵉⵜ ⵜⴰⵙⴰⵏⴰⵢⵜ ⵜⵉⵍⴻⵍⵍⵉⵜ ⵡⵉⴽⵉⵎⴰⵡⴰⵍ ⴰⵛⴰⵡⵉ ⵎⵙⵎⵓⵏ ⴰⵡⴰⵍ ⵉⵍⴻⵍⵍⵉ
ⴰⵍⴰⵏⴳⵡⴰ ⵍⵉⴱⵔⵉ ⴰⵙⵜⵓⴷⵢⵓ ⵏ ⵓⵙⵓⵙⵔ
ⵡⵉⴽⵉⵎⵉⴷⵢⴰ ⴽⴰⵎⵏⵣ ⴰⵏⴳⵔⴰⵡ ⵏ ⵉⵙⴼⴽⴰ ⵏ ⵜⴰⴳⵜⵎⵉⴷⵢⴰ
ⵎⵉⴷⵢⴰⵡⵉⴽⵉ ⴰⵙⵏⴼⴰⵔ ⵏ ⵉⵖⴰⵡⴰⵙⵏ ⵉⵡⵉⴽⵉⵜⵏ
ⵎⵉⵜⴰⵡⵉⴽⵉ ⴰⵎⵢⴰⵡⴰⵙ ⵅⴼ ⵉⵙⵏⴼⴰⵔⵏ ⵏ ⵡⵉⴽⵉⵎⵉⴷⵢⴰ
ⵡⵉⴽⵉⴷⵍⵉⵙⵏ ⴰⴳⵓⴷⵉ ⵏ ⵉⴷⵍⵉⵙⵏ ⴷ ⵉⴹⵕⵉⵚⵏ ⵉⴱⵉⴷⴰⴳⵓⵊⵉⵢⵏ
ⵡⵉⴽⵉⵙⴼⴽⴰ ⵜⴰⵙⵉⵍⴰ ⵏ ⵉⵙⴼⴽⴰ ⵉⵍⴻⵍⵍⵉⵢⵏ
ⵡⵉⴽⵉⵏⵖⵎⵉⵙⵏ ⴰⵙⵉⵜ ⵉⵍⴻⵍⵍⵉ ⵏ ⵉⵏⵖⵎⵉⵙⵏ
ⵡⵉⴽⵉⴱⴷⴰⵔ ⵜⴰⴷⵍⴰ ⵏ ⵉⴱⴷⴰⵔⵏ
ⵡⵉⴽⵉⵙⴰⴳⵎ ⵜⴰⵙⴷⵍⵉⵙⵜ ⵏ ⵜⵓⵎⴰⵢⵜ ⵜⵉⵍⴻⵍⵍⵉⵜ
ⵡⵉⴽⵉⵏⴰⵡⵏ ⵜⴰⴷⵍⴰ ⵏ ⵡⴰⵏⴰⵡⵏ
ⵡⵉⴽⵉⵜⴰⵙⴷⴰⵡⵉⵜ ⵉⵎⴰⵙⵙⵏ ⵏ ⵓⵙⵍⵎⴷ ⵉⵍⴻⵍⵍⵉⵢⵏ
ⵡⵉⴽⵉⵎⵓⴷⴷⵓ ⴰⵎⴰⵏⴰⵔ ⵏ ⵓⵎⵓⴷⴷⵓ ⵉⵍⴻⵍⵍⵉ
