Vespidae

Vespidae
Vespa (Vespula germanica)
Denominacions populars
vespidos
Clasificación cientifica
Dominio:	Eukaryota
Reino:	Animalia
Filo:	Arthropoda
Clase:	Insecta
Orden:	Hymenoptera
Suborden:	Apocrita
Familia:	Vespidae
Subfamilias
Subfamilias de Vespidae Eumeninae Euparagiinae Masarinae Polistinae Stenogastrinae Vespinae

Os vespidos (nombre cientifico Vespidae) son una familia d'insectos himenopters apocritos ("apocritos" significa "relacionatos con as abellas"), conoixitos comunment como vespas^[1]^{[nota 1]}, que se troban distribuitas per tot lo planeta, treito d'os circlos polars (a don, per altra parte, no b'ha guaires insectos). Se ye considerato que existen bellas 5000 especies de vespas, anque ixa cifra ye una aproximación y ye muit complicato d'estimar-ne lo numer perque, como en altros insectos pasa, muitas d'ellas viven en ambients tropicals y encara no se ye puesto catalogar-las.

As verdateras vespas se destinguen d'altras familias d'insectos (que a sobén tamién se son clamatas "vespas") perque plegan as alas -paralelament a l'abdomen- cuan son en reposo.

Os niedos ("vespers", tamién "avespers", etc) son feitos de buro en muitas especies (as ditas "vespas tarrazeras"), sobretot en especies d'as subfamilias Eumeninae y Euparagiinae, que son solitarias. Altras subfamilias son de tendencias eusocials y fan vespers colectivos, con celas individuals ta las suyas larvas. Os vespers de Polistinae gosan estar os mes granizos, y per o costumbre de construir-los a l'exterior que tienen ixes animals, se gosan albirar penchatos en as ramas d'árbols u baixo d'as voladeras d'os tellatos.

Totas as vespas autenticas (Vespidae) tienen un fizón en o estremo d'o suyo abdomen capable d'inchectar vereno, que emplegan ta defender-se, ta cazar as suyas presas (altros artropodos) u ta ta barallar-se con as vespas rivals.

O termino "vespa", común en l'aragonés y en o gascón (vrièspa u vrèspa) ye evolucionato dende lo latín vespula, que orichinalment ye una forma diminutiva de vespa. Vespa ye d'a on ne demanan las suyas equivalents etimolochicas en castellano y catalán (avispa y vespa respectivament) como tamién en occitán (vèspa), pero no pas la d'o Pireneu central. En gascón y en aragonés o termino demana de vespula per esta secuencia: vespula > vesp'la > vespra > v(i)espra > vriespa.^[2]

Imáchens

Vespa europea común (Vespula spp.)
Vespa sp. radendo lo percullo d'una cleta ta quitar-ne las fibras que emplega en a construcción d'os suyos vrispers.
Capeza d'una vespa d'o chenero Vespula.
Vrisper arborio
Vespas radendo un troz de pollo frito.
Una Mischocyttarus en a construcción incipient d'o suyo niedo.
Ixambre de Polistes adultas en o suyo vespero.
Dolichovespula cullindo una goteta d'augua con as madibulas.