James Madison
James Madison (16 Maret 1751 – 28 Junè 1836) aiyâ arèy politikus Amèrika bân Prèsidèn Amèrika Serikat sè nomer 4 (1909 - 1917) Salèrana aropa'aghi sala sèttong Bapak Pendiri Naghârâ Amèrika Serikat.[1]
Biografi
[beccè' | beccè' sombher]James Madison èlahèrraghi è Port Conway. Virginia, tangghâl 16 Maret 1751. Salèrana ajhâr èlmo kesusastrân, filsafat, teologi bân ḍhâsar-ḍhâsar pamarènta'an è Universitas sè satèya èkennal mènangka Universitas Princeton, New Jersey.[2]
Saellana tammat ḍâri universitas, salèrana nerrossaghi pangajhârânna è bidang hokom bân filsafat è bengkona. Sabellunna ajabat prèsidèn, salèrana ella anḍi' bânnya' pangalaman sè tèngghi, è antarana iyâ arèya; katowa panitia revolusioner è Virginia, angghuta delegasi Konvensi Virginia sè aberri' usulan sopajâ Kongres Kontinental ebentuk dhâddhi angghuta kongres kontinental bân torot nyoson bân maessa'aghi ka 10 amendemen pertama ḍâri Konstitusi Amèrika. Amendemen rèya pas èkennal mènangka Piagam Hak-Hak Azazi, sè antara laèn, aberri' jaminan kebebasan pers bân kebebasan acaca è Amèrika Serikat.
Polana peranna nyoson bân maessa'aghi Konstitusi Amèrika Serikat, mèlana pas James Madison èsebbhut mènangka "Bapak Konstitusi".[3] Selama Konvensi panyosonanna konstitusi èlakonè, sabbhân arè James Madison aghâbây cateddhân palèng penting tentang kagiyadhân-kagiyadhân jonvensi kasebbhut.
Salèrana jhughân dhâddhi menteri lowar negeri bâkto Prèsidèn Thomas Jefferson. Mènangka menteri lowar negeri, James Madison ngusaha'aghi belliyânna wilayah Louisiana ḍâri Prancis. Wilayah rèya lanjhângnga ḍâri Teluk Mèksiko è lao' sampè' ka Kanada è Ḍâjâ, bân ḍâri songay Mississippi è tèmor, ghân Ghunong-ghunong Rocky è bârâ'. Li-belliyânna sè èlakonè taon 1803 rèya madhâddhi wilayah Amèrika Serikat lebbi ḍâri ḍukalè ḍâri lowas asalla.[4]
Referensi
[beccè' | beccè' sombher]- ↑ "James Madison Biography - life, death, school, young, information, born, college, husband, house, marriage, time". www.notablebiographies.com. Retrieved 2026-01-14.
- ↑ "President James Madison: Facts and Biography". ThoughtCo (in Inggris). Retrieved 2026-01-14.
- ↑ "Library of Congress Blogs | Blogs from the Library of Congress". The Library of Congress. Retrieved 2026-01-14.
- ↑ "James Madison - Presidency, Facts & Wife". Biography (in American English). 2021-05-10. Retrieved 2026-01-14.
