Negra

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pentagrama con tres simbolos: dos notas negras y un silencio de negra

Una nota negra ye o simbolo emplegato ta indicar un sonito con una durada d'un tiempo. Corresponde a la cuatrena parti d'una nota redonda. A negra ye un ovalo coloreyato de negro (d'aquí o suyo nombre), d'a cual sale una linia recta vertical, sin dengún adorno. O suyo silencio equivalent ye o silencio de negra que significa que mientres un tiempo no se fa sonito.

A ilustración amuestra dos negras y un silencio de negra. A dirección d'a barra vertical pende d'a posición d'a nota adintro d'o pentagrama. Dende a tercera linia entalto a negra se representa con o palo entabaixo salindo dende a ezquierda d'a capeza d'a negra. Ta negras situatas por debaixo d'a tercera linia d'o pentagrama, o palo se coloca entalto salindo d'a dreita d'a capeza d'a negra. Ista regla no ye, manimenos, absoluta, podendo variar cuan sía menester ligar notas u cuan bi ha mas d'una voz.

En cuestions de ritmo, a negra gosa estar o patrón emplegato ta la mayoría d'as piezas. Os compases "por cuatre" (tres por cuatre, dos por cuatre, cuatre por cuatre, ...), en os que a negra dura un tiempo d'o compás son, por un regular, os mas emplegatos. A metrica d'una obra musical gosa estar marcata en "negras por menuto".

Referencias

• Datos: Q339616
• Multimedia: Crotchet / Q339616