Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Maandag, 8 Junie 2026 Hier is tans 129 263 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Nelson Piquet Souto Maior (Portugese uitspraak: [ˈnɛwsõ piˈke], gebore op 17 Augustus 1952 in Rio de Janeiro) is 'n Brasiliaanse voormalige motorrenjaer en sakeman wat die Formule Een-wêreldjaerskampioenskap drie keer in die jare 1981, 1983 en 1987 gewen het. Hy is die vader van Nelson Piquet jr. wat in sy voetspore volg in motorwedrenne.

Piquet het 'n kort loopbaan in tennis gehad voordat hy belangstelling in die sport verloor het en daarna karting begin en sy identiteit verbloem het om te verhoed dat sy pa sy stokperdjie ontdek. Hy het die Brasiliaanse nasionale kartkampioen in 1971–72 geword en die Formule Vee-kampioenskap in 1976 gewen. Op advies van Emerson Fittipaldi het Piquet na Europa gereis om verdere sukses te behaal deur 'n rekordaantal oorwinnings in Formule Drie in 1978 aan te teken, en Jackie Stewart se rekord van alle tye te verbeter.

In dieselfde jaar het hy sy Formule Een-buiging met die Ensign-span gemaak en vir McLaren en Brabham gery. In 1979 het Piquet na die Brabham-span geskuif en in 1980 as die naaswenner geëindig voordat hy die kampioenskap in 1981 gewen het. Piquet in 1982 is gekniehalter deur erge enjin-onbetroubaarheid, maar hy het 'n herlewing in 1983 gehad en sy tweede wêreldkampioenskap behaal.

Vir 1984–85 het Piquet weer 'n kans verbeur om die kampioenskap te wen, maar het daarin geslaag om drie oorwinnings in daardie tydperk aan te teken. Hy het in 1986 na die Williams-span geskuif en was 'n titelaanspraakmaker tot die laaste ronde in Australië. Piquet het sy derde en laaste kampioenskap in 1987 geneem tydens 'n hewige stryd met spanmaat Nigel Mansell wat die paar se verhouding versuur het. Piquet het daarna na Lotus verskuif vir 1988–89 waar hy sy derde verlies aan vorm ervaar het. Hy is uiteindelik na die Benetton-span vir 1990–91 waar hy daarin geslaag het om drie wedrenne te wen voordat hy uitgetree het.

Nadat hy uit Formule Een getree het, het Piquet vir twee jaar sy hand by die Indianapolis 500 probeer. Hy het ook tydens en ná sy Formule Een-loopbaan verskeie kere aan sportmotorrenne deelgeneem. Piquet is tans afgetree en bestuur verskeie besighede in Brasilië, en sy seuns Nelson Piquet jr. en Pedro Piquet, wat ook professionele renjaers is.

...lees verder

In die nuus

Die 48 deelnemende nasionale sokkerspanne is besig met opwarmingswedstryde vir die 23ste FIFA Sokker-Wêreldbeker; dié toernooi word van 11 Junie tot 19 Julie in Kanada, Meksiko en die Verenigde State beslis.
Die twaalf deelnemende nasionale vrouekrieketspanne is besig met opwarmingswedstryde vir die tiende T20I-vrouewêreldbeker; dié toernooi word van 12 Junie tot 5 Julie in Engeland beslis.
Pous Leo XIV publiseer sy eerste ensikliek Magnifica Humanitas, waarin hy die verhouding tussen mense en kunsmatige intelligensie bespreek.
Die Verenigde Arabiese Emirate, een van die wêreld se belangrikste ruolieuitvoerlande, verlaat die Organisasie van Petroleumuitvoerlande (OPUL).
Die Tisza-party onder Péter Magyar wen tydens die Hongaarse parlementsverkiesing 'n volstrekte meerderheid en beëindig 16 jaar se heerskappy deur Viktor Orbán se Fidesz-party.

Het u geweet...

... dat sterrestelsels konstant in beweging is? Sommige stelsels, soos dié in die stelsel Arp 87, raak soms selfs in botsings betrokke.

... Samuel Morse, die uitvinder van die telegraaf, vir burgemeester van New York gestaan het? Hy was egter nie suksesvol nie.

... dat daar moontlik meer as twee wêreldoorloë plaasgevind het? Sommige historici beskou ook die Sewejarige Oorlog en die Napoleontiese Oorloë as wêreldoorloë, omdat beide op verskille kontinente geveg is.

... dat die Indiese politikus Mahatma Gandhi vir 'n lang tydperk as 'n advokaat in Durban gewerk het? Hy was tussen 1893 en 1915 in Suid-Afrika woonagtig. Hier het hy die Natalse Indiese Kongres gestig, wat later met die ANC sou saamsmelt.

... dat goudvissies nie so slegte geheue het as wat geglo word nie? Hulle kan geleer word om deur doolhowe te navigeer en kan na 'n paar maande hulle eienaars herken.

Vandag in die geskiedenis

8 Junie:

1867 – Keiser Frans Josef I van Oostenryk word as koning van Hongarye gekroon.
1926 – Emily Hobhouse, kampvegster vir die verbetering van toestande in die konsentrasiekampe tydens die Tweede Vryheidsoorlog, sterf.
1940 – Tweede Wêreldoorlog: Die geallieerde magte onttrek uit Narvik in Noorweë, wat daartoe lei dat die Nore hulle wapens in Noorweë moet neerlê.
1949 – George Orwell se politiese roman Nineteen Eighty-Four word gepubliseer.
1967 – Sesdaagse Oorlog: Die intelligensieskip USS Liberty word deur die Israeliese Verdedigingsmagte aangeval in die USS Liberty insident. 34 Amerikaners sterf.

Voorbladbeeld

'n Mundari-man poleer die horings van een van sy Watusi-koeie met 'n mengsel van koei-urine en as as 'n rituele en beskermende praktyk in 'n tydelike beeskamp in Terekeka, Suid-Soedan.