Negundo

Negundo
Acer negundo Carl von Linné 1753
Instancia de taxon  Nome curto A. negundo  Categoría taxonómica especie  Sinónimo taxonómico Acer fauriei Acer lobatum Acer fraxinifolium Acer trifoliatum
Características  Tipo de follaxe caducifolio  Fonte de box elder (en)
Conservación Especie pouco preocupante
Clasificación taxonómica
Reino Plantae  Orde Sapindales  Familia Sapindaceae  Xénero Acer  Especie Acer negundo L., 1753 Acer negundo
Localización  Orixinario de América do Norte  Invasora en Rusia  Área de distribución República Popular da China Tianjin Pequín Tíbet  Mapas
Códigos e identificadores Freebase /m/028mt0 UNII Q4HU34JAY3 ITIS 28749 OTT 948925 UICN 62940 CoL 94F5 EOL 583069 WFO wfo-0000514643
Fontes e ligazóns  Descrito pola fonte Flora Reipublicae Popularis Sinicae, volume 46 (en) pp. 272
Wikidata G:Commons C:Commons

Acer negundo

O pradairo negundo ou simplemente negundo (Acer negundo), é unha especie de árbore cadicifolia da familia Sapindaceae nativa de América do Norte.

En Galiza aparece coma ornamental en parques urbanos e arboredos.

Descrición

Este pradairo é unha arboriña, usualmente non moi lonxeva que non soprepasa os 10 a 20 m de alto, cun diámetro de 30 a 50 cm, raramente de máis de 1 m. Os talos son verdes, cunha cera rosa ou violeta cando son novos. En troques doutros pradairos (con follas palmadas) o negundo ten follas pinnadas con cinco (ás veces tres ou sete) folíolos; as follas teñen de 12 a 25 cm de lonxitude, con cada folíolo de 6 a 10 cm e 3 a 7 cm de largo. Ningún outro pradairo ten máis de tres folíolos. Os folíolos teñen os bordos aserrados e son asimétricos na base da folla. As flores son miúdas con pétalos, de 10 a 30, xuntos nun acio pénsil, de 1 a 2 dm de longo, que aparece cedo na primavera. As sementes son disámaras, 1 a 2 cm de longo, con ás de 2 a 3 cm incurvadas; esparéxanse e caen polo outono, ou fican na árbore durante o inverno. Distinto a outros pradairos, é unha árbore dioica.

Distribución

Aparece orixinariamente dende o Canadá até Guatemala polo sur. Introducido e cultivado noutras partes do mundo. En Europa, onde foi introducido en 1688, plántase hoxe en día pola súa resistencia á polución, rápido crecemento e carecer de toxicidade, tanto en reforestacións mineiras, zonas de tráfico e parques urbanos.

Hábitat

A especie prefire terreos soleados e non calcarios. Pode medrar en lugares anegados e atura fríos de até -30 °C. É, polo tanto axeitado para o cultivo en Galiza.

Cultivo 3 usos

Acer negundo, ao contrario ca en Europa, é raramente plantado coma unha árbore ornamental en América. A madeira é mala, a forma irregular e a mala xerminación das sementes fan que non sexa unha especie forestal de interese. Con todo ás veces a madeira emprégase coma fonte de fibra para pretensado.

Hai varios cultivares, incluíndo algunhas formas variegadas (follas verdes e brancas, incluso rosadas e amarelas) dispoñíbeis no mercado (viveiros).

En Galiza plántase en arboredos, xardíns urbanos e rúas das principais vilas.

Táxones infra-específicos

Hai poucos aceptados dos numerosos descritos:

• a típica subespecie Acer negundo subsp. negundo, glabro (sen vilosidase), medra no sueste da Columbia Británica, leste a sueste de Ontario e de Nova Hampshire, e sur a leste de Nevada, Arizona, norte de México e sueste da Florida.
• a subespecie occidental ,Acer negundo subsp. californicum (Torr. & A.Gray) Wesm., con talos e follas pubescentes: unha poboación illada no Val Central de California.
• Acer negundo subsp. interius (Britton) Á.Löve & D.Löve
• Acer negundo subsp. mexicanum (DC.) Wesm.

Todos os demais son meras sinonimias da especie.

Sinonimia

• Acer californicum var. texanum Pax
• Acer fauriei H.Lév. & Vaniot
• Acer fraxinifolium Nutt.
• Acer fraxinifolium Raf.
• Acer lobatum Raf.
• Acer nuttallii (Nieuwl.) Lión
• Acer trifoliatum Raf.
• Acer violaceu (Booth ex G.Kirchn.) Simonk.
• Negundo aceroides var. violaceum G. Kirchn.
• Negundo aceroides subsp. violaceus (Booth ex G. Kirchn.) W.A.Weber
• Negundo fraxinifolium var. crispum Loudon
• Negundo fraxinifolium var. violaceum Booth ex Loudon
• Negundo negundo (L.) H.Karst. nom. invalid.
• Negundo texanum (Pax) Rydb.
• Rulac negundo (L.) Hitchc.

Véxase tamén