Codonyate

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Codonyate
Codonyate.
Orichen cheografico
Orichen:	Peninsula Iberica
Se mincha en:	Toda Espanya y Portugal, tamién en Chile, Archentina y Uruguay
Categoría:	Confitura
Elaboración
Ingredients:	Codonyos, augua y zucre.

O codonyate^[1] u recodonyate^[1] ye un producto dulce de confitura elaborau con a carne (mesocarpio) d'os codonyos, muit popular en toda Espanya y Portugal, y que en Aragón tiene especial tradición en o Baixo Aragón y a val d'Ebro.

Elaboración

O codonyate se produce con a pulpa (mesocarpio) d'os codonyos, una vegada se les saca la pela y o ruello central, cueta a partes iguals con zucre y augua. A mescla ha de contraciar-se cuasi de perén mientres cosa d'una hora, dica que o codonyo pierde la forma y se torna una pasta bullent.

A pasta elaborada, cuasi liquida en primeras, se deixa refridar en un recipient que le sirve ta molde, pus en frido adopta una forma mas consistent y chelatinosa. A presentación gosa fer-se en rabanadas, que se quita de la masa con cuitiello, y que se fa marchar ta acompanyar o pan, a torta, bel troz de pastiello u galletas.

Denominación

A denominación tradicional aragonesa "codonyate" (aragonés medieval codonyat^[2]^[3], tamién en romanz navarro^[4]), ha perdiu terreno en as zagueras decadas frentes a la castellana carne de membrillo u dulce de membrillo, sobre tot por o producto que se compra por cuentas d'elaborar-lo en casa y que viene etiquetau con ixas formas.

En o sieglo XX, as principals industrias productoras de codonyate comercial, que veniba en lata, se situaban en Andalucía y La Mancha, de forma que cuasi invariablement o producto que se compraba en as casas aragonesas veniba etiquetau con a denominación castellana. Os pocos productors aragoneses que i ha, en municipios como Albalat de l'Arcebispe u Caspe, han habiu d'etiquetar o suyo producto con a denominación castellana ta poder-lo comercializar difuera d'Aragón.

Referencias

1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ Antonio Gargallo Moya, María José Sánchez Usón: Cuentas de un viaje en el s. XIV: De Teruel a Zaragoza y Barcelona en 1366. Revista Teruel, nº 71, chinero-chunio de 1984, p 130.
↑ (an) Rafel Vidaller Tricas:Lesico do mundo natural en o sieglo XV, Luenga & Fablas 12-13, 2008-2009, Consello d'a Fabla Aragonesa, ISSN 1137-8328, pp. 227-236
↑ Fernando Serrano Larrayoz Medicina y enfermedad en la corte de Carlos III El Noble de Navarra (1387-1425) Fondo de Publicaciones del Gobierno de Navarra, 2004

Se veiga tamién

Vinclos externos

Se veigan as imáchens de Commons sobre codonyate.

Datos: Q555084
Multimedia: Dulce de membrillo / Q555084

[DACC-1] 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[2] Antonio Gargallo Moya, María José Sánchez Usón: Cuentas de un viaje en el s. XIV: De Teruel a Zaragoza y Barcelona en 1366. Revista Teruel, nº 71, chinero-chunio de 1984, p 130.

[3] (an) Rafel Vidaller Tricas:Lesico do mundo natural en o sieglo XV, Luenga & Fablas 12-13, 2008-2009, Consello d'a Fabla Aragonesa, ISSN 1137-8328, pp. 227-236

[4] Fernando Serrano Larrayoz Medicina y enfermedad en la corte de Carlos III El Noble de Navarra (1387-1425) Fondo de Publicaciones del Gobierno de Navarra, 2004

[1]

[2]

[3]

[4]