Akọrin
Akọrin, Olórin tàbí Ònkọrin ni ẹni tí ó ṣe àpilẹ̀kọ orin, darí orin tàbí kọ orin fún ìgbádùn àti ìfidánilárayá gẹ́gẹ́ bí iṣẹ́ rẹ̀. [1][2] Akọrin lè jẹ́ olùkọ orin sílẹ̀ yálà lílé ni tàbí ègbè fún àwọn elégbè láti gbèé. Ònkọrin ma ń jẹ́ adarí orin lọ́pọ̀ ìgbà nígbà tí wọ́n bá ń kọrin lọ́wọ́. Akọrin nígbà míràn a máa mú irúfẹ́ ẹ̀yà orin kan tàbí ìlanà orin kan láti máa fi gbé èrò rẹ̀ jáde fáráyé rí. Oríṣiriṣi nkan ló ma ń ṣe sábàbí àgbékalẹ̀ orin ònkọrin, èyí lè jẹ́ : ọ̀làjú, ìmọ̀ ìbílẹ̀ abínibí, àṣà, èdè, ìròrí, àwùjọ àti bẹ́ẹ̀ bẹ́ẹ̀ lọ. Ònkọrin tí ó bá ń gbé àwo orin jáde fáráyé gbọ́ ní wọ́n ń pè ní agbóri-jáde.[3] Nígbà tí a lè pe ẹni tí ó bá ń kọ orin fún eré sinimá, eré orí-ìtàgé àti bẹ́ẹ̀ bẹ́ẹ̀ lọ ní akọrin lásán. Bí ó tilẹ̀ jẹ́ wípé ẹnìkanṣoṣo lè ní ànfàní láti jẹ́ akọrin, agbóri-jáde, adarí orin àti akọrin lásán.
Ìsọ̀rí àwọn akọrin
[àtúnṣe | àtúnṣe àmìọ̀rọ̀]
Akọrin
[àtúnṣe | àtúnṣe àmìọ̀rọ̀]Ẹni tí a pè ní akọrin níbí lè jẹ́ ẹni tí ó ma hun orin pọ̀ tí ó sì ma ń kọọ́ sílẹ̀ fún kíkọ yálà nínú sinimá ni tàbí eré orí-ìtàgé àti eré àgbéléwò. Àwọn tí wọ́n ma ń kọ orin fún gbígbé àwo jáde ni a lè pè ní ònkọrin àti bẹ́ẹ̀ bẹ́ẹ̀ lọ.
Adarí orin
[àtúnṣe | àtúnṣe àmìọ̀rọ̀]Adarí otin ni ẹni tí ó ma ń darí ohùn orin pàá pàá jùlọ bí wọ́n ṣe ma ń darí àkójọpọ̀ àwọn olórin tí wọ́n kọrin lẹ́ẹ̀kan náà nípa fífi ọwọ́ darí ohùn orin wọn. Èyi wọ́pọ̀ lọ́dọ̀ àwọn gẹ̀ẹ́sì.[4] Adarí orin yìí yóò dúró lókèèrè níbí tí àwọn olórin náà ti lè ri ọwọ́ tàbí ojú rẹ̀ bí ó ṣe fi ń darí wọn.
Ònkọrin
[àtúnṣe | àtúnṣe àmìọ̀rọ̀]Ni ẹni tí ó ma ń kọrin fún àwọn ènìyàn láti fi dá wọn lárayá
Agbórin-jáde
[àtúnṣe | àtúnṣe àmìọ̀rọ̀]Àwọn agbórin-jáde kópa pàtàkì nínú bí orin ti ń dún tàbí dùn léti olùgbọ́ orin, àwọn ni wọ́n ma ń ṣiṣẹ́ pọ̀ pẹ̀lú akọrin tàbí olórin lórí ọ̀nà tí ó lè gbé orin rẹ̀ gbà tí yóò fi dùn-ún gbọ́ léti. Akọ́ṣẹ́mọṣẹ́ ni wọ́n sábà ma ń jẹ́ níbi iṣẹ́ orin kíkọ.
Àwọn ìtọ́kasí
[àtúnṣe | àtúnṣe àmìọ̀rọ̀]- ↑ "Musician". American Heritage Dictionary.
- ↑ Dictionary of Occupational Titles, Volume 1. U.S. Government Printing Office. 1949. p. 883. https://books.google.com/books?id=BsOj3BYD4DUC&pg=PA883.
- ↑ "Recording Artist (or Group)". Berklee College of Music. January 2011. Archived from the original on 28 October 2020. Retrieved 19 February 2021.
- ↑ Sir George Grove, John Alexander Fuller Maitland, eds. (1922). A Dictionary of Music and Musicians, Volume 1, p. 581. Macmillan.
